उदुःतो कताकून 12:9 - Korwa Bible

⁹ हनते हाँयग लाल मरंग बींग चउंदीसरेकू तेके लोजोरगोतेडीग। हाँय अरू आँयगरिकुःआ बराहीलकू सेरमो देस अतेकू तेके लोजोरगोतेडकू। हाँयग बींग दरहा अरू कलउ माःआनकू कतावायता। हनाँय जमा चउंदीसरिकुःआ होड़कू मनाड़ंग वरीतेय बहकावकूता।

उदुःतो कताकून 12:9 Referans Kwoze

लूका 10:18

दो ईसू हँकू एचेरेय कताया, “कलउ सेरमो अते बोंगा लोम उड़ी भगवान एचे कसड़गोतेडिया, हनायिंग ञेञेला।

एहुना 12:31

भगवान नाःआ चउंदीसरिकुःआ होड़कू फड़ियावकू लगा बेला सोदोरयना अरू भगवान नाःआ चउंदीसरीग राजा कलउए उडुंग एंडागोडेयता।

उदुःतो कताकून 20:10

हनते हँकुःआ होड़कू अडिगता हाँयग कलउ, सेंगेल अरू हितकाःतो लेटे दिरिराः हुडिंग समुंदररेय तेके बोलोगोडेयता। हंडा हाँयग जानर अरू भगवानराः बड़रा लबराते कतायीग होड़ हों दोहोनता। हँकू सगर सइट दिन रइत पीरारेकू पिड़ियाः पिड़ियाः ञवनता।

1 एहुना 5:19

अबू सुदीयतना अबू भगवानरिकुःआ लइंकू हवे अरू जमा चउंदीसरिकुःआ होड़कू बेलूर इदानिया हाँयराः आड़रे इदानकुःआ।

2 कुरिंती 4:4

नाःआ चउंदीसरीग देवता, कलउ बेगर बिसवासी होड़कूराः जीवे अनंदरागोतेडा। ननानाः अते भगवानरीग सिरामइत मसी अगम मरंग इदानिया माःआन उदुःगेयता हना नपाय सरवनराः मरसल अँकू जीवरे मेरकू अटकार अवेयता।

उदुःतो कताकून 12:7

हनते सेरमो देसरे लड़ाइ होयानेना। भगवानरीग मरंग बराहील, मिकाईल अरू आँयगरिकुःआ बराहीलकू लाल मरंग बींग सुदा लड़ाइ लगाकू उडुंगनेना। अरू लाल मरंग बींग अरू आँयगरिकुःआ बेलूर बराहीलकू हँकू सुदाकू लड़ाइया।

एहुना 8:44

कलउ अपेरीग अपांग हवे अरू हाँयराः ओंगोल इया एचेय लगापे चहाःता। हाँय मनाड़ंग वरीते होड़कूय ञेड गोएगता अरू तोनोंग इयाःआ सताय हाँय एचेरे कोवानेःआ। हनालगा हाँय भगवानराः सताय सरवने हिनइस-बिनइसवाता। हाँय लबरा इदानिया अरू जमा बरानाः लबरा हनाँय अगीते उडुंगगुःता। हनालगा हाँय अनँयगराः लूर-नेवन इया लबरा बड़राय कतागोड ञवनता।

उदुःतो कताकून 20:8

अरू हाँय चउंदीसरिकुःआ चइरो गतर इदानकुःआ हँकुःआ गोग अरू मागोगरिकुःआ होड़कूय अडिगता। अरू हँकू हाँय सुदा लड़ाइ लगाकू उडुंगगुःता। हँकू समुंदरराः बितील बरोबइर मुरुक इदानकुःआ।

उदुःतो कताकून 12:3

हना तयोमरे सेरमो देसरे अरू मीटोंग चिनहायिंग ञेलतेरा। मीटोंग लाल मरंग बींग दोहोना। हाँयराः सातगोटोंग बोः अरू दसगोटोंग देरेंग दोहोना। हाँयराः सातगोटोंग बोःरे मेमेडटोंग मेमेडटोंग राजाराः पगरी दोहोना।

उदुःतो कताकून 9:1

हनते पाँच नमारीग बराहील अनँयग मरंग सोहनाईए ओंगतेरा अरू ईंग सेरमो अते ओतरे मीटोंग इपील लोजोरनेना हना ईंग ञेलतेरा, अरू हाँयग इपील पतालपूरराः दुवारराः चाभीय पवावनेना।

उदुःतो कताकून 2:24

मनदो थायतिरारिकुःआ एटाः होड़कू, अपे हाँयराः चेडतो मेरपे मनाःता। अरू हाँयरिकुःआ होड़कू कतायता, नाःआ चेडतो कलउराः ओकोत कताकून हवे, हना कताकून बदीरे अपे मेरपे सुदीयतना। दो अपे ईंगपे अयूम। अपे एचेरे ईंग नाःआ अते एटाः तोनोंगाः बोझा ओरोयिंग एमेतेरा।

उदुःतो कताकून 2:13

“ईंग सुसुदीतना, अपे कलउराः गदी इदा हंडापे दोहोनता। हनते हों अपे ईंगराः ञावपे ञावगोड ञवनता अरू ईंग एचेरेपे बिसवासगोड ञवनता। अंतिपास ईंगरीग सताय हिदइतदारे दोहोना। हँकू हाँय अपेराः सहररेकू ञेड एंडातिरिया (हना सहररे कलउराः गदी इदा)। हनमेला हों अपे ईंग एचेरेपे बिसवासगोड ञवना।

1 पतरस 5:8

अपेरीग मुदइ कलउ, नरराःता हाँयग कूल इया तोनोंगीग ऊड जोम लगाय लबड हड़ाःता। हनालगा अपेराः जीव ओंगोल समझाव घड़ीनपे दोहोगे अरू सवासितीपे दोहोन।

2 कुरिंती 11:14

कलउ हों विड़चेड़तो सेरमो देसरिकुःआ बराहीलकूराः भेसरेय बड़ाँःता। हनालगा नँकुःआ होड़कू बदीरे अबू बयाः लगा कोवानेःआ।

2 कुरिंती 2:11

अबू कलउराः बुइदकूनबू सुसुदीतना। हनालगा अबू हाँयराः गारबारबू बराव एंडाय अते कलउ अबू एचेरे ओढोर ओरोय ञेल ञाम अवेतेरा।

रूमी 16:18

नाःआ इयाकू एचेयता हँकुःआ होड़कू अबूरीग परबू ईसू मसी मेरकू सेवायता, मनदो अँननकू नफा पवाः लगाकू सेवातना। हँकू अँनकूराः बोनावतो बड़राते सुधा होड़कूकू बहकावगोडकूताकू।

मूक चेलाकू 26:18

जेमहा हँकू ईंग बदीरेकू सुदी अवेय अरू अँनकूराः कसूर अड़ाःकेडखन अंदरा दूर अते मरसल अगीकू वेग अरू कलउराः आड़ अते भगवान अगी जीवकू कुदा अवेय। नाःआते भगवान हँकूराः कसूरे बराव एंडाता अरू ईंग एचेरे बिसवासकेडखन एचे सुदकेडकुःआ हँकुःआ होड़कू सुदा इताडदारकू होयाःता।

लूका 22:31

ने सिमोन, अयुमेतनाम? मी होड़ गोहोमे गूमता हनन इया अंदजावपे लगा कलउ भगवान एचेरेय असेकेडपेःआ।

2 कुरिंती 11:3

अपे सुधिया अरू सुद जीवते मसीपे दुलारतना। दो बींग, हववा अडिगतेडखने बहकावतिरिया, हनन इया मसीराः हना दुलार अते लबरा चेडदार होड़कू अपेकू बहकावगोडता माःआनतिंग बोरतना।

लूका 22:3

हनते ईसूरिकुःआ बारहगोटोंग मूक चेलाकूतेन अते मी होड़ जूदा इसकरियोतीराः जीवरे कलउ समसावयान।

लूका 8:12

दूररे लोजोरनेना हना बिहान नाःआ इया होड़कू हवे, हँकू सरवनकू अयूमता, मनदो बिसवासकेडखन सडाः अते मड़ंग, कलउ वेगवाडखन हँकू जीव अते हना सरवने गोःयाता।

मती ओजाःतेरा भगवानराः नपाय सरवन 25:41

हनते दिरही तिःई गतररिकुःआ होड़कू एचेरेय कतायता, ने सती-सरापतो होड़कू, मड़ंग वरीते कलउ अरू हाँयरिकुःआ बराहीलकू लगा संजोड़तो इदा अरू कहियो ओरो इड़ीगनेना हना संगेलरेपे सलाव जुवाः।

मती ओजाःतेरा भगवानराः नपाय सरवन 4:10

दो ईसू हाँय एचेरेय कतातेड, “ने कलउ, ईंग अते ञीर जुवाःमे। भगवानराः कागदरे नाःआ इया ओजाःतो इदा, आमरीग परबू भगवानमे जाग अरू हनाँय एकलाम सेवा।”

मती ओजाःतेरा भगवानराः नपाय सरवन 4:8

हना तयोमते कलउ ईसू मीटोंग मुरुक उसूल पहाड़रेय गोःयाडीग अरू हाँय चउंदीसराः जमा देसकून अरू हना देसकूनराः आन-धाने उदुःवातेरिया।

मती ओजाःतेरा भगवानराः नपाय सरवन 4:5

हना तयोमरे कलउ भगवानराः सुद सहररे ईसूय गोःयाडीग अरू भगवानराः ओड़ाःरे उसूल दोहोना हना सड़ुम मुंधनीरे एचे चड़ाँगोतेडीगखन,

मती ओजाःतेरा भगवानराः नपाय सरवन 4:1

हना तयोमरे सुद बिरुवा ईसू टयंगाब ततेर अगी अगुवाइतिरिया। अरू हंडा कलउ ईसू अंदजावगेय लगाय दोहोना।

उदुःतो कताकून 19:20

मनदो हँकू हाँयग जानर अरू हाँय सुदा भगवानराः बड़रा लबराते कतायीग होड़ होंकू साबतेरा। भगवानराः बड़रा लबराते कतायीग होड़ जानर मड़ंगरे बयाव जुवाः इयाःआ चिनहाकूने एचेया। मड़ंगरे हाँय हना बयाव जुवाः इयाःआ चिनहाकूनते, हाँयग जानरराः चिनहाकू गोःतेरा अरू हाँयग जानरराः मुरतीकू सेवाःआ हँकुःआ होड़कूय अडिगतेडकुःआ। हँकिनकू साबतेरा हना तयोमरे, हँकिन बनर जिनियत जीयत सेंगेलराः हुडिंग समुंदररेकू रेमगे बोलोगोतेडकिन। हना सेंगेलराः हुडिंग समुंदररे लेटे दिरि हितकाःआ।

उदुःतो कताकून 16:14

नँकुःआ पेनेय भूतकू एचेरे बयाव जुवाः इयाःआ चिनहाकून उदुः लगा जंगर दोहोना। हँकू चउंदीसरिकुःआ जमा राजाकू एचेरे सेनेकियानखन अगम जंगरदार भगवानराः मरंग दिनरे हाँय सुदा लड़ाइ लगाकू एचे जुमावकुःआ।

उदुःतो कताकून 13:14

हाँयग जानरके मड़ंगीग जानर अते जंगरे पवावनेना। हनालगा हाँय बयाव जुवाः इयाःआ बुता एचे घड़ीन चउंदीसरिकुःआ होड़कूय बहकावा। हाँय हँकुःआ होड़कू एचेरेय कताया, “हाँयग जानर तलवइरतेकू ञेडतिरिया, मनदो मेरेय गोएगगान। दो हाँयराः मुरतीपे तुला।”

उदुःतो कताकून 9:20

हनते हों नाःआ हइजाते बनसावतो होड़कू अँननकू अँकूराः बेलूर बुताकून अड़ाःकेडखन जीव मेरकू कुदागाड, अरू भूतकूकू सेवाःआ। हँकू सोना अरू चाँदी अरू पितड़ अरू दिरि अरू कठवाराः मुरतीकूनराः सेवा मेरकू अड़ाःगाड। नाःआ मुरतीकून कहिसाः मेर ञेल अवेयता, मेर अयूम अवेयता अरू मेर सेने अवेनता।

उदुःतो कताकून 3:9

अपे ईंगपे अयूम! अदोम होड़कू भगवानरिकुःआ होड़कू ना लवे। मनदो अँनकू लबराकियानखनकू कतनता, अले भगवानरिकुःआ होड़कू हवे, माःआन। हँकू कलउराः गउदारिकुःआ होड़कू हवे। ञेलपे, ईंग हँकू अपे मड़ंगरेयिंग अगुकूता अरू अपेराः काट कुटीरेकू उकुड़ोमगुःता। हनते हँकू सुदीगोडता, ईंग अपेयिंग दुलारता।

उदुःतो कताकून 2:9

“अपे कटसियारे इदानपेःआ अरू जोम ञूय लगा अपे एचेरे कहिसाः कोवानेःआ, माःआनिंग सुदीतना। मनदो अपे गिरहत इदानपेःआ। ईंग सुसुदीतना, अले भगवानरिकुःआ होड़कू हवे, माःआनकू कतनता हँकुःआ होड़कू, अपे मुरुककू ओपतावापेता। मनदो सतायरे हँकू भगवानरिकुःआ होड़कू ना लवे अरू हँकू कलउराः गउदारिकुःआ होड़कू हवे।

जूदा 1:9

मनदो जमाकू अते मरंग सेरमो देसरीग बराहील मिकाईल हों, मोसेसराः मुरदा लगा कलउ सुदाय लड़ाइ मेला, हाँयग कलउ बदीरे तोनोंगाः ओपता बड़रा मेरेय कतागाड, मनदो हाँय नाःआ इयाय कतातेड, भगवान आमे डंडियावता, माःआन।

इबरानी 2:14

भगवानरिकुःआ लइंकू, मास अरू बलंगीते बड़ाँवतो मनुवाकू इदानकुःआ। दो ईसू हों मनुवाय बड़ाँवनेना। हाँय मनुवाकू इयाय गोएगनेना, जेमहा होड़कू गोएगकू लगा जंगर इदा हाँयग कलउए लाय एंडा अवे,

2 तिमुतियूस 3:13

मनदो बेलूर होड़कू अरू लबरा चेडदार होड़कू एटाः होड़कूकू अडिगता अरू अँननकू अडिग जोमकेडखनकू अनाड इदीनता।

1 तिमुतियूस 2:14

अरू कलउ, मड़ंग आदम मेरेय लहकावगडीग, मनदो हववाए लहकावगोतेड अरू हाँयग हववा कसूरतेरा।

2 तिसलूनिका 2:3

तोनोंग इया तोनोंगीग होड़ अपे अहाय अडिग अवेपे। होड़कू भगवान बदीरेकू अगड़-बगड़गोडता अरू कसूर रबूद होड़ अरीने एचे ञिलुः हना वरी, हना दिन ओरो होयानेना।

इपीसी 4:14

नाःआ इया अबू मसीरेबू हरानता दो, अबू लइंकू इया ओरोबू दोहोनेना। डोंगा लहराते तुकड़ाव हड़ाःता हनन इया अडिग बइना चलहू होड़कू अँकूराः एटाः एटाः लबरा चेडतोते ओरोकू बहकाव अवेतेडबुःआ।

2 कुरिंती 12:7

दो नुँहू ईंग ओरोयिंग बुतुड़ु देखार अवेतेरा हनानाः मुरुक बगरा दरसनकून बदीरेयिंग कतायतना। दो ईंग अलोयिंग बड़वारगुः लगा सुई गोभावगिंगता इया कलउरीग बराहीलते मुरुक पीरा ईंग लगा भगवान एमेतेरा।

रूमी 16:20

अबू सलसते एमेवाबूता हाँयग भगवान, अपेराः काटते ओहेन कलउ एचे रमदावकेडखन हाँयराः जंगरे चबागोडता। अबूरीग परबू ईसू मसी अपेराः जीवे मयावागोड ञवन।

मूक चेलाकू 5:3

दो पतरस कतातेड, “ने हनानियाह, आम कलउराः ओंगोल इया सलाः लगा आम जीव हाँय एचेरे चिला लगाम जिमातेरा? आम भगवानराः सुद बिरुवा एचेरे चिला लगाम लबराकिया? कियारी अकिरिंगकेडखन अदोम ढिबुवा चिला लगा हिगारकेडखनमे दोहोगोतेडा?

एहुना 16:11

चउंदीसरीग राजा कलउ डंडियावगेय लगायिंग फड़ियाव दोहोकेरा। हनालगा सुद बिरुवा फड़ियाव बदीरे होड़कूय उदुःवाकूता।

एहुना 14:30

चउंदीसरीग राजा, कलउ वेगतना। हनालगा ईंग अपे एचेरे नाःआ इया मुरुक बेला वरी ओरोयिंग कतातेरा। हाँय ईंग एचेरे हातपातगे लगा ओरोय अवेतेरा।

लूका 13:16

नाँयग अइमी इबराहीमरीग नइड़-बाँस होड़ हवे अरू अठारह बरिसते कलउ तोल दोहोतिरिया। हाँय लोड़ोनराः दिनरे ईंग सडावकिरिया दो, हना नपाय कोवानेःआ जा?”

मती ओजाःतेरा भगवानराः नपाय सरवन 24:24

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

मती ओजाःतेरा भगवानराः नपाय सरवन 13:39

अरू हना बिहाने वेरतेरा हाँयग मुदइ होड़ कलउ हवे। इरुः चउंदीस टुटीगगुःता हना बेला हवे अरू इईरकुःआ होड़कू सेरमो देसरिकुःआ बराहीलकू हवे।

उदुःतो कताकून 18:2

हाँय मुरुक सटी खिररीनेनखने कतातेरा, “लाययना, लाययना, मरंग सहर बाबील लाययना, हना भूतकूराः ओड़ाः बड़ाँवयना, जमा बरानाः बेलूर दरहाकूराः थान, बेलूर अरू एरंगवाकूताकू हँकुःआ जमा बरानाः तितीगकूराः बथान बड़ाँवयना।

उदुःतो कताकून 18:23

अरू ढिबरीराः मरसल आम एचेरे कहियो ओरो विड़चेड़नेना। अरू कनिया अरू बारराः ओरो कहियो ओरोकू अयूमतेरा। आमरिकुःआ फेरवइत होड़कू चउंदीसरिकुःआ मरंग होड़कू दोहोना अरू आमराः पंगनाहा अते चउंदीसरिकुःआ जमा होड़कू बहकावयान।

उदुःतो कताकून 12:8

मनदो लाल मरंग बींग अरू आँयगरिकुःआ बेलूर बराहीलकू मेरकू जीताव अवेगान। हनलगा हँकू सेरमो देसरे ओरोकू दोहो अवेनेना।

उदुःतो कताकून 12:12

हनालगा सेरमो देसरे इदानपेःआ, अपे जमाकू बनाहाल जुवाःपे। मनदो ने चउंदीसरिकुःआ अरू समुंदररिकुःआ जिया-जउतकून, दरहा अपे एचेरेय उतरावकिया। हाँय एचेरे गुनिनमिन बेला इदा माःआन सुदीकेडखन, हाँय रीस रंजावतो इदानिया। हनालगा अपे दोपे ठीकयना।”