मरकूस 7:17 - Korwa Bible

¹⁷ हनते ईसू होड़कू अगीते तोराय अरू मीटोंग ओड़ाःरेय बोलोयान। हाँयरिकुःआ चेलाकू हाँय एचेरे नाःआ कहड़ीराः मतलोबकू होंबोरतेरा।

मरकूस 7:17 Referans Kwoze

मती ओजाःतेरा भगवानराः नपाय सरवन 15:15

दो पतरस ईसू एचेरेय कतातेड, “नाःआ अउल-तउल कहड़ीराः मतलोबमे उदुःवाले।”

मती ओजाःतेरा भगवानराः नपाय सरवन 13:36

हनते ईसू होड़कू अटूतेडखन ओड़ाःए कुदा वेजेडा। दो हनमेला ईसूरिकुःआ चेलाकू हाँय एचेरे सेनेडखनकू कतातेड, “ने गुरुजी, पहाड़ बीर बिहान बदीरे अउल-तउल कहड़ीराः मतलोबमे उदुःवाले।”

मरकूस 9:28

ईसू ओड़ाःरेय वेजेड दो आँयगरिकुःआ चेलाकू एकलाकू होंबोरतिरिया, “ने गुरुजी, अले चिला लगा हाँयग भूत मेरले उडुंग अवेगडीग?”

मरकूस 4:34

अरू हाँय बे कहड़ीरे हँकू एचेरे तोनोंग मेरेय कतागाड, मनदो आँयगरिकुःआ चेलाकू एचेरे नाःआ जमा कहड़ीकूनराः मतलोबे एचे सुदीतेडकुःआ।

मरकूस 4:10

ईसू होड़कू अते एटाःरेय दोहोना हनमेला आँयगरिकुःआ बारहगोटोंग मूक चेलाकू अरू एटाः चेलाकूतेन हाँय एचेरे वेगवाडखनकू होंबोरतेड, “ने गुरुजी, नाःआ अउल-तउल कहड़ीराः मतलोबमे उदुःवाले।”

मती ओजाःतेरा भगवानराः नपाय सरवन 13:10

हना तयोमरे ईसूरिकुःआ चेलाकू ईसू एचेरे वेगवाडखनकू होंबोरतिडिग, “आम चिला लगा होड़कू एचेरे अउल-तउल कहड़ीम कतायता?”

मरकूस 2:1

तोनोंग दिन तयोमरे ईसू कपरनहूम सहर अगीय कुदा वेगा। दो हंडाकुःआ होड़कू अयूमतेरा, ईसू अनँयग ओड़ाःरेय सोदोरयना, माःआन।

मरकूस 3:20

हनते ईसू मीटोंग ओड़ाःरेय बोलोनेना। हंडा हों मुरुक होड़कू जुमावनेना अरू ईसू अरू आँयगरिकुःआ चेलाकू जोम लगा हों मेरकू अवेया।

मरकूस 7:16

[अयूम अवेयता हाँयग होड़, नपायतेय अयूम ठुड़ावागे।”]

मरकूस 7:18

दो ईसू हँकू एचेरेय होंबोरतेरा, “अपे मेरपे बुझाःतना जा?