मरकूस 5:7 - Korwa Bible

⁷ दो ईसू हाँयग भूत एचेरेय कताया, ने भूत, आम नाँयग होड़ अतेम उडुंग जुवाः, माःआन।

मरकूस 5:7 Referans Kwoze

मती ओजाःतेरा भगवानराः नपाय सरवन 8:29

अरू हँकिन खिररीकियानखन ईसू एचेरेकिन कताया, “ने भाबी भगवानरीग बेटात, आम अले करेगले लगाम चहाःतना? भगवान अले लगाय तोल दोहोकेरा हना बेला अते मड़ंग आम अले हलकइनले लगाम वेगकिया जा?”

मूक चेलाकू 16:17

हाँयग धंगड़ी पउलूस अरू एटाः एटाः होड़कू तयोम अगी वेगवाडखन खिररी घड़ीने कताया, नँकुःआ होड़कू भाबी भगवानरिकुःआ होड़कू हवे। होड़कू अँकूराः कसूर दूर अड़ाःकेडखन सडाव जुवाःराः दूरकू उदुःतना, माःआन।

जूदा 1:6

अपे सेरमो देसरिकुःआ बराहीलकू बदीरेपे ओंगले। अदोम बराहीलकू भगवान हँकू लगाय एमेवातेडकुःआ हना हातपातरे मेरकू मंजूरवागाड, अरू सेरमो देसराः अँकूराः डेराकू अड़ाःगोतेड। हँकुःआ बराहीलकू डंडियावकू लगा भगवान फड़ियावराः मरंग दिन वरी अंदरा पेंदारे तोनोंगीग ओरोकू सीड अवेतेरा हना सिकिड़ीतेय तोल दोहोकेडकुःआ।

मती ओजाःतेरा भगवानराः नपाय सरवन 26:63

मनदो ईसू कलेकाले दोहोना। मूक पुजउरी अरूय कतातेरा, “जीयत भगवानराः किरिया जोमकेडखन आम एचेरेयिंग हुकुमगेतना, आम भगवानरीग बेटात मसी अनम हवे जा?”

उदुःतो कताकून 12:12

हनालगा सेरमो देसरे इदानपेःआ, अपे जमाकू बनाहाल जुवाःपे। मनदो ने चउंदीसरिकुःआ अरू समुंदररिकुःआ जिया-जउतकून, दरहा अपे एचेरेय उतरावकिया। हाँय एचेरे गुनिनमिन बेला इदा माःआन सुदीकेडखन, हाँय रीस रंजावतो इदानिया। हनालगा अपे दोपे ठीकयना।”

मूक चेलाकू 19:13

अदोम एहूदाकू एटाः एटाः सहरकूनरे सेनेडखन होड़कू अते भूतकूकू उडुंगा। हँकुःआ होड़कू ईसूराः ञावते भूतकू उडुंगगुः लगाकू बरमाःआ। हँकू नाःआ इयाकू कताया, “पउलूस परसारगेतना हाँयग ईसूराः ञावते उडुंग वेग लगाले हुकुमगेतना।”

लूका 8:28

दो भूत समसावनेना हाँयग होड़ खिररी घड़ीन ईसू काट कुटीरे तबेरकियानखने कताया, “ईसू भाबी भगवानरीग बेटा! आम ईंग चिला लगाम हलकइनगींगतना?”

मरकूस 3:11

भूतकू ईसूकू ञेला दो हाँय मड़ंगरेकू कसड़ जुवाःआ अरू खिररीवाडखनकू कताया, “आम भगवानरीग बेटा हवे, माःआन।”

मती ओजाःतेरा भगवानराः नपाय सरवन 4:3

हनते कलउ वेगनेनखन हाँय एचेरेय कतातेड, “आम भगवानरीग बेटा हवे दो, नाःआ दिरिकून रुटी बड़ाँः लगाम हुकुमगोड।”

1 एहुना 3:8

कलउ दो मनाड़ंग जूग वरीतेय कसूरगोड ञवानतना। नानलगा कसूरगेता हँकुःआ होड़कू कलउरिकुःआ होड़कू हवे। अरू भगवानरीग बेटात कलउराः जमा बुता लाय एनेंडागे लगा चउंदीसरेय वेजेडा।

2 पतरस 2:4

उहियारगेपे, मनाड़ंग जूगरे सेरमो देसरिकुःआ अदोम बराहीलकू कसूरतेरा दो, हँकुःआ बराहीलकू हों डंडियाव अते भगवान मेरेय अड़ाःगाडकू। मनदो हाँय हँकू पतालपूररेय सोलोंगगोतेडकुःआ, अरू फड़ियावराः दिन वरी मुरुक अंदरात डोडहारे सिकिड़ीते तोलकेडकूखने सोलोंगगोतेडकुःआ।

मरकूस 1:24

“ने नसरेतरीग ईसू! आम अले चिला लगाम कटसियालेतना? आम अले लाय एंडाले लगाम वेगकिया जा? ईंग सुसुदीतिनिंग आम इये हवे। आम भगवानरीग सुद होड़ हवे।”

मती ओजाःतेरा भगवानराः नपाय सरवन 16:16

दो सिमोन पतरस कता कुदातेरा, “आम मसी हवे, जीयत इदानिया हाँयग भगवानरीग बेटात हवे।”

इबरानी 7:1

नाँयग मलकिसिदिक सालेम सहररीग राजा अरू भाबी भगवानरीग पुजउरीय दोहोना। इबराहीम, राजाकू हरुवावतेडखने कुदान मेला मलकिसिदिक सुदाय जुमावनेना। अरू हनमेला मलकिसिदिक इबराहीमे भलावातेडखने कताया, आमराः जीव-जहन नपाय जुवाः, माःआन।

इबरानी 2:14

भगवानरिकुःआ लइंकू, मास अरू बलंगीते बड़ाँवतो मनुवाकू इदानकुःआ। दो ईसू हों मनुवाय बड़ाँवनेना। हाँय मनुवाकू इयाय गोएगनेना, जेमहा होड़कू गोएगकू लगा जंगर इदा हाँयग कलउए लाय एंडा अवे,

मूक चेलाकू 8:36

दो हँकिन सेनेन सेन दूररे हना संडक कुटीरे दाः दोहोना। दो हाँयग मरंग हातपात होड़ कतातेरा, “ञेलमे नंडा दाः इदा। ईंग बतिसमा एमे अते तोनोंग टटी-बेड़ा इदा जा?”

एहुना 20:31

मनदो ईसू, भगवानरीग बेटात, मसी हवे माःआन अपे बिसवासगोड ञवन घड़ीन हाँयराः ञावते जीवपे पवाः लगा नाःआ जमा कताकून ओजाःतो इदा।

लूका 6:35

मनदो अपे मुदइकूपे दुलार अरू नपायकूपे। ईंग गोः कुदायतिंग, माःआन ओंगोलवाडखन अलोपे एमेय। नाःआ इया अपे एचेयतान दो, सतायरे अपे भाबी भगवानरिकुःआ लइंकू हवे, माःआन एटाः होड़कू एचेरेपे उदुःगुःता अरू अपे लगा भगवान मरंग इमाने एमेता। भगवान मेरकू धनियाबादगेयता हँकुःआ होड़कू अरू अँननकूराः नफा लगाकू ओंगलेता हँकुःआ होड़कू होंय सोगावकूता।

लूका 4:34

“ने नसरेतरीग ईसू! आम अले चिला लगाम कटसियालेतना? अले लाय एंडाले लगाम वेगकिया जा? ईंग सुसुदीतिनिंग आम इये हवे, माःआन। आम भगवानरीग सुद होड़ हवे।”

लूका 1:32

हाँय जमाकूते मरंगे बड़ाँःता अरू भाबी भगवानरीग बेटात माःआनकू रगेयता, अरू हाँयरीग खुटिपरिया होड़ दाऊद इया भगवान हाँय राजाय बड़ँवेयता।

मरकूस 14:61

हनते हों ईसू कलेकाले दोहोना अरू कही मेरेय सालगान। मूक पुजउरी अरूय होंबोरतिरिया, “हाँयग मुरुक नपाय भगवानरीग बेटात मसी अनम हवे जा?”

रूमी 16:20

अबू सलसते एमेवाबूता हाँयग भगवान, अपेराः काटते ओहेन कलउ एचे रमदावकेडखन हाँयराः जंगरे चबागोडता। अबूरीग परबू ईसू मसी अपेराः जीवे मयावागोड ञवन।

मरकूस 5:6

हाँय ईसू मुरुक लंकातेय ञेलतिरिया अरू बतकाव सेनेडखन ईसू मड़ंगरे उकुड़ोमवाडखने सलामतिरिया।

मरकूस 5:8

हनालगा हाँय मरंग बकाते ईसू एचेरेय कतातेड, “ने ईसू, भाबी भगवानरीग बेटा! आम ईंग चिला लगाम हलकइनगींगतना? भगवानराः किरिया जोमवाडखनिंग कतायता, ईंग पीरा अलोम एमेवायिंग।”

एकूब 2:19

आम बिसवासगेतना जा भगवान मिनीटोंग इदानिया? नपाय। हना कता भूतकू हों बिसवासगेतना अरू एकलाः घड़ीनकू बोरता, माःआन।