उदुःतो कताकून 10:11 - Korwa Bible

¹¹ हनते अदोम होड़कूराः अरो ईंग एचेरे कतातिंग अयूमतेरा, “आमके मुरुक जइत होड़कू अरू एटाः एटाः राइजरिकुःआ होड़कू बदीरे, अरू एटाः एटाः भासीरिकुःआ होड़कू अरू राजाकू बदीरे हों भगवानराः बड़रा ककता इदा।”

उदुःतो कताकून 10:11 Referans Kwoze

उदुःतो कताकून 17:15

हनते हाँयग बराहील ईंग एचेरेय कतातेरा, “हाँयग अइमी दाःरे दुड़ुःतोम ञेलतिरिया, हना दाः मुरुक बगरा होड़कू हवे। हँकुःआ होड़कू एटाः एटाः जइतरिकुःआ, अरू एटाः एटाः भासीरिकुःआ अरू एटाः एटाः राइजरिकुःआ होड़कू हवे।

उदुःतो कताकून 14:6

हनते अरू मीटोंग सेरमो देसरीग बराहील बदरी अते लताररे दोनतोयिंग ञेलतिरिया। हाँय एचेरे सगर सइट वरी दोहोनता हना नपाय सरवन दोहोना। हना सरवन चउंदीसरिकुःआ जमा जइत होड़कू, अरू जमा गोतोररिकुःआ होड़कू अरू जमा भासीरिकुःआ होड़कू अरू जमा राइजरिकुःआ होड़कू एचेरे हाँय पपसार लगा दोहोना।

उदुःतो कताकून 11:9

साड़हे पेय दिन वरी जमा जइतरिकुःआ होड़कू अरू जमा भासीरिकुःआ होड़कू, अरू जमा राइजरिकुःआ होड़कू, हँकू जमाकू हँकिनराः मुरदाकू ञेलगोड ञवनता। अरू तोनोंगीग हँकिनराः मुरदा तील लगा ओरोकू एमेतेरा।

उदुःतो कताकून 5:9

हनते हँकुःआ चूबीसगोटोंग जीव-जंतूकू अरू मी कुड़ी चइरगोटोंग मूक होड़कू, नाःआ नँवा सेरेंगकू सेरेंगा; “ने परबू, आमकू ञेड गोएगतेरा, अरू आमराः बलंगीते जमा देसरिकुःआ होड़कू, अरू एटाः एटाः भासीरिकुःआ होड़कू, अरू जमा जइत होड़कू अरू जमा खमदानरिकुःआ होड़कू, हँकुःआ जमा होड़कू भगवान लगाम सडावगोतेडकुःआ। हनालगा आम नाःआ कोंडोड़तो कागद अरू मोहर लड़ा जुकूर इदानमेःआ।

उदुःतो कताकून 10:10

हनते ईंग हना हुडिंगाः कागद हाँयग बराहीलराः तिःई अते गोःकेडखनिंग जोमगोतेड। हान, रस इया ईंगराः आहरे सेबेलनेना, हनदो ईंग ऊडगोतेड दो ईंगराः दोंगे हटीयान।

उदुःतो कताकून 11:1

हनते एटाःयीग बराहील ईंग एचेरे नपा लगा मीटोंग सरपी इया डांग एमेतेडखने कतातेरा, “दूमे अरू भगवानराः ओड़ाः अरू धाममे नपा अरू हंडाकू जागता हँकुःआ जमा होड़कूम गँड़ाव।

उदुःतो कताकून 17:10

हना सातगोटोंग बोः सातगोटोंग राजाकू हवे। पाँचगोटोंग राजाकू गोएगयना, अरू मी होड़ नुँहू इदानिया, अरू मी होड़ अरीने वेगा। मनदो हाँय वेग दो, हाँय हुडिंग बेला वरीय राइजगेता।

उदुःतो कताकून 17:12

दसगोटोंग देरेंगमे ञेलतेरा, हान दसगोटोंग राजाकू हवे। हँकू नुँहू वरी राइजगेराः हातपात मेरकू पवावगान। हँकू हाँयग जानर सुदा राइजगेराः हातपात मी घंटा लगाकू पवाःता।