मरकूस 7:26 - Korwa Bible

²⁶ हाँय ईसूराः बदीरेय अयूमतेरा अरू हाँय ओहेन ईसू एचेरे वेजेडखन हाँयराः काट कुटीरेय तबेरयान। हाँयरीग बिटीत अते भूत एचे उडुंगगेय लगा ईसू एचेरेय असेःआ।

मरकूस 7:26 Referans Kwoze

मती ओजाःतेरा भगवानराः नपाय सरवन 15:22

दो हना छतररीग मी होड़ कनानी जइत अइमी, ईसू एचेरेय वेजेडा अरू मुरुक सटीते खिररी घड़ीने कताया, “ने परबू, दाऊद राजारीग नइड़-बाँस होड़, ईंगमे मयावा। भूत ईंग बिटी मुरुके संतावगेयतना।”

कुलूसी 3:11

नाःआ नँवा जीवरे तोनोंग इयाःआ हिगार हटिंग कोवानेःआ। खतनाकू एचेयता हँकुःआ एहूदाकू, सहे मेरकू खतनानता हँकुःआ बेगर एहूदाकू सहे जोडेकू सहे अलीगवारकू, सेवकियाकू सहे मालिककू, अबू तोनोंगीग एटाः कोवाबुःआ। मनदो मसी एकला मनारंग इदानिया अरू हनाँय अबू जमाकूराः जीवरे इदानिया।

गलातिया 3:28

अपे एहूदा होड़ सहे बेगर एहूदा होड़पे दोहोन, बेगारी होड़ सहे मालिकपे दोहोन, मरद सहे अइमीपे दोहोन, अपे ईसू मसी एचेरेपे बिसवासकेरा अते अपे जमाकू बरोबइर इदानपेःआ।

मती ओजाःतेरा भगवानराः नपाय सरवन 4:24

हाँयराः ञाव जमा सिरिया राइजरे जगावयान, अरू हाँय बदीरेकू अयूमतेरा, हँकुःआ होड़कू अँकूरिकुःआ हसूत होड़कू, अरू भूतकू समसावनेना हँकुःआ होड़कू, भपरी होड़कू अरू लकवा ञेडतेडकुःआ हँकुःआ होड़कू, हँकू जमाकू हाँय एचेरेकू अगूतेडकुःआ। अरू हाँय हँकुःआ जमा होड़कूय नपायतेरा।

मरकूस 7:25

हना छतररे मी होड़ अइमी दोहोना। हाँय सूर फिनिका छतररीग बेगर एहूदा होड़े दोहोना। हाँयरीग मी होड़ बिटीत दोहोना, अरू हाँय एचेरे भूत समसावनेना।

मरकूस 7:27

दो ईसू हाँयग अइमी एचेरेय कतातेरा, “मड़ंगरे लइंकू जोम लगा एएमे लगा इदा। अरू लइंकूराः जोम जिनिसकून गोःकेडखन कुतुकू एचेरे तेकेगे दो नपाय कोवानेःआ।”