पिलेमोन 1:8 - Korwa Bible

⁸ आम ईंग लगा मीटोंग बुता एचे लगायिंग असेमेतना। ईंग ईसू मसीरीग मूक चेला हवे। हनाते आम एचेरेयिंग हुकुम अवेयतिंग,

पिलेमोन 1:8 Referans Kwoze

1 तिसलूनिका 2:6

अले ईसू मसीरिकुःआ मूक चेलाकू इदानलेःआ अते अपे बोझान लगाले एमे अवेकेःआ। मनदो अपे सहे एटाः होड़कू अलेकू भल-भलायवा लगा मेरले चाहावगान।

2 कुरिंती 10:8

अपे ओंगोल अवेयता, परबू हँकूय एमेवारा हना हातपात बदीरे मुरुककू बड़वारतना, माःआन। मनदो अलेराः हातपात अपे आडपे लगा कोवान, मनदो अपे बड़ाँवपे लगा इदा। हनालगा ईंग ईंगराः हातपात उपयोतगे लगा मेरिंग गियुःता।

2 कुरिंती 3:12

दो अले एचेरे नाःआ इयाःआ नाय नपाय असरा इदान अते डीड़कियानखनले कतायता।

1 तिसलूनिका 2:2

अरू अले अपे एचेरे वेग अते मड़ंग पिलिपी सहररिकुःआ होड़कू अले संतावतेडखनकू एचे बेग-हतावातेडलेःआ। मनदो भगवान डीड़े एमेवातेडलेःआ अरू हँकू मुरुककू घंटावतेडलेःआ अते हों अपे एचेरे सेनेडखन भगवानराः नपाय सरवनले उदुःतेरा।

इपीसी 5:4

अपे लगा नपाय कोनोवानेःआ हना बेगर गियुःतेःआ बड़रा, सदाःआ बड़रा सहे केसेड़ा बड़रा, अपे अहापे बुतुड़ु। मनदो भगवान अपे लगाय एचेकेरा हना जमाकून लगा हाँयपे धनियाबादगे।

2 कुरिंती 11:21

मनदो अले नाःआ इया मेरले एचेगरा। दो अले मुरुक अबड़ले दोहोना माःआनपे ओंगोललेतना जा? मनदो तोनोंगीग तोनोंगाः कता बदीरे भल-भलायगुः लगाय डीड़ जुवाः दो ईंग हों डीड़ अवेनता। नाःआ ईंग बुयांग इयायिंग कतायतना।