पिलिपी 1:17 - Korwa Bible

¹⁷ अरू इराते नपाय सरवनकू कतायता हँकुःआ होड़कू, नपाय ओंगोलते कोवान, मनदो अँननकू मरंग बड़ाँःराः ओंगोलते, ईंग जेहेलरे इनिदानिंग मेला, एचे कटसियागिंग लगाकू परसारगेतना।

पिलिपी 1:17 Referans Kwoze

पिलिपी 2:3

अपे एटाः होड़कू अते मरंगपे बड़ाँः लगा अरू अपे बड़वारगुः लगा, तोनोंगाः अहापे एचेय। मनदो अपे अँननपे अपे हुडिंग ओंगलुः घड़ीन, एटाः होड़कू अपे अते मरंगपे ओंगोलकू।

पिलिपी 1:7

नुँहू ईंग जेहेलरे इनिदानिंग मेला अरू मड़ंगरे नपाय सरवन, सताय हवे माःआनिंग कनता कताय मेला, अपे भगवानराः मया इया ईंगपे सेवा देंगवातेरा। अपे ईंगराः जीवरे इदानपेःआ। हनालगा अपे बदीरे नाःआ इयायिंग ओंगले दो नपाय इदा।

2 तिमुतियूस 4:16

मड़ंगरे कोट कछेरीरेयिंग सेनेडा दो ईंग बदीरे कताय लगा तोनोंगीग मेरकू सेनेगान अरू जमाकू ईंगकू अड़ाःगोतेडिंग। ईंग अरजीतना भगवान हँकुःआ होड़कू अहाय डंडियावकू।

1 तिमुतियूस 2:7

ईंग सनातायिंग ककतातना, मेरिंग लबरातना, नपाय सरवन जमा होड़कू एचेरे परसारगे लगा अरू ईसूरीग मूक चेला होयाः लगा भगवान सुनावकिडिंगखन बेगर एहूदाकू एचेरे भगवानराः सताय अरू बिसवासगेःआ सरवन चेड लगा ईंगे जिमावारा।

मूक चेलाकू 26:24

हनमेला पिसतूस पउलूसराः बड़रा सेरमो अलंगतेय तेलातेडखन मुरुक सटीतेय कतावाया, “ने पउलूस, आम बउड़ाहा इदानमेःआ। आम मुरुकमे चेडकियानते बउड़ाहायनाम।”

मूक चेलाकू 26:1

हनते अगरिपा राजा पउलूस एचेरेय कतातेरा, “आम अनम बदीरेम कता अवेयता।” दो पउलूस आँयगराः तिःई पेरेतेडखने कताया,

मूक चेलाकू 22:1

“ईंग वपक बोपोहकूतिंग अरू ईंग अपांग इया इदानपेःआ होड़कू, अपे ईंग कतायता हना कतापे अयूम।”

लूका 21:14

अले करा इयाले कता कुदागेता हना बदीरे मनाड़ंगतेपे ओंगोल दोहोबाःका, माःआन अलोपे ओंगोल कुहकाः।

रूमी 2:8

मनदो अदोम होड़कू अँननकूराः नफा लगाकू ञामता। हँकू सताय कता अड़ाःकेडखन बेलूर कताकू मनाःता। अरू हँकुःआ होड़कू एचेरे भगवानराः रीस रंजाव जुवाःता।

पिलिपी 1:18

नाःआते चिला होयाःता? तोनोंगाः बेलूर ओंगोलते सहे नपाय ओंगोलते, नाःआ बनर ओंगोलते मसीराः बदीरेकू परसारगेता दो नाःआते ईंग बहालरे इदानिंगा अरू बनाहाल बहालतेयिंग दोहोनता। हाव, ईंग बनाहाल बहालतेयिंग दोहोनता।

2 तिमुतियूस 2:9

अरू हनानाः सरवन लगा कटसिया सहाव घड़ीन ईंग जेहेलरे इदानिंगा। मनदो भगवानराः सरवन तोलतो कोवानेःआ।