पिलिपी 1:13 - Korwa Bible

¹³ मरंग राजा कइसरराः गड़हीरिकुःआ अगुरादारकू अरू मुरुक होड़कू ईंग बदीरेकू सुदीगोतेडा, हाँय ईसू मसी बदीरेय परसारतेरा। हनालगा जेहेलरे सींगतो इदानिया, माःआन।

पिलिपी 1:13 Referans Kwoze

2 तिमुतियूस 2:9

अरू हनानाः सरवन लगा कटसिया सहाव घड़ीन ईंग जेहेलरे इदानिंगा। मनदो भगवानराः सरवन तोलतो कोवानेःआ।

इपीसी 3:1

ईंग पउलूस, अपे बेगर एहूदाकू एचेरे ईसू मसी बदीरे परसारगे अते जेहेलरे सींगतो इदानिंगा।

पिलिपी 1:7

नुँहू ईंग जेहेलरे इनिदानिंग मेला अरू मड़ंगरे नपाय सरवन, सताय हवे माःआनिंग कनता कताय मेला, अपे भगवानराः मया इया ईंगपे सेवा देंगवातेरा। अपे ईंगराः जीवरे इदानपेःआ। हनालगा अपे बदीरे नाःआ इयायिंग ओंगले दो नपाय इदा।

इपीसी 6:20

ईसू मसीराः सेवा लगाय वारकिरिंगा अरू ननानाः बदीरे ईंग तोलतो इदानिंगा। हनालगा करा इया बेगर बोरते नपाय सरवन ईंग कताय लगा इदा, हनन इया कता अवेय लगा होँपे अरजीगोड ञवन।

मूक चेलाकू 26:29

दो पउलूस कतातेरा, “हुडिंग सहे बगरा बेलाते आम एकला कोवान, मनदो ईंगराः बड़राकू अयूमता, हँकुःआ जमा होड़कू नाःआ सिकिड़ीकून अड़ाःकेडखन ईंग इयाकू होया जुवाः लगा ईंग भगवान एचेरेयिंग अरजीतना।”

पिलिपी 4:22

नाःआ सहररे अरू कइसर राजाराः ओड़ाःरे इदानकुःआ, भगवानरिकुःआ जमा सुद होड़कू अपेकू मसी सलामतना।

मूक चेलाकू 28:30

दो पउलूस अनँयग किराया ओड़ाःरे बार बरिस वरीय दोहोना।

मूक चेलाकू 28:20

हनालगा ईंग अपे सुदा जुमाः लगा अरू बुतुड़ु लगायिंग राःकेडपेःआ। इसराएल होड़कू मसी लगाकू असरागोड ञवनतना, अरू हाँय एचेरेयिंग बिसवासकेड अते नुँहू ईंग तोलतो इया इदानिंगा।”

मूक चेलाकू 28:17

पेय दिन तयोमरे पउलूस रूमी सहररिकुःआ एहूदाकूरिकुःआ मूक होड़कूय एचे राः जुमावतेडकुःआ। दो हँकू जुमावनेन दो हाँय हँकू एचेरेय कतातेरा, “ने वपक बोपोहकूतिंग, ईंग अबूरिकुःआ होड़कू बदीरे अरू अबूरिकुःआ खुटिपरिया होड़कूराः रिती-बिधी बदीरे तोनोंगाः गारबार मेरिंग एचेगरा। हनारे हों हँकू एरुसलेमरे ईंगकू साबतेडखन रूमी देसरिकुःआ होड़कू एचेरेकू जिमागोतेडिंगा।

मूक चेलाकू 26:31

हनते हँकू एटाः अगी उडुंगनेनखनकू कता होड़ेंगा, “नाँयग होड़ गुजुः इया सहे जेहेलरे सींगगेय इया मेरेय जनाःतना।”

इपीसी 4:1

परबू ईसू मसीराः सरवन परसार बदीरे जेहेलरे इदानिंगा, अरू ईंग अपे एचेरे गोड़न पइयनकियानखनिंग असेयतना। भगवान अपेय राःकेडपेःआ दो, भगवानरिकुःआ होड़कू करा इया जियाः लगा इदा, हनन इयापे जियाः।

पिलिपी 1:30

ईंगके परावनेना हना कटसियापे ञेलतेरा अरू नुँहू हों ईंग सेने पारतना हनानाः कटसियाराः बदीरेपे अयुमेतना। अरू अपे हों हनानाः कटसियातेपे सेने पारतना।