उदुःतो कताकून 13:8 - Korwa Bible

⁸ चउंदीसराः बुँहड़ीन अते मड़ंग भगवान मुरुक होड़कूराः ञाव ञेड एंडात भेड़ा होनराः जीवराः कागदरेय ओजाः दोहोकेरा। अरू हना कागदरे ञाव ओजाःतो कोवानेःआ, हँकुःआ जमा होड़कू हाँयग जानरकू जागता।

उदुःतो कताकून 13:8 Referans Kwoze

इपीसी 1:4

अबू हाँय मड़ंगरे सुद अरू बेगर गारबारतेबू दोहोन लगा चउंदीसराः बुँहड़ीन अते मनाड़ंग ईसू मसीतेय सुनावकेडबुःआ।

मती ओजाःतेरा भगवानराः नपाय सरवन 25:34

हनते हाँयग मरंग राजा हाँयराः खउना तिःई गतररेकू चड़ाँनता हँकुःआ होड़कू एचेरेय कतायता, दबूपे, ईंगरीग अपांग भगवान अपेराः जीवे नपायगोतेडा। चउंदीसराः बुँहड़ीन अते भगवान अपे लगाय सपड़ाव दोहोकेरा हना इताडपे पवाः।

उदुःतो कताकून 17:8

आम ञेलतिरिया हाँयग जानर, मड़ंगे दोहोना, अरू नुँहू गोएगतो इदानिया, अरू अनँयग एचे लाय एंडन लगा, पतालपूर अतेय उडुंग वेगता। चउंदीसराः बुँहड़ी अते, जीवराः कागदरे ञाव ओजाःतो कोवानेःआ, हँकुःआ होड़कू हाँयग जानर ञेलकेडखनकू बयाव जुवाःता। हाँयग जानर मड़ंगे दोहोना, अरू नुँहू गोएगतो इदानिया, अरू कुदा तयोमगुःताय। हनालगा हँकू हाँय ञेलकेडखनकू बयाव जुवाःता।

उदुःतो कताकून 3:5

जितावबाः जुवाःता हाँयग होड़, हँकुःआ होड़कू इया उजड़ सोनहेयिंग तुसिंगगेयता, अरू हाँयराः ञाव जीवराः कागद अते कहियो ओरोयिंग कटावतेरा। ईंग ईंगरीग अपांग भगवान अरू हाँयरिकुःआ बराहीलकू मड़ंगरेयिंग कबुलाःता, नाँय ईंगरीग होड़ हवे, माःआन।

तितूस 1:2

अरू कहियो मेरेय लबराता हाँयग भगवान मुनुरुक जूग परियारेय जबानतेरा ओरो टुटीगनेना हना जीव लगाकू असरागे।

उदुःतो कताकून 21:27

तोनोंगीग तोनोंगाः बेलूर जिनिस हना सहररे ओरोकू गोः बोलोतेरा। अरू बेलूर होड़कू अरू अडिग होड़कू हना सहररे कहियो ओरोकू बोलो अवेनेना। मनदो भेड़ा होनराः कागदरे ञाव ओजाःतो इदा हँननकुःआ होड़कू एकला हना सहररेकू बोलता।

उदुःतो कताकून 5:12

अरू हँकू मुरुक सटीतेकू सेरेंगा, “ने ञेड गोएगतो भेड़ा होन आम जंगर अरू आन-धान, कनहून अरू सवांग, मान मरजइत अरू जाग, अरू धनियाबाद पवाः जुकूर इदानमेःआ।”

एहुना 1:29

एटाः दिन एहुना आँयग अगी ईसू वेगतो ञेलतिडिगखने कतातेरा, “ञेलेयपे, चउंदीसरिकुःआ होड़कूराः कसूरे बराव एंडाता भगवानरीग भेड़ा होन ननाँय हवे।

लूका 10:20

भूतकू अपेराः हुकुमरेकू ञीर जुवाःता, मनदो हना कतारे अपे अलोपे बहालगुः। अपेराः ञाव सेरमो देसराः कागदरे ओजाःतो इदा, हना कतारेपे बहालगुः।”

पिलिपी 4:3

ने सुजगे, आम ईंगरीग बिसवासगेयीग सेवा देंगवा होड़ हवे। नँकिनाः अइमीकिन, कलमेस अरू एटाः सेवा देंगवा होड़कू अरू ईंग सुदा, नपाय सरवन कता उदुःगे लगा मुरुककिन सेसा-दुराकिया। अरू नँकुःआ जमा होड़कूराः ञाव, जीवराः कागदरे भगवान ओजाःकेरा। हनालगा ने सुजगे, आम नँकिनाः अइमीकिन सलसतरेकिन दोहोन लगाम संघरावाकिन।

उदुःतो कताकून 3:20

ञेलपे, ईंग अपेराः इंदरीराः दुवाररे चड़ाँकियानखनिंग टोकोःगोड ञवनता। तोनोंगीग ईंगराः अरो अयूमकेडखन दुवारे गीग, दो ईंग हाँय एचेरे बोलोकियानखन हाँय सुदालिंग जोम ञूयता।

उदुःतो कताकून 3:10

ईंग कतातेरा, अपे सहाव घड़ीन ईंग एचेरेपे बिसवासगोड ञवन अरू ईंगराः हना कता अपे मनावनेना। हनालगा जमा चउंदीसरिकुःआ होड़कू अंदजावकू लगा कटसिया होयाःतान मेला अपे हना अंदजावरेयिंग बनसाव दोहोपेता।

उदुःतो कताकून 12:15

हनते लाल मरंग बींग हाँयग अइमी झुटियावतेडखन अनँयग आहते दाः नई इयाय पुरकावगोतेड, जेमहा हाँयग अइमी हना दाःतेय तूः जुवाः।

उदुःतो कताकून 5:13

हनते ईंग सेरमो देसरिकुःआ, अरू ओतरिकुःआ, अरू पतालपूररिकुःआ, अरू समुंदररिकुःआ जमाकू नाःआ इया कतातिंग अयूमतेडकुःआ, “ने भगवान आम गदीरेम दुड़ुःकिया दो आम लगा अरू भेड़ा होन लगा, होड़कू सगर सइट वरी मान मरजइत, जाग, अरू धनियाबादकू एमे अरू अबाराः राइज सगर सइट दोहोन।”

उदुःतो कताकून 6:1

हनते हाँयग भेड़ा होन सातगोटोंग मोहर अते मीटोंग मोहरे उउघाड़ाःआ हनायिंग ञेलतेरा। हनते मीटोंग अरोयिंग अयूमतेरा। चइरगोटोंग जिनियत जीव-जंतूकू अते मीटोंग जीव-जंतू ठेड़ररे इयाःआ अरोते मुरुक सटीतेय कतातेरा, “दूमे।”

उदुःतो कताकून 13:12

गुजुः इया घाव दोहोना अरू हना घाव ओरेगयान, हनाँय मड़ंगीग जानरराः हातपातते जमा बरानाः बुताय बुताःआ। नाँयग नँवा जानर, चउंदीसरिकुःआ जमा होड़कू, रेनहाकेडखन हाँयग मड़ंगीग जानरे एचे जागकुःआ।