मरकूस 14:5 - Korwa Bible

⁵ नाःआ अकिरिंगवाडखन मी होड़राः मी बरिसराः बुता बनी मिनते गरीब होड़कू लगा हटिंगवाकेकुःआ। अरू हँकू हाँयग अइमी बदीरेकू कुरबुराःआ।

मरकूस 14:5 Referans Kwoze

एहुना 13:29

दो ढिबुवाकूनराः बगलीराः जिमेवारी होड़ जूदा दोहोना। अरू ईसू परोब लगा कहिसाः किजा लगा सहे गरीब होड़कू कहिसाः एमेवाकू लगाय कताकेरा माःआन अदोमकू ओंगोलतेरा।

जूदा 1:16

हँकुःआ होड़कू कुरबुराः होड़कू अरू लालिस होड़कू इदानकुःआ, हँकू अँकूराः बेलूर ओंगोल इयाकू सलाःता, अँननकू बदीरेकू बड़वारता अरू अँननकू नफा पवाः लगाकू बड़रा बोनाःता।

पिलिपी 2:14

जमा इयाःआ बुता बेगर कुरबुराःते अरू बेगर अड़ा-चउकीतेपे बुता।

इपीसी 4:28

इनिगगेःआ हाँयग होड़ अरू अहाय इनिगगे, मनदो नुँहू वरीते हाँय अनँयग तिःईते नपाये बुता जोम, जेमहा हाँय तोनोंग तोनोंग जिनिसकूनराः हुडिंग बगरा इदानकुःआ हँकुःआ होड़कूय संघरा अवेवाकू।

1 कुरिंती 10:10

हँकू अते अदोम होड़कू भगवान बदीरेकू कुरबुरावनेना अरू लाय एंडादार बराहील हँकूय लाय एंडातेरा। हनालगा अपे हों भगवान बदीरे अलोपे कुरबुराः।

एहुना 6:43

दो ईसू कतातेड, “अपे अँननपे अहापे कुरबुराव होड़ेंग।

एहुना 6:7

पिलिपूस कता कुदातेरा, “मी होड़ होड़राः आठ महिनाःआ मंजूरी हों नाःआमिन होड़कू जोम लगा मेमेड कउड़ा हों ओरो पुरावनेना।”

लूका 15:2

दो फरीसी होड़कू अरू नियम चेडदार होड़कू जहड़-बेडेग घड़ीनकू कताया, नाँय दो कसूर होड़कू सुदाय जुमाःता अरू हँकू सुदाय जोमता, माःआन।

मती ओजाःतेरा भगवानराः नपाय सरवन 20:11

हँकू बनीकू पवावनेन दो ढिबुवा ञेलतेडखन मालिक एचेरे कुरबुराः घड़ीनकू कतातेरा,

मती ओजाःतेरा भगवानराः नपाय सरवन 18:28

हनते हाँयग सेवकिया हना ओड़ाः अतेय उडुंगनेन दो हाँय अनँयगरीग संग सेवकिया सुदाय जुमावनेना। आँयग संग सेवकिया हाँय अते मी सव चाँदी रिचकीराः रीने गोःतेरा। दो हाँयग सेवकिया होड़ अनँयगरीग संग सेवकियाराः होटोःतोय होड़रेगतेरा अरूय कतावातिरिया, आम ईंग अतेम गोःतेरा हना रीन एमे कुदावायिंगमे।

मरकूस 14:4

हनते तोनोंग तोनोंग होड़कू अँननकू अँकू जीवरे रीसवाडखनकू कताया, नाःआ सुनुम चिला लगा नाःआ इयाय एचे एंडागोतेडा?

मरकूस 14:6

दो ईसू कतातेड, “नाँयग अइमी अड़ाःगोडेयपे। नाँय चिला लगