उदुःतो कताकून 13:5 - Korwa Bible

⁵ बड़वार बड़रा अरू भगवान बदीरे ओपता बड़रा कता लगा हाँयग जानर हातपाते पवावनेना, अरू हाँय बयालीस महिना वरी राइजगे लगा हों हातपाते पवावनेना।

उदुःतो कताकून 13:5 Referans Kwoze

उदुःतो कताकून 12:6

अरू हाँयग अइमी, भगवान हाँय लगाय सपड़ाव दोहोतेरा हना टयंगाब ततेर अगीय ञीरयान। हंडा हाँय 1,260 दिन वरीकू पला दरीगेया।

उदुःतो कताकून 12:14

मनदो हाँयग अइमी मीटोंग मरंग कुड़ीडराः बारटोंग पंकीय पवावनेना, जेमहा हाँय टयंगाब ततेर अगीय दोन अवेन। हंडा हाँय मी बरिस, अरू बार बरिस अरू आधा बरिस वरी लाल मरंग बींग अते बनसावकियानखनकू पला दरीगेय।

2 तिसलूनिका 2:4

होड़कू, भगवान माःआनकू कतायता अरूकू सेवागेता हना जमाकूने घंटावगेता अरू हाँय कतायता, ईंग जमाकूते मरंग इदानिंगा, माःआन। हाँय भगवानराः ओड़ाःरे दुडुःकियानखन ईंग भगवान हवे, माःआने कतनता।

उदुःतो कताकून 13:7

भगवानरिकुःआ सुद होड़कू एचेरे लड़ाइ लगा अरू हँकू सुदा जीताः लगा हातपाते पवावनेना। जमा जइत होड़कू, अरू जमा गोतोररिकुःआ होड़कू, अरू जमा राइजरिकुःआ होड़कू अरू जमा भासीरिकुःआ होड़कू एचेरे हातपाते पवावनेना।

उदुःतो कताकून 11:7

हँकिनाः हिदइतदारकिन भगवानराः सरवनकिन परसार उरियाव जुवाः दो, पतालपूरते उडुंगगुःता हाँयग जानर हँकिन सुदा लड़ाइकियानखन हाँय जिताःता अरू हँकिने ञेड एंडाता।

2 तिसलूनिका 2:3

तोनोंग इया तोनोंगीग होड़ अपे अहाय अडिग अवेपे। होड़कू भगवान बदीरेकू अगड़-बगड़गोडता अरू कसूर रबूद होड़ अरीने एचे ञिलुः हना वरी, हना दिन ओरो होयानेना।

2 तिसलूनिका 2:8

कसूर रबूद होड़ एचे ञिलुःता। मनदो परबू ईसू ओंगकेडखन हाँयग रबूद होड़े ञेड एंडागोडेयता अरू परबू हितकाःतो सेंगेलरेय वेगतान अते हाँय लाय जुवाःता।