पिलेमोन 1:1 - Korwa Bible

¹ ईसू मसीराः परसार बदीरे जेहेलरे इदानिंगा ईंग पउलूस नाःआ चिठीयिंग ओजाःगेतना। ने अलिंगरीग दुलार सउंगता अरू सेवा देंगवा होड़ पिलेमोन, अलंगरीग बिसवासी बोहोयिंग इदानिया हाँयग तिमुतियूस अरू ईंग अगीते आमके मसी सलाम।

पिलेमोन 1:1 Referans Kwoze

इपीसी 3:1

ईंग पउलूस, अपे बेगर एहूदाकू एचेरे ईसू मसी बदीरे परसारगे अते जेहेलरे सींगतो इदानिंगा।

पिलेमोन 1:9

मनदो ईंग, सनायाड़ डोकरा पउलूस, नुँहू परसार बदीरे जेहेलरे इदानिंगा, आम एचेरे दुलार घड़ीन असे लगायिंग चाहाःतना।

कुलूसी 1:1

ने अजी बोपोहकूतिंग, ईंग पउलूस भगवानराः हिछा इया ईसू मसीरीग मूक चेला हवे। अरू अबूरीग बिसवास बोहोबू तिमुतियूस सुदा, नाःआ चिठीयिंग ओजाःगेतना।

पिलिपी 2:25

इपापुरूदितूस, ईंगरीग बोहोयिंग इया इदानिया। हाँय ईंग सुदा भगवानरीग सिपाही इया इदानिया अरू ईंगरीग सेवा देंगवा होड़ हवे। अपे हाँय ईंग एचेरेपे वारकिरिया, अरू हाँय ईंग जमालेःआय संघरावारिंगा। हनते हों, हाँय अपे एचेरे वार कुदागेय लगायिंग ओंगलेतना।

1 कुरिंती 3:9

दो मनइद कता ननानाः हवे, अलिंग भगवानरिकिनाः सेवा देंगवा होड़किन हवे, अरू अपे भगवानराः दोहोड़ इया इदानपेःआ। अरू अपे भगवानराः ओड़ाः इया हों इदानपेःआ।

2 तिमुतियूस 1:8

हनालगा आम परबू ईसूराः नपाय सरवन होड़कू एचेरे कता उदुःगे लगा सहे हाँयराः नपाय सरवन परसार अते जेहेलरे सींगतो इदानिंगा ईंग बदीरे हों अहम गियुः, मनदो भगवानराः जंगरते ईंग सुदा नपाय सरवन लगा कटसियाम सहाव।

1 तिसलूनिका 3:2

हनाते अले अबूरीग बिसवासी वगाबू अरू ईसू मसीराः नपाय सरवनराः परसाररे भगवानरीग सेवकिया होड़ तिमुतियूस अपेराः बिसवास एचे बड़ियाड़गे लगा अरू बिनिसवासरे सलाः लगाय कता बहालवापे लगा अपे एचेरेले वारकिरिया,

कुलूसी 4:11

एसतूस माःआनकू कतावायता, हाँयग एहोसू अपेय सलामतना। ईंगकू सेवा देंगवातेरा हँकुःआ एहूदाकू अते नननकुःआ पेनेय होड़ ईंगराः जीवकू हड़ियाड़केरा।

पिलिपी 4:3

ने सुजगे, आम ईंगरीग बिसवासगेयीग सेवा देंगवा होड़ हवे। नँकिनाः अइमीकिन, कलमेस अरू एटाः सेवा देंगवा होड़कू अरू ईंग सुदा, नपाय सरवन कता उदुःगे लगा मुरुककिन सेसा-दुराकिया। अरू नँकुःआ जमा होड़कूराः ञाव, जीवराः कागदरे भगवान ओजाःकेरा। हनालगा ने सुजगे, आम नँकिनाः अइमीकिन सलसतरेकिन दोहोन लगाम संघरावाकिन।

इपीसी 4:1

परबू ईसू मसीराः सरवन परसार बदीरे जेहेलरे इदानिंगा, अरू ईंग अपे एचेरे गोड़न पइयनकियानखनिंग असेयतना। भगवान अपेय राःकेडपेःआ दो, भगवानरिकुःआ होड़कू करा इया जियाः लगा इदा, हनन इयापे जियाः।

2 कुरिंती 1:1

ने अजी बोपोहकूतिंग, भगवानराः हिछा इया ईसू मसीरीग मूक चेला इदानिंगा ईंग पउलूस, अबूरीग बिसवासी बोहोबू तिमुतियूस सुदा, अपे कुरिंती सहररे इदानकुःआ, भगवानराः कलसियारिकुःआ होड़कू लगा, अरू अकाया देसरे इदानकुःआ भगवानरिकुःआ एटाः सुद होड़कू लगा हों नाःआ चिठी ईंग ओओजाःतना।

पिलेमोन 1:24

ईंगरिकुःआ सेवा देंगवा होड़कू मरकूस, अरिसतरकूस, देमास अरू लूका आमकू सलामतना।

2 तिसलूनिका 1:1

ने अजी बोपोहकूतिंग, ईंग पउलूस, सिलवानूस अरू तिमुतियूस सुदा, अबूरीग अपांग भगवान अरू परबू ईसू मसी एचेरे बिसवास इदा, अपे तिसलूनिका सहरराः कलसियारिकुःआ होड़कू लगा नाःआ चिठीयिंग ओओजाःतना।

इपीसी 6:20

ईसू मसीराः सेवा लगाय वारकिरिंगा अरू ननानाः बदीरे ईंग तोलतो इदानिंगा। हनालगा करा इया बेगर बोरते नपाय सरवन ईंग कताय लगा इदा, हनन इया कता अवेय लगा होँपे अरजीगोड ञवन।

मूक चेलाकू 16:1

पउलूस अरू सिलास दिरबे सहररेकिन सोदोरनेन अरू हनाते लुसतरा सहररेकिन सेनेडा। हंडा तिमुतियूस ञावीग मी होड़ ईसूरीग चेला दोहोना। हाँयरीग एंगात ईसू एचेरेय बिसवासगेःआ मी होड़ एहूदा अइमी दोहोना अरू हाँयरीग अपात बेगर एहूदा होड़े दोहोना।

गलातिया 3:26

ईसू मसी एचेरे बिसवासकेडखन अपे जमाकू भगवानरिकुःआ लइंकूपे बड़ाँवयना।

पिलिपी 1:1

ने अजी बोपोहकूतिंग, पिलिपी सहररे इदानकुःआ अरू ईसू मसी सुदाकू मिनीयना हँकुःआ जमा भगवानरिकुःआ सुद होड़कू अरू कलसियारिकुःआ मूक होड़कू अरू सेवकियाकू अपे लगा ईसू मसीरिकिनाः सेवादारकिन अलिंग पउलूस अरू तिमुतियूस, नाःआ चिठीलिंग ओजाःगेतना।

पिलेमोन 1:23

ईसू मसी बदीरे नुँहू जेहेलरे ईंग सुदा इदानिया हाँयग इपापरास अगीते आम लगा मसी सलाम।