उदुःतो कताकून 1:16 - Korwa Bible

¹⁶ हाँय अनँयग खउना तिःईरे सातगोटोंग इपीलकूय साबकातेरा अरू हाँयराः आहते मीटोंग बनर परोम लसेर तलवइर उडुंगतो दोहोना, अरू हाँयराः सुरइत मुरुक लवकाःता हना बेर इया दोहोना।

उदुःतो कताकून 1:16 Referans Kwoze

इबरानी 4:12

भगवानराः सरवन जीयत अरू कड़िगाड़ इदा। हना सरवन बनर परोम धार दोहोनता हना तलवइरते हों मुरुक लसेर इदा। हन हनसा अरू जीव अरू गेट-गेट अरू तुबूल एटाः एटाःकेडखन बेधा पारगोडता अरू जीवराः चहाः अरू ओंगोल हों जासगेता।

उदुःतो कताकून 2:16

हनालगा अपे कसूर अते भगवान अगी जीवपे कुदा। निही दो, ईंग ओहेन अपे एचेरे वेगकियानखन हँकू सुदा ईंगराः आहराः तलवइरतेयिंग लड़ाःता।

उदुःतो कताकून 19:15

राइज राइजरिकुःआ होड़कू ञेड लगा हाँयराः आहते मीटोंग लसेर तलवइर उडुंगगुःतना। हाँय लोहाराः बोंग साबकेडखन हँकू एचेरेय राइजगेता। हाँय अंगूरराः रस उडुंग लगा डोडहारे अनँयग आँयग धड़ियावगेता। हना डोडहा अगम जंगरदार भगवानराः रंजावतो रीस उदुःता।

उदुःतो कताकून 2:12

पिरगामून सहरराः कलसियारीग बराहील लगा नाःआ चिठीम ओजाः बनर परोम लसेरतो तलवइर साबतोयीग नाःआ इयाय कतायता,

इपीसी 6:17

भगवान अबूय सडावकेरा, हनानाः कता लोहाराः टुपी इया बोःरेपे हनारूबका अरू, सुद बिरुवा एमेयता हना भगवानराः सरवन तलवइर इयापे सनाबका अरू

उदुःतो कताकून 19:21

जानररिकुःआ सइनाकू जमाकू उजड़ घोड़ा सलावदारराः आहते उडुंगनेना हना तलवइरतेकू ञेड एंडायान। अरू जमा तितीगकू हँकूराः मास मुरुक हबर-सबरकू जोम बी ञेडयान।

मती ओजाःतेरा भगवानराः नपाय सरवन 17:2

हंडा चेलाकू ञेनेल ञेलरे हाँयराः मुरइत बदलावयान अरू हाँयराः सुरइत बेर इया विड़चेड़नेना अरू हाँयराः सोनहे मरसल इया फक-फक उजड़यान।

उदुःतो कताकून 1:20

आम ईंगराः खउना तिःईरे सातगोटोंग इपीलकू अरू सोनाराः सातगोटोंग ढिबरीकूनमे ञेलतेरा। हँकुःआ सातगोटोंग इपीलकू सातगोटोंग कलसियारिकुःआ बराहीलकू हवे अरू सातगोटोंग ढिबरीकून सातगोटोंग कलसियाकून हवे।”

उदुःतो कताकून 3:1

सरदीस सहरराः कलसियारीग बराहील लगा नाःआ चिठीम ओजाः, सातगोटोंग बिरुवाय वारेयता अरू सातगोटोंग इपीलकू साबतोयीग नाःआ इयाय कतायतना, “ईंग अपेराः बुताकूनिंग सुसुदीतना। होड़कू हँकू जीयत इदानकुःआ, माःआनकू कतावापेता, मनदो अपे गोएगतो इदानपेःआ।

मूक चेलाकू 26:13

दो ने राजा, तिकिन बेला सेनेन सेन मेला सेरमो अते बेरराः सितोंग अते मुरुक विड़चेड़तो मरसल ईंग अरू ईंगरिकुःआ सउंगताकूराः चइरो गतरिंग ञेलतेरा।

उदुःतो कताकून 12:1

हनते सेरमो देसरे मीटोंग मरंग चिनहायिंग ञेलतेरा। मी होड़ अइमी बेरे ओयोकातेरा। बांगो हाँयराः काट पेंदा दोहोना अरू हाँयराः बोःरे बारहगोटोंग इपीलकूते सिंगारतो पगरी दोहोना।

उदुःतो कताकून 10:1

हनते अरू एटाःयीग जंगरदार सेरमो देसरीग बराहील बदरी ओयोनेनखन सेरमो देस अते उतराःतो ईंग ञेलतिरिया। हाँयराः बोःरे टुंडी बींग दोहोना। हाँयराः सुरइत बेर इया अरू हाँयराः काट सेंगेलराः खुंटा इया दोहोना।

उदुःतो कताकून 2:1

इपीसी सहरराः कलसियारीग बराहील लगा नाःआ चिठीम ओजाः सातगोटोंग इपीलकू खउना तिःईरे साबकेडखन सोनाराः सातगोटोंग ढिबरीकून तलारेय दँड़ातायीग नाःआ इयाय कतायता,