मरकूस 7:22 - Korwa Bible

²² लुभी, बेलूर बुता, अडिग, बेलूर घुड़ी, इरा, ओपता बड़रा, बड़वार अरू बुयांगतो होयाःता।

मरकूस 7:22 Referans Kwoze

मती ओजाःतेरा भगवानराः नपाय सरवन 20:15

ईंग इनिंगराः आन-धानते ईंग चहाःतना हन इया ओरोयिंग एचे अवेतेरा जा? ईंग मयादार इदानिंगा अते गेरा मेडतेपे ञेलिंगता जा?

1 पतरस 5:5

ने डिंघाकू, हनन इया अपे हों कलसियारिकुःआ मूक होड़कूराः आड़रेपे दोहोन। भगवानराः कागदरे नाःआ इया ओजाःतो इदा, “भगवान बड़वार होड़कूय हिनइस-बिनइसवाकूता, मनदो हुडिंगकू उंगलुःता, हँकुःआ होड़कूय मयावाकूता।” हनालगा अपे अँननपे अपे हुडिंग ओंगोलकियानखन, सेवा होड़ेंग लगा सपड़ावतोपे दोहोन।

1 पतरस 2:15

भगवान चहाःतना, अपे नपाय बुतापे एचेगोड ञवन दो, बेगर लूरतेकू बड़राता हँकुःआ बोको होड़कूराः आह रिपूट जुवाःता।

2 कुरिंती 10:5

अरू अले होड़कू भगवानकू सुदी अते रोंकावकूता हना जमा ओंगोलकून अरू बड़वार कताकून हँकूराः दूर अते चलाः एंडाकेडखन होड़कूराः जमा ओंगोलकून मसीराः आड़रेले एचे कबीगगोडता।

मती ओजाःतेरा भगवानराः नपाय सरवन 6:23

मनदो अपेराः मेड बेलूर दोहोन दो, अपेराः जमा देह दगलीकून हों अंदरा जुवाःता। अपेराः इंदरीरे इदा हना मरसल अंदरा जुवाः दो, अपे अनंदरा अंदरारेपे दोहोनता।

मरकूस 7:21

होड़कूराः इंदरी अते बेलूर ओंगोल, जपाल होड़ेंग, इनिग, ञेड गोजेय, सनहा-सनही,

मरकूस 7:23

नाःआ जमा बेलूरकून होड़कूराः जीव अते उडुंगकियानखनकू मइलाव जुवाःता।”