उदुःतो कताकून 1:18 - Korwa Bible

¹⁸ ईंग गोएगनेना, मनदो अयुमेमे सनागर सइट जिनियतिंग दोहोनता। अरू गुजुः अरू पतालपूरराः चभी इनिंग एचेरे इदा।”

उदुःतो कताकून 1:18 Referans Kwoze

रूमी 6:9

अबू नाःआ हों सुसुदीतनाबू, ईसू मसी गोएगतो होड़कू अतेय जियाव रेमकिया अरू कहियो ओरोय गोएगनेना। हाँय अरू गोजेय लगा तोनोंगाः जंगर कोवानेःआ।

इबरानी 7:25

हाँयते भगवान एचेरेकू सेनता हँकुःआ होड़कू लगा अरजी घड़ीन सगर बेला जीयते दोनोहोनता। हनालगा हाँय हँकुःआ होड़कू जमालेःआतेय सडाव अवेकूता।

उदुःतो कताकून 3:7

पिलादिलपिया सहरराः कलसियारीग बराहील लगा नाःआ चिठीम ओजाः, सुद अरू सताय इदानीग, अरू दाऊद राजाराः चाभी अनँयग तिःईरेय साबकातायीग कतायतना। हाँय हना चाभीतेय गीगगेता हना दुवार तोनोंगीग ओरोकू सींग अवेतेरा। अरू हाँय सींगगे हन दुवार तोनोंगीग ओरोकू गीग अवेतेरा। दो हाँय नाःआ इयाय कतायता,

इबरानी 12:2

अबूराः बिसवासे बुँहड़ीता अरूय उडु-बुडूगेता, हाँयग ईसू अगी सिरढीटबू ञेलगोड ञवन। हाँय कुरूसराः गुजुः बदीरे एचे बेग-हतान लगा मेरेय ओंगोल एरंगगान, मनदो हाँय दरवाःआ हना बहालराः कताकून लगा हना कटसियाय सहावतेरा। अरू हना तयोमते भगवानराः गदीराः खउना तिःई गतर हाँय दुड़ुःकिया।

मती ओजाःतेरा भगवानराः नपाय सरवन 16:19

ईंग आम लगा भगवानराः राइजराः चाभीकूनिंग एमेवामता अरू जे हों सकालाः नाःआ चउंदीसरेम तोल, हान सेरमो देसरे हों तोलतो दोहोनता। अरू जे हों सकालाः आम चउंदीसरेम गीगगे, हान सेरमो देसरे हों गीगतो दोहोनता।”

उदुःतो कताकून 20:14

हनते हाँय गुजुः अरू पतालपूर सेंगेलराः हुडिंग समुंदररेय सोलोंगगोतेड। नाःआ सेंगेलराः हुडिंग समुंदर बार नमार गुजुः हवे।

इबरानी 1:3

भगवान तुमिन मरंग इदानिया हना हाँयग बेटात उदुःगेता अरू हाँय सिरामइत भगवान बरोबइर इदानिया। हाँय जमा जिया-जइतकून अनँयगराः अगम जंगर सरवनतेय संभाड़गोड ञवनता। हाँय होड़कूराः कसूर बराव एंडाकेडखन सेरमो देसरे इदानिया हाँयग मरंग भगवानराः खउना गतररे हातपात सुदाय दुड़ुःयना।

गलातिया 2:20

अरू नुँहू ईंग मेरिंग जियाःतना, मनदो ईसू मसी ईंग इंदरीरेय जियाःतना। ईंग दुलारकेडखन अनँयग जीव ईंग लगाय एमेकेरा हनाँयग भगवानरीग बेटात ईसू मसी एचेरे बिसवासकेडखन नुँहूयिंग जियाःतना।

उदुःतो कताकून 4:9

तलाराः गदीरेय दुड़ुःकिया हाँय सगर सइट लगा जिनियते दोहोनता। दो हँकू जीव-जंतूकू हाँयकू जागता, अरूकू मान मरजइतगेयता अरूकू धनियाबादगेयता,

इबरानी 7:16

दो ईसू, लेवी गोतोररीग हारूनराः खुटिपहार वरीते सलाव वेगतना हना इया पुजउरी मेरेय बड़ाँवगना, मनदो ओरो टुटीगनेना हना जीवराः जंगरते पुजउरीय बड़ाँवकिया।

2 कुरिंती 13:4

ईसू कुरूसरेय गोएगनेन मेला हाँय अबड़ावतोय ञिलुःआ। हनारे हों हाँय भगवानराः जंगरते जिनियत इदानिया। हनन इया अले हों हाँय इया अबड़ इदानलेःआ, मनदो भगवानराः जंगरते ईसू सुदा अले हों जीयतले दोहोनता, जेमहा अपे लगाले सेवागोड ञवन।

उदुःतो कताकून 9:1

हनते पाँच नमारीग बराहील अनँयग मरंग सोहनाईए ओंगतेरा अरू ईंग सेरमो अते ओतरे मीटोंग इपील लोजोरनेना हना ईंग ञेलतेरा, अरू हाँयग इपील पतालपूरराः दुवारराः चाभीय पवावनेना।

एहुना 14:19

ईंग जीयत इदानिंगा, हनलगा अपे हों जीयतपे दोहोनता। गुनहोन बेला तयोमरे चउंदीसरिकुःआ होड़कू ईंग ओरोकू ञेल अवेतिरिंगा, मनदो अपे ईंगपे ञेल अवेता।

कुलूसी 3:3

अपेराः जुना जीव टुटीगयना अरू अपेराः नँवा जीव मसी सुदा भगवान एचेरे जबीततो इदा।

उदुःतो कताकून 5:14

हनते चइरो जीव-जंतूकू कतातेरा, “आमीन”, अरू हँकुःआ मूक होड़कू तबेरनेनखन हँकिनकू जागतेरा।

मती ओजाःतेरा भगवानराः नपाय सरवन 11:23

अरू ने कपरनहूम सहररिकुःआ होड़कू, अपे नाःआ इयापे ओंगलेतना जा, भगवान अले सेरमो देस अगीय गोःयालेता। बुरी! हाँय दो अपे पतालपूररेय वारगोडपेता। भगवानराः जंगर बुतापे ञेलतेरा, हना इया सोदोम सहररिकुःआ होड़कू एचेरे भगवान एचेगोडकेःआ दो, हना सहर तिसिंगाः दिन वरी दोनोहोकुःआ।

लूका 24:5

हँकुःआ अइमीकू बोरतेकू एकलाःआ अरू हुटुयानकू। हँकिन हँकुःआ अइमीकू एचेरेकिन कताया, “जीयत होड़ गोएगतो होड़कू तलारे अपे चिला लगापे ञमेयतना?

एहुना 11:25

दो ईसू हाँय एचेरेय कतातेरा, “गोएगतो होड़कू, अरू जियाव रेमकूयीग अरू जीव एमेयीग इनिंग हवे। ईंग एचेरेय बिसवासगेता हाँयग होड़, गोएग जुवाः होंय जियाव जुवाःता।

उदुःतो कताकून 2:8

इसमुरना सहरराः कलसियारीग बराहील लगा नाःआ चिठीम ओजाः मनाड़ंगते इदानिया अरू टुटीग वरीय दोनोहोनता, अरू गोएगनेनखन जियाव रेमतो इदानीग नाःआ इयाय कतायता,

उदुःतो कताकून 6:8

दो ईंग मीटोंग पिःपियाड़ रंग घोड़ायिंग ञेलतेरा। अरू हाँयग घोड़ा सेरमो मी होड़ होड़ दुड़ुःकुःआ। हाँयराः ञाव दोहोना गुजुः, अरू पतालपूर हाँय तयोम तयोम दोहोना। हँकिन चउंदीसरिकुःआ होड़कू चइर बंटारे मी बंटा होड़कू ञेड एंडाकू लगा हातपातकिन पवावकिया। हँकिन होड़कू तलवइरते, अरू कतकालते अरू हइजाते अरू पहाड़ जानरकूते गोएग एंडाकू लगा हातपातकिन पवावकिया।

उदुःतो कताकून 10:6

सगर सइट लगा जीयत इदानिया हाँयग भगवान, सेरमो, अरू ओत अरू समुंदर अरू जमा जिया-जउतकूने तुलाकेरा। हाँयग भगवानराः ञावते किरिया कसट जोमकेडखने कतातेरा, “नुँहू अरू ओरो कुबेरनेना।

उदुःतो कताकून 15:7

हनते चइरो जीव-जंतूकू अते मीटोंग जीव-जंतू हँकुःआ सातो बराहीलकू एचेरे मेमेडटोंग मेमेडटोंग सोनाराः डुभाय एमेवातेडकुःआ। सगर सइट वरी दोहोनता हाँयग भगवानराः रीस हना डुभाकूनरे पेरेगतो दोहोना।

उदुःतो कताकून 20:13

हनते समुंदररेकू गोएगनेना हँकुःआ होड़कू अरू पतालपूररिकुःआ गोएगतो होड़कू अँनकू एचे फड़ियावगुः लगा गदी मड़ंगरेकू सेनेडा। अरू हँकुःआ जमा होड़कू अँनकूराः बुता इया हँकूय फड़ियावतेरा।