उदुःतो कताकून 1:5 - Korwa Bible

⁵ अरू ईसू मसी हों अपे मयावाडपेखन सलसत एमेवापे लगायिंग अरजीतना। हाँय बिसवासगेयीग दोहोकियानखन होड़कू एचेरे सताय भगवाने उदुःवातेडकुःआ। हाँय गोएगनेनखन जियाव रेमतो होड़कू अते मड़ंगीगे दोहोना अरू चउंदीसरिकुःआ जमा राजाकूरीग मनारंग राजा हवे। ईसू अबूय दुलारकेडबुःआ अरू कुरूसरे अनँयग बलंगीय तूतेड अते हाँय अबू कसूरराः बोझातेय अजइतकेडबुःआ।

उदुःतो कताकून 1:5 Referans Kwoze

इबरानी 9:14

मसी, सगर सइट जीयत दोहोनता हाँयग सुद बिरुवाते, भगवान मड़ंगरे बेगर गारबारते बलिदानगुः लगा अनँयग आँयगे जिमायान। दो अबूराः ओंगोल गोएगतो इयाःआ बुताकून अते अबू जीयत भगवानबू सेवा अवे लगा हाँयराः बलंगी चिला लगा अरू मेर सुदकेःबुःआ?

1 एहुना 1:7

मनदो भगवान मरसल इदानिया अरू अबू मरसल इया नपायबू जियाःता दो, अबू अँननबू अबू मिनी इदानबुःआ अरू भगवानरीग बेटात ईसूराः बलंगीते अबूराः जीव अते जमा कसूरकूने बुहाल अमिंगगोडता।

उदुःतो कताकून 17:14

हँकू भेड़ा होन सुदाकू लड़ाइता। मनदो हाँयग भेड़ा होन राजाकूरीग राजा अरू परबूकूरीग परबू हवे। हनालगा हाँय हँकूय हरुवावगोडकूता। हाँय सुदा इदानकुःआ हँकुःआ होड़कू हों हाँय सुदाकू जीताव जुवाःता। हँकू राःतो, अरू सुनावतो, अरू बिसवासगे इयाकुःआ हवे।”

कुलूसी 1:18

हाँय कलसियाराः बोः हवे अरू कलसिया हाँयराः देह हवे। हान हनाँयते बुँहड़ीनेना अरू गोएगतो अतेकू जियाव रेमनेना हँकुःआ होड़कू अते मनाड़ंग इनीदानिया। नाःआते हाँय जमालेःआते मनारंगे होयाःता।

1 पतरस 1:19

मनदो बेगर गारबार अरू बेगर कसूरते इदानिया हाँयग भेड़ा होन ईसू मसीराः मुरुक किमइताः बलंगीते भगवान अपेय सडावकेडपेःआ।

मूक चेलाकू 26:23

हँकू कतातेड, मसी कटसिया सहावकेडखन जमा गोएगतो होड़कू अते मड़ंगे जियाव रिमुःता अरू ननन इया हाँय अनँयगरिकुःआ होड़कू अरू बेगर एहूदाकू एचेरे मरसल इया भगवानराः सरवने परसार उदुःता।”

उदुःतो कताकून 19:16

हाँयराः सोनहेरे अरू हाँयराः पिंडातेनरे मीटोंग नाःआ इया ञाव ओजाःतो इदा, राजाकूरीग राजा अरू परबूकूरीग परबू।

1 एहुना 4:10

अबू भगवान मेरबू अलार-दुलारगरिया, मनदो भगवान अबूय अलार-दुलारकेरा अरू अबूराः कसूर बराव एंडाकेडखन एचे मनावगेय लगा अनँयग बेटात अबू लगाय डंडियावतिरिया। नाःआ अते भगवान अबूय दुलारकेरा।

एहुना 18:37

हनते पिलातूस कतातेड, “दो आम राजा हवे जा?” दो ईसू कतातेड, “आम कतायतना, ईंग राजा हवे। ईंग सतायराः बदीरे कनाता लगा नाःआ चउंदीसरे जनमावनेनखनिंग वेगकिया। सतायरेय बिसवासगेता हाँयग होड़ ईंगराः कताय मनाःता।”

