मरकूस 5:43 - Korwa Bible

⁴³ हनते हाँय हँकू एचेरे हुकुमवाडखने कतातेरा, “नाःआ कता तोनोंगीग एचेरे अपे अहापे उदगे”, अरूय कताय, “नाँय जोम लगा कहिसाः एमेवायपे।”

मरकूस 5:43 Referans Kwoze

मती ओजाःतेरा भगवानराः नपाय सरवन 8:4

हनते ईसू हाँय एचेरेय कताया, “नाःआ कता आम तोनोंगीग एचेरे अलोम बड़रा। मनदो आम पुजउरी एचेरे सेनेकियानखन एचे जासगुःमे, अरू आम सुद होयाः लगा मोसेस हुकुमकेरा, हना नियम इया बलिदानमे देगगे, जेमहा जमा होड़कू सुदीगोड, आम नपाययना, माःआन।”

मरकूस 7:36

दो ईसू होड़कू एचेरेय कतातेड, “नंडा होयाकिया हना अपे तोनोंगीग एचेरे अलोपे उदुःगे।” मनदो ईसू अलोपे कताय माःआने कतातेरा, हिनिनमिन अरूकू कता उदुः होड़ेंगा।

मरकूस 1:43

हनते ईसू हाँय डंटावतिरिगखने कतावातेरिया, “नाःआ कता तोनोंगीग सुदा अलोम बड़रा।

मती ओजाःतेरा भगवानराः नपाय सरवन 9:30

दो हँकिनराः मेड नपाययान। हनते ईसू हँकिन सेतावतेडखने कताया, “नाःआ कता अबा तोनोंगीग एचेरे अहाबा कताय।”

एहुना 5:41

“ईंग होड़कूराः मान मरजइत मेरिंग चहाःता।

लूका 8:56

दो हाँयरिकिनाः एंगात अपात मुरुककिन बयावयान। मनदो ईसू हँकू एचेरेय कतातेरा, “नाःआ कता तोनोंगीग होड़कू एचेरे अहापे उदुःगे।”

लूका 5:14

हनते ईसू हाँये हुकुमवातेरा, “नाःआ कता तोनोंगीग एचेरे अलोम कताय। मनदो आम भगवानरीग पुजउरी एचेरे सेनेकियानखन एचे जासगुःमे। अरू मोसेस हुकुमकेरा, हना नियम इया आम सुदगुः लगा बलिदानमे देगगे, जेमहा जमा होड़कू सुदीगोड, आम नपाययना, माःआन।”

मरकूस 3:12

मनदो ईसू हँकू एचेरे सेतावतेडखने कताया, “ईंग बदीरे होड़कू एचेरे अहापे कता उदुःगे।”

मती ओजाःतेरा भगवानराः नपाय सरवन 17:9

अरू हँकू पहाड़ अतेकू उतराःआ हनमेला ईसू चेलाकूतेने हुकुमवातेडकुःआ, “मनुवारीग बेटात गोएगतो अते अरीन जियाव रिमुः वरी, अपे ञेलकेरा हना तोनोंगीग एचेरे अहापे उदुःगे।”

मूक चेलाकू 10:41

हाँय जमा होड़कू एचेरे मेरेय एचे ञेलगान मनदो भगवान सुनावतेडकुःआ हँकुःआ हिदइतियाकू एचेरेय एचे ञेलयान। हाँय जियाव रेमकिया हना तयोमते हाँय सुदाकू जोम-ञूया, हँनकुःआ होड़कू एचेरेय एचे ञेलयान।

लूका 24:30

ईसू हँकिन सुदा जोजोम लगाय दुड़ुःयान। हनमेला रुटी साबवाडखन भगवाने धनियाबादतेरा। अरू हना रुटी डुंडीगतेडखन हँकिनाः होड़किन जोम लगाय हटिंगवातेडकिना।

मरकूस 5:42

हननमेला हाँयग एराहोन चड़ाँनेना अरूय सेना। (हाँय बारह बरिसीग एराहोन दोहोना।) अरू हँकू जमाकू मुरुककू बयावयान।

मरकूस 9:9

पहाड़ अते उतराः मेला हाँय हँकू एचेरेय हुकुमतेरा, “मनुवारीग बेटात गोएगतो होड़कू अते अरीने जियाव रिमुः वरी, अपे नाःआ कता तोनोंगीग एचेरे अहापे कताय।”