मरकूस 5:41 - Korwa Bible

⁴¹ हनते ईसू हाँयग एराहोनराः तिःई साबतेडखने कताया, “तलीता कूमी!” (नाःआराः मतलोब नाःआ हवे, ने एराहोन रिमुःमे।)

मरकूस 5:41 Referans Kwoze

मरकूस 1:31

दो ईसू हाँय एचेरे सेनेडखन हाँयराः तिःईय साबतेरा अरूय नपाय रेमतिरिया। दो जार अड़ाःतिरिया अरू सिमोन हनहारतो हँकूय सेवातेरा।

पिलिपी 3:21

दो ईसू मसी कुदा वेग मेला अबूराः अबड़ अरू गुजुः इयाःआ देह बदलाकेडखन आँयगराः देह इयाय अगम नपाये तुलागोडता। हाँयके जमा जिया-जउतकून एचेरे हातपात इदा अरू हाँय अनँयग जंगरते अबूराः देहे बदलावगोडता।

रूमी 4:17

भगवानराः कागदरे इबराहीम बदीरे ओजाःतो इदा, “ईंग आम मुरुक बगरा जइत होड़कूरीग अपांगिंग बड़ाँवकेडमेःआ।” हनन इया हाँय अबू जमा बिसवासी होड़कूरीग अपांग हवे। अरू हाँय, गोएगतो होड़कूय जियाव रेमकूता अरू बनाड़रा बड़राते तोनोंग मेर दोहोगान अते जमाकूने होनोयागोडता हाँयग भगवान एचेरेय बिसवासकेरा।

मरकूस 1:41

दो ईसू हाँये सोगावातिरिया। हनते तिःई लंबावतेडखन हाँये टोँवावतिरिया अरूय कताया, “ईंग चहाःतना, नपाय जुवाःमे।”

मरकूस 5:40

दो हँकुःआ होड़कू ईसूकू लंदावाःआ, मनदो ईसू जमा होड़कू बहरीय उडुंगगोतेडकू अरू एकला हाँयग एरा होनरिकिनाः एंगात अपात अरू अनँयग चेलाकू सुदा हाँयग एराहोनकू एचे गेतेगा हना छिनारेकू बोलोयान।

मरकूस 5:42

हननमेला हाँयग एराहोन चड़ाँनेना अरूय सेना। (हाँय बारह बरिसीग एराहोन दोहोना।) अरू हँकू जमाकू मुरुककू बयावयान।