उदुःतो कताकून 3:14

लउदिकिया सहरराः कलसियारीग बराहील लगा नाःआ चिठीम ओजाः, बिसवासगेयीग अरू सताय हिदइतदार अरू जमा जिया-जउतकून अते मनाड़ंगते दोहोनीग हाँयग आमीन नाःआ इयाय कतायता,

उदुःतो कताकून 7:14

दो ईंग कता कुदातेरा, “ने साहेब, अनम सुदीयता।” हनते हाँय ईंगे कतावाड, “नँकू मुरुक कटसिया सहावकेडखनकू पार वेगकिया हँकुःआ होड़कू हवे। नँकू अँननकूराः सोनहे भेड़ा होनराः बलंगीतेकू बुहाल उजड़केरा।”

मती ओजाःतेरा भगवानराः नपाय सरवन 28:18

हनते ईसू हँकू एचेरे सेनेडखने कतातेरा, “सेरमो देस अरू ओतराः जमा हातपात भगवान ईंगे जिमावारा।

1 तिमुतियूस 6:15

राजाकूरीग राजा अरू परबूकूरीग परबू, जनागगेयीग मिनीटोंग भाबी भगवान तोल दोहोकेरा हनानाः दिनरे ईसू मसी कुदा वेगता।

इपीसी 2:4

मनदो भगवान अगम मयादार इदानिया अरू अबू कसूरते गोएगतोबू दोहोना।

इपीसी 5:2

ईसू मसी अबू दुलारकेडखन अनँयग जीव अबू लगा भगवान मड़ंगरे मुरुक नपाय महकराः बलिदान इयाय जिमातेरा। हननलगा अपे अँननपे दुलार होड़ेंगगोड ञवन।

मूक चेलाकू 20:28

हनालगा अपे अँननपेराः जीवपे अगुरागे अरू अपेराः आड़रे इदानकुःआ हँकुःआ होड़कू होँपे तिहाकू। भगवान अनँयग बेटातराः बलंगीतेय किजाकेडकुःआ भगवानराः कलसियारिकुःआ होड़कू नपाय अगुवा होड़कू इयापे तिहाकू।

गलातिया 2:20

अरू नुँहू ईंग मेरिंग जियाःतना, मनदो ईसू मसी ईंग इंदरीरेय जियाःतना। ईंग दुलारकेडखन अनँयग जीव ईंग लगाय एमेकेरा हनाँयग भगवानरीग बेटात ईसू मसी एचेरे बिसवासकेडखन नुँहूयिंग जियाःतना।

उदुःतो कताकून 11:15

हनते सात नमाररीग सेरमो देसरीग बराहील मरंग सोहनाईए ओंगतेड दो, सेरमो देसरे मुरुक सटी अरो अयमुःआ। हँकू कतातेरा, “चउंदीसराः राइजकून अबूरीग परबू भगवानराः अरू आँयगरीग मसीराः होयाकिया। अरू हाँय सगर जूग वरीय राइजगोड ञवनता।”

1 तिमुतियूस 6:13

जेहो सकालाः इदा हना जमाकून लगा जीवे एमेयता हाँयग भगवान अरू पुंतियूस पिलातूस मड़ंगरे सताय बदीरे नपायतेय कबुलावनेना हाँयग ईसू, हँकिन मड़ंगरे

1 कुरिंती 6:11

अपे अते अदोम होड़कू हनन इयाकुःआ होड़कू दोहोना। मनदो परबू ईसू मसी अपे सडावकेडपे अते अरू भगवानराः सुद बिरुवाराः जंगरते भगवान अपेराः कसूरे बुहाल एंडागोतेरा, अरूय सुदकेडपेःआ अरू आँयग ओंगोलरे बेगर गारबार होड़कूय बड़ाँवगोतेडपेःआ।

एहुना 15:9

अपांग ईंगे दुलारकेरा हनन इया अपे होयिंग दुलारकेडपेःआ। हनालगा अपे ईंग सुदा मिनीपे दोहोन अरू अपे ईंगपे अलार-दुलारगोड ञवन।

एहुना 13:1

पसहा परोब बुँहड़ीन अते मड़ंग ईसू सुदीगोतेडे, नाःआ चउंदीस अड़ाःकेडखन ईंग अपांग एचेरे सेन लगा बेला निचकाःतना। अरू चउंदीसरे इदानकुःआ आँयग निकता होड़कू हाँय मुरुके दुलारकेडकुःआ अरू हनन इया हँकू सगर सइटे दुलारकूता।

रूमी 8:37

मनदो नाःआ इयाःआ जमा कताकूनरे, अबूय दुलारकेरा हाँयग ईसू मसीते, अबू जिनितावबाः जुवाःता।

एहुना 13:34

ईंग अपे लगा मीटोंग नँवा हुकुमिंग एमेयतना। ईंग अपेयिंग अलार-दुलारतना, हनन इया अपे होँपे अलार-दुलार होड़ेंगगोड ञवन।

एहुना 3:32

हाँय अयूमकेरा अरूय ञेलतेरा हना कता बदीरेय कता उदुःगेतना। मनदो तोनोंगीग हाँयराः कता मनाः लगा मेरकू चहाःता।

एहुना 3:11

आम ईंगमे अयूम, अले सुदीयतना हनाले कतायतना अरू अले अयूमकेरा हनाले उदुःतना। मनदो अपे अलेराः कता मेरपे मनाःता।

मती ओजाःतेरा भगवानराः नपाय सरवन 20:28

मनुवारीग बेटा अनँयग एचे सेवान लगा मेरेय वेगगना। मनदो हाँय जमा होड़कूय सेवा लगा अरू अनँयग जीव एमे अटूकेडखन होड़कू सडावकू लगाय वेगकिया। हनन इया अपे हों एटाःकूपे सेवाकू।”

एहुना 3:16

“भगवान चउंदीसरिकुःआ होड़कू सुदा मुरुक दुलारकेडखन अनँयगरीग मिनीटोंग बेटाते एमेगोतेड, जेमहा हाँय एचेरेकू बिसवासगे हँकुःआ होड़कू अहाकू लायगुः, मनदो ओरो टुटीगनेना हना जीवकू पवाः।

रूमी 3:25

भगवान अबूराः कसूर बदलारे ईसूय डंडियावतेरा, अरू ईसू कुरूसरे गोएगनेनखन अबू लगा अनँयग बलंगीय तूतेरा। अरू ईसू एचेरेकू बिसवासगेता, हँकुःआ होड़कू भगवान बेगर गारबार होड़कू हवे माःआने कतावाकूता। होड़कू मड़ंगरेकू एचेतेरा हना कसूरकून सहाव घड़ीन भगवान मेरेय डंडियावगडकू।

इबरानी 10:29

दो अँननपे ओंगले, भगवानरीग बेटाय आड-बेकारवाता अरू मयावाबूता हाँयग सुद बिरुवाय बेग-हतावाता अरू होड़कू सुदगेता हना कता-जमकावतोराः बलंगी सदाःआ इदा माःआने ओंगलेता, हाँयग होड़ भगवान तुमिन बगराय डंडियावगेयता।

उदुःतो कताकून 2:13

“ईंग सुसुदीतना, अपे कलउराः गदी इदा हंडापे दोहोनता। हनते हों अपे ईंगराः ञावपे ञावगोड ञवनता अरू ईंग एचेरेपे बिसवासगोड ञवनता। अंतिपास ईंगरीग सताय हिदइतदारे दोहोना। हँकू हाँय अपेराः सहररेकू ञेड एंडातिरिया (हना सहररे कलउराः गदी इदा)। हनमेला हों अपे ईंग एचेरेपे बिसवासगोड ञवना।

उदुःतो कताकून 11:3

अरू ईंगरिकिनाः बार होड़ हिदइतदारकिन हातपातिंग ओवाकिनता। हँकिन बोराराः सोनहे तुसिंगकेडखन 1,260 दिन वरी भगवानराः बड़राकिन कतागोड ञवनता।”

उदुःतो कताकून 19:11

हनते ईंग सेरमो देस गीगतोयिंग ञेलतेरा अरू हंडा मीटोंग उजड़ घोड़ा दोहोना। हाँयग घोड़ा चोटरे मी होड़ दुड़ुःतोय दोहोना। हाँयराः ञाव बिसवासगेयीग अरू सताय हवे माःआनकू कतावायता। हाँय सतायते फड़ियाव घड़ीने लड़ाइता।