मरकूस 8:23 - Korwa Bible

²³ दो ईसू हाँयग अंधा होड़ तिःईरे साबतिरिगखन गाँव अते बहरीय गोःयडिग। अरू हाँयराः मेडरे बेगतेडखन हाँय चोटरे तिःईय मंडावतेरा अरूय होंबोरतिरिया, “आम कहिसाः ञेञेलतनाम जा कोवान?”

मरकूस 8:23 Referans Kwoze

मरकूस 7:33

दो ईसू हँकुःआ होड़कू अते हाँयग होड़ तोरेरेय गोःयाडीग अरू हाँयराः बनर लुतूररे आँयगराः अंगरीय गुतू बोलोतेरा। हनते ईसू अनँयग अंगरीरे बेगवाडखन हाँयराः अलंगतोरेय टोँवावतेरा।

मरकूस 5:23

“ईंगरीग हुडिंगीग बिटी गुजुः इया इदानिया। आम ईंग ओड़ाःरे वेगकियानखन हाँय चोटरे तिःईम मंडाव। दो हाँय नपायकियानखन जीयते दोहोनता।”

मूक चेलाकू 9:8

साहूल ओत अतेय रेमनेना हनमेला मेडतेन गीगयान दो हाँय कहिसाः मेरेय ञेल अवेगाड। हनालगा आँयग सुदाकू दोहोना हँकुःआ सउंगताकूतेन हाँय तिःईरे साबतिरिगखन दिमसकूस अगीकू गोःयाडीग।

उदुःतो कताकून 3:18

हनालगा ईंग अपेयिंग सलाहता, सेंगेलते गरावतो सोना ईंग अतेपे किजाय, जेमहा अपे गिरहत जुवाः अरू उजड़ सोनहेपे किजा अरूपे तुसिंगे दो अपे एकेते ओरोपे दोहोनेना अरू ओरोपे गियूनेना। अरू अपेराः मेडरे लगवे लगा दवापे किजा, जेमहा अपे ञेल अवेय।

इबरानी 8:9

हँकूरिकुःआ खुटिपहार होड़कू मिसिरी देस अतेयिंग उडुंग अगूतेडकू मेला, हँकू ईंग कता-जमकावतेरा हनारे मेरकू सलावगान। हनालगा ईंग हँकू सुदा मेरिंग ननायगान। दो हँकू सुदायिंग कता-जमकावतेरा हना इया नाःआ नँवा कता-जमकाव ओरो होयानेना, माःआन भगवान कतायतना।

मरकूस 8:24

दो हाँय बोः रेमतेडखने ञेला अरूय कताया, “हाव, ईंग होड़कूयिंग ञेलतना। मनदो सेनतना हना सींग दूबकून इयाकू ञिलुःतना।”

मरकूस 8:26

ईसू हाँय नाःआ इयाय कतावातेरिया, “आम नाःआ गाँव अहम बोल।” हनते हाँय ओड़ाःए वारगोतेडीग।

मूक चेलाकू 23:19

दो हाँयग मरंग हातपात होड़ हाँयग डिंघा होड़ एटाः अगी गोःकिडिगखन हाँय एचेरेय होंबरेःआ, “आम ईंग एचेरे चिला कता लगा इदा?”