पिलिपी 2:26 - Korwa Bible

²⁶ इपापुरूदितूस बेमारीरे इदानिया माःआनपे अयूमतेरा दो, आयँगराः जीव मुरुके कुहकाःआ अरू हाँय अपे ञेल लगाय उंभरावयना।

पिलिपी 2:26 Referans Kwoze

पिलिपी 1:8

ईसू मसी अपेय दुलारकेरा हनन इया, ईंग हों अपेयिंग दुलारतना, अरू अपे ञेल लगायिंग उंभरावयना। नाःआ कता सताय हवे माःआन भगवान सुदीयतना।

इपीसी 3:13

दो अपे लगा कटसियायिंग सहवेतना, हना बदीरे अपे अहापे ओंगोल हदराः। नाःआते अपेराः मान मरजइत होयाःता।

रूमी 12:15

बहालतेकू दोहोनता हँकुःआ होड़कू सुदा अपे होँपे बहालगुः अरू इयामतकुःआ होड़कू सुदा अपे होँपे इयाम।

पिलिपी 4:1

दो ईंगरिकुःआ अजी बोपोहकूतिंग, ईंग अपेयिंग दुलारता अरू अपे ञेञेल लगायिंग उंभराःतना। अपे बदीरे ईंग बहालिंग दोहोनता अरू अपे भगवान अगीते ईंगराः बनी इया इदानपेःआ। हनालगा अपे ईंग कताकेरा, हनन इया बिसवासरे बड़ियाड़गुःपे।

रूमी 9:2

अरू ईंगरिकुःआ जइत सगाकू, इसराएल होड़कू लगा ईंग जीव ओंगोल हदराः घड़ीन कुहकाःतना।

मती ओजाःतेरा भगवानराः नपाय सरवन 26:37

हनते ईसू पतरस अरू जबदीरिकिनाः बार होड़ बेटाकिन एकूब अरू एहुना आँयग सुदा तोरेरेय गोःयाडकू अरू हाँयराः जीव मुरुक हुडिंगयान अरू कटसियायान।

मती ओजाःतेरा भगवानराः नपाय सरवन 11:28

ने भजल-तकल अरू बोझारे इदानपेःआ होड़कू, अपे ईंग एचेरेपे वेग, दो ईंग अपे लोड़ोन लगायिंग एमेवापेता।

1 पतरस 1:6

हुडिंग बेला वरी नुँहू अपेके जमा बरानाः कटसिया ससहाव पराः दो, अपे बहालतेपे दोहोन।

पिलिपी 1:3

अपेयिंग उहियारपेता, हना जमा बेला ईंग ईंगरीग भगवानिंग धनियाबादगेयता।

गलातिया 6:2

अपे कटसिया मेला जमा इयातेपे संघरा होड़ेंगगोड ञवन अरू नाःआ इया अपे जमालेःआते मसीराः हुकुमपे मनाःता।

2 कुरिंती 9:14

भगवान अपे मुरुके मयावापेतना। हनालगा हँकुःआ होड़कूराः दुलार जोरोःता अरू अपे लगाकू अरजीगोड ञवनता।

1 कुरिंती 12:26

मीटोंग दगली हसूरे पराव जुवाःतान दो जमा देह हसूरे दोहोनता। अरू मीटोंग दगलीराः भल-भलाय होयाःतान दो जमा देह दगलीकून अहाल-बहाल जुवाःता।

रूमी 1:11

अपे ञेल लगा उंभराव घड़ीनिंग दोहोनतना। सुद बिरुवाराः तोनोंग तोनोंग दहिनकून अपेयिंग एमेवा लगा होयिंग चहाःतना, जेमहा अपेराः बिसवास बड़ियाड़ जुवाः।

मूक चेलाकू 21:13

दो पउलूस कता कुदातेरा, “अपे चिला लगा ईंगराः जीवपे इयाम अदरुजीतना? ईंग ईसूराः बदीरे तोलुः लगा अरू गुजुः लगा हों सपड़ावतो इदानिंगा।”

पिलिपी 2:25

इपापुरूदितूस, ईंगरीग बोहोयिंग इया इदानिया। हाँय ईंग सुदा भगवानरीग सिपाही इया इदानिया अरू ईंगरीग सेवा देंगवा होड़ हवे। अपे हाँय ईंग एचेरेपे वारकिरिया, अरू हाँय ईंग जमालेःआय संघरावारिंगा। हनते हों, हाँय अपे एचेरे वार कुदागेय लगायिंग ओंगलेतना।

पिलिपी 2:27

हाव, हाँय बेमारीरेय दोनोहोना अरू हाँयराः मड़ा महक उडुंगयान। मनदो भनगवान हाँये मयावातेरा। भगवान हाँय एकला कोवान, मनदो ईंग होंय मयावातेरा, जेमहा ईंगराः जीव अहा अदरुजीन।