उदुःतो कताकून 15:7 - Korwa Bible

⁷ हनते चइरो जीव-जंतूकू अते मीटोंग जीव-जंतू हँकुःआ सातो बराहीलकू एचेरे मेमेडटोंग मेमेडटोंग सोनाराः डुभाय एमेवातेडकुःआ। सगर सइट वरी दोहोनता हाँयग भगवानराः रीस हना डुभाकूनरे पेरेगतो दोहोना।

उदुःतो कताकून 15:7 Referans Kwoze

उदुःतो कताकून 16:2

दो मी होड़ सेरमो देसरीग बराहील सेनेकियानखन अनँयगराः डुभा ओतरेय दूलगोतेड। अरू जानरराः मुरतीकू सेवाःआ हँकुःआ होड़कू एचेरे अरू हाँयराः चिनहाकू गोःतेरा हँकुःआ होड़कू एचेरे, सेयात अरू हसूत इया पुड़सूड़ रेमनेना।

उदुःतो कताकून 10:6

सगर सइट लगा जीयत इदानिया हाँयग भगवान, सेरमो, अरू ओत अरू समुंदर अरू जमा जिया-जउतकूने तुलाकेरा। हाँयग भगवानराः ञावते किरिया कसट जोमकेडखने कतातेरा, “नुँहू अरू ओरो कुबेरनेना।

उदुःतो कताकून 5:8

हाँय हना कागदे गोःयाड दो, हँकुःआ चइरो जीव-जंतूकू अरू चूबीसगोटोंग मूक होड़कू हाँयग भेड़ा होन मड़ंगरेकू तबेरयान। हँकू जमाकू एचेरे मेमेडटोंग तंबुररा अरू सकला पेरेगतो सोनाराः डुबहा दोहोना। (हना सकला भगवानरिकुःआ सुद होड़कूराः अरजी हवे।)

उदुःतो कताकून 21:9

हनते सातगोटोंग हइजा पेरेगतो सातगोटोंग डुबहाकून साबतो सेरमो देसरिकुःआ बराहीलकू अते मीटोंग बराहीलिंग ञेलतेरा। हाँय ईंग एचेरे वेजेडखने कतातेरा, “दोमे, ईंग भेड़ा होनरीग कनियायिंग उदुःवामता। हाँय हनाँयगरीग एराते होयाःता।”

उदुःतो कताकून 15:1

हनते सेरमो देसरे मीटोंग मरंग अरू बयाव जुवाः इया चिनहायिंग ञेलतेरा। हंडा सातगोटोंग बराहीलकू दोहोना अरू हँकू एचेरे सातगोटोंग हइजा दोहोना। नाःआ टुटीग हइजाते भगवानराः रीस चबायान।

1 तिसलूनिका 1:9

हँकू अँननकू कतायतना, पउलूस अरू सउंगताकूतेन हँकू एचेरेकू सेनेड मेला, हँकू नपायतेकू नेत-नेवारतेडकुःआ, माःआन। हँकू अले एचेरे अपे बदीरे नाःआ होंकू कता उदुःगेता, हँकूराः जीव बदलावयना अरू जीव मेर दोहोनता हना मुरतीकून अड़ाःकेडखन जीयत अरू सताय भगवानकू मनवेयतना,

उदुःतो कताकून 1:18

ईंग गोएगनेना, मनदो अयुमेमे सनागर सइट जिनियतिंग दोहोनता। अरू गुजुः अरू पतालपूरराः चभी इनिंग एचेरे इदा।”

उदुःतो कताकून 4:10

हनमेला गदीरेकू दुड़ुःता, हँकुःआ मी कुड़ी चइरगोटोंग मूक होड़कू, हँकू, सगर सइट लगा जिनियत इदानिया हाँय मड़ंगरे, अँननकूराः पगरीकू मंडावकेरा अरू तबेरकेडखनकू जागगेयता,

उदुःतो कताकून 14:10

भगवान हँकू सुदा मुरुके रीस रंजाव जुवाःता। अरू हाँय सेरमो देसरिकुःआ सुद बराहीलकू अरू भेड़ा होन मड़ंगरे हितकाःतो लेटे दिरि गुंडा अरू सेंगेलते हँकुःआ होड़कू मुरुक पीरारेय एचे परावकूता।

उदुःतो कताकून 17:1

डुभाकू साबतेरा हँकुःआ सातगोटोंग सेरमो देसरिकुःआ बराहीलकू अते मी होड़ बराहील ईंग एचेरे वेजेडखने कताया, “दूमे, मुरुक ततेरराः दाःरेय दुड़ुःकिया हाँयग मरंग सनही अइमी, करा इया भगवान फड़ियावगेयता, हना आमिंग उदुःवाता।