पिलिपी 3:21 - Korwa Bible

²¹ दो ईसू मसी कुदा वेग मेला अबूराः अबड़ अरू गुजुः इयाःआ देह बदलाकेडखन आँयगराः देह इयाय अगम नपाये तुलागोडता। हाँयके जमा जिया-जउतकून एचेरे हातपात इदा अरू हाँय अनँयग जंगरते अबूराः देहे बदलावगोडता।

पिलिपी 3:21 Referans Kwoze

कुलूसी 3:4

ईसू मसी अबूराः जीव हवे, अरू हाँय अनँयग एचे ञिलुः मेला, अपे हों हाँय सुदापे ञिलुःता अरू हाँय सुदा मान मरजइतपे पवाःता।

1 एहुना 3:2

ने ईंगरिकुःआ सउंगताकू, अबू भगवानरिकुःआ लइंकू हवे। अबू तयोमरे करा इयाबू होयाःता हना नुँहू जमालेःआते मेरबू सुसुदीता। मनदो अबू नाःआबू सुसुदीतना, हाँय सेरमो देस अतेय वेगता हनमेला अबू हाँय इदानिया हनन इयाबू ञेलेयता अरू हनाँय इयाबू होया जुवाःता।

रूमी 8:29

भगवान मनाड़ंगतेय सुनावकेडकुःआ हँकुःआ होड़कू आँयगरीग बेटा ईसू मसी इया होनोयाः लगा जूग परियातेय ओंगोल दोहोकातेरा, जेमहा ईसू मसी जमा बिसवासी होड़कूरीग वगातुकूय बड़ाँव जुवाः।

मती ओजाःतेरा भगवानराः नपाय सरवन 28:18

हनते ईसू हँकू एचेरे सेनेडखने कतातेरा, “सेरमो देस अरू ओतराः जमा हातपात भगवान ईंगे जिमावारा।

मती ओजाःतेरा भगवानराः नपाय सरवन 17:2

हंडा चेलाकू ञेनेल ञेलरे हाँयराः मुरइत बदलावयान अरू हाँयराः सुरइत बेर इया विड़चेड़नेना अरू हाँयराः सोनहे मरसल इया फक-फक उजड़यान।

उदुःतो कताकून 1:8

जूग परियातेय दोहोना, अरू नुँहू इदानिया, अरूय कुदा वेगता, हाँयग अगम जंगरदार परबू भगवान ननाःय कतायतना, “ईंग अलपा अरू ओमेगा हवे।”

मती ओजाःतेरा भगवानराः नपाय सरवन 22:29

दो ईसू सदूकी होड़कूय कता कुदावातेरा, “अपे भगवानराः सरवन अरू हाँयराः जंगर मेरपे बुझाः अते अपे गारबाररे इदानपेःआ।