उदुःतो कताकून 12:7 - Korwa Bible

⁷ हनते सेरमो देसरे लड़ाइ होयानेना। भगवानरीग मरंग बराहील, मिकाईल अरू आँयगरिकुःआ बराहीलकू लाल मरंग बींग सुदा लड़ाइ लगाकू उडुंगनेना। अरू लाल मरंग बींग अरू आँयगरिकुःआ बेलूर बराहीलकू हँकू सुदाकू लड़ाइया।

उदुःतो कताकून 12:7 Referans Kwoze

जूदा 1:9

मनदो जमाकू अते मरंग सेरमो देसरीग बराहील मिकाईल हों, मोसेसराः मुरदा लगा कलउ सुदाय लड़ाइ मेला, हाँयग कलउ बदीरे तोनोंगाः ओपता बड़रा मेरेय कतागाड, मनदो हाँय नाःआ इयाय कतातेड, भगवान आमे डंडियावता, माःआन।

2 पतरस 2:4

उहियारगेपे, मनाड़ंग जूगरे सेरमो देसरिकुःआ अदोम बराहीलकू कसूरतेरा दो, हँकुःआ बराहीलकू हों डंडियाव अते भगवान मेरेय अड़ाःगाडकू। मनदो हाँय हँकू पतालपूररेय सोलोंगगोतेडकुःआ, अरू फड़ियावराः दिन वरी मुरुक अंदरात डोडहारे सिकिड़ीते तोलकेडकूखने सोलोंगगोतेडकुःआ।

इपीसी 6:12

अबूराः लड़ाइ होड़कू सुदा कोवानेःआ। मनदो सेरमोरेकू दोहोनता हँकुःआ भूतकूरिकुःआ परधानकू अरू हातपातदारकू सुदा अरू अंदरारेकू दोहोनता हँकुःआ जंगरदार भूतकू सुदा अरू बेलूरकू एचे बुताकूता हना सेरमोरिकुःआ सइनाकू सुदा अबूराः लड़ाइ इदा।

उदुःतो कताकून 20:2

हनते हाँय लाल मरंग बींग साबतेडखन हजार बरिस लगाय तोल दोहोतिडिया। हाँयग लाल मरंग बींग, मड़ंगीग बींग हवे। अरू हनाँय हमा कलउ अरू दरहा।

उदुःतो कताकून 12:9

हनते हाँयग लाल मरंग बींग चउंदीसरेकू तेके लोजोरगोतेडीग। हाँय अरू आँयगरिकुःआ बराहीलकू सेरमो देस अतेकू तेके लोजोरगोतेडकू। हाँयग बींग दरहा अरू कलउ माःआनकू कतावायता। हनाँय जमा चउंदीसरिकुःआ होड़कू मनाड़ंग वरीतेय बहकावकूता।

2 तिसलूनिका 1:7

ईसू मसी हितकाःतो सेंगेलरे भगवानरिकुःआ जंगरदार बराहीलकू सुदा सेरमो देस अते वेग मेला, अले सुदा सिकिसतारे इदानपेःआ अपे लोड़ोन लगाय एमेवापेता।

2 कुरिंती 12:7

दो नुँहू ईंग ओरोयिंग बुतुड़ु देखार अवेतेरा हनानाः मुरुक बगरा दरसनकून बदीरेयिंग कतायतना। दो ईंग अलोयिंग बड़वारगुः लगा सुई गोभावगिंगता इया कलउरीग बराहीलते मुरुक पीरा ईंग लगा भगवान एमेतेरा।

उदुःतो कताकून 13:7

भगवानरिकुःआ सुद होड़कू एचेरे लड़ाइ लगा अरू हँकू सुदा जीताः लगा हातपाते पवावनेना। जमा जइत होड़कू, अरू जमा गोतोररिकुःआ होड़कू, अरू जमा राइजरिकुःआ होड़कू अरू जमा भासीरिकुःआ होड़कू एचेरे हातपाते पवावनेना।

मती ओजाःतेरा भगवानराः नपाय सरवन 16:27

मनुवारीग बेटात, सेरमो देसरिकुःआ बराहीलकू सुदा अपांग भगवानराः विड़चेड़तो मरसलरेय वेगता अरू हना बेला जमा होड़कू लगा अँनकूराः बुता बनीय एमेवाकूता।

मती ओजाःतेरा भगवानराः नपाय सरवन 13:41

मनुवारीग बेटात, सेरमो देसरिकुःआ बराहीलकूय वारकूता अरू हँकू, हाँयराः राइज अते, होड़कू एचे कसूरकूता हना जमाकून अरू बेलूर बुताकूनकू बुताता हँकुःआ होड़कूकू उडुंग एंडागोडकूता,

मती ओजाःतेरा भगवानराः नपाय सरवन 26:53

आम चेले माःआनमे ओंगलेतना, ईंग ईंगरीग अपांग एचेरेयिंग असेके दो, हाँय ईंग बनसाव लगा बारह पलटन अते बगरा सेरमो देसरिकुःआ बराहीलकू ओरोय वारतेडकुःआ जा?

मती ओजाःतेरा भगवानराः नपाय सरवन 25:41

हनते दिरही तिःई गतररिकुःआ होड़कू एचेरेय कतायता, ने सती-सरापतो होड़कू, मड़ंग वरीते कलउ अरू हाँयरिकुःआ बराहीलकू लगा संजोड़तो इदा अरू कहियो ओरो इड़ीगनेना हना संगेलरेपे सलाव जुवाः।

मती ओजाःतेरा भगवानराः नपाय सरवन 24:31

हनते हाँय अनँयगरिकुःआ बराहीलकू मरंग सोहनाई ओंग घड़ीने वारकूता अरू हाँय चउंदीसराः चइरो गतर अते, सेरमोराः मी कोना अते एटाः कोना वरीते, भगवान सुनावकेडकुःआ हँकुःआ जमा होड़कू भगवान एचेरेय एचे जुमावकूता।”

इबरानी 2:10

जनामा भगवानराः हवे अरू जनामा हनाँय हमा तुलाकेरा। दो सडावराः रेःएयीग इदानिया हाँयग ईसू, कटसिया सहाव पारकेडखन उडु-बुडूत बड़ाँवगे लगा भगवानके नपाय लगावनेना, जेमहा हाँय मुरुक होड़कूय एचे मान मरजइतकू।

उदुःतो कताकून 12:8

मनदो लाल मरंग बींग अरू आँयगरिकुःआ बेलूर बराहीलकू मेरकू जीताव अवेगान। हनलगा हँकू सेरमो देसरे ओरोकू दोहो अवेनेना।