मरकूस 16:1 - Korwa Bible

¹ लोड़ोनराः दिन पारयान दो मगदलियायिन मरियम अरू एकूबरीग एंगात मरियम अरू सलोमी ईसूराः मुरदारे तिलाःगे लगा नपाय महका हना जिनिसकूनकू किजातेरा।

मरकूस 16:1 Referans Kwoze

लूका 23:56

हनते हँकू ओड़ाः कुदा सेनेकियानखन नपाय महक सकमकून अरू सुनुमकू सपड़ाव दोहोतेरा। हनते हँकू नियम इया लोड़ोनराः दिनरेकू लोड़ोनेना।

मरकूस 15:40

मुरुक बगरा अइमीकू तोरेते ईसूकू ञेञेला। हँकू अते मगदलियायिन मरियम, हुडिंगीग एकूब अरू ओसेसरीग एंगात मरियम अरू सलोमी दोहोना।

एहुना 19:31

हना दिन पसहा परोब लगा सपड़ावगेराः दिन दोहोना। एटाः दिन मरंग लोड़ोनराः दिन दोहोना। हनालगा हना दिन एहूदाकू तोनोंगीग गोएगतो होड़ कुरूसरे मेरकू दोहो ओवाया। दो हँकू पिलातूस एचेरेकू कतातेरा, “ने साहेब, कुरूसरेकू ठोंकावकेडकुःआ हँकुःआ होड़कूराः काट एचे टोटाः एंडाकेडखन हँकूराः मुरदाम एचे उतराव एंडागोड।”

एहुना 19:25

ईसू कुरूसरे ठोंकावतोय दोहोना, हंडा हाँयरीग एंगात अरू इहड़ोएंगतो, कोलोपासरीग एंगातुकू मरियम अरू मगदलियायिन मरियम, नँकुःआ जमाकू हंडा चड़ाँतकू दोहोना।

मरकूस 16:8

हँकू बोरतेकू एकलाःआ अरूकू बयावयान। हनालगा हँकू लात मड़गट अते उडुंगनेनखनकू ञीरयान। हँकू मुरुककू बोराः। हनाते तोनोंगीग एचेरे कही माःआन मेरकू साला।

मरकूस 15:47

मगदलियायिन मरियम अरू ओसेसरीग एंगात मरियम ञेञेलाकिन हाँय करेकू मंडावकिरिया।

मरकूस 14:8

नाँयग अइमी एचे अवेःआ हनानाःए एचेकेरा। नाँय ईंगकू तील अते मड़ंग ईंग धाररे सुनुमे तिलाःकेरा।

मरकूस 14:3

बेतनिया गाँवरे सिमोन ञावीग मी होड़ होड़ दोहोना। हाँय मड़ंगरे कुड़गा होड़े दोहोना। आँयग ओड़ाःरे जोजोम लगा ईसू दुड़ुःनेना। दो मी होड़ अइमी मुरुक सुघर दिरिराः बोतोलरे मुरुक किमइतराः अरू नपाय महका हना जटामसी सुनुमे अगूतेरा। अरू हाँय बोतोल राबतेडखन हना सुनुम ईसू बोःरेय दूलगोतेड।

लूका 23:54

हना दिन लोड़ोनराः दिन अते मड़ंग दिन दोहोना। अरू होड़कूके लोड़ोनराः दिन लगा सपड़ाः दोहोना।

मरकूस 15:42

दो सिंगाड़यान अरू लोड़ोनराः दिन वेग अते मड़ंग सपड़ाःराः दिन दोहोना।

मरकूस 16:2

हपताराः मड़ंग एतवार दिन अंगुः निंदावा मड़गटरेकू सेनेडा।

लूका 24:1

हपताराः मड़ंग दिन, एतवार दिन अंगुः मेला हँकुःआ अइमीकू हँकू सपड़ाव दोहोतेरा हना नपाय महक जिनिसकून मड़गट लातरेकू गोःतेरा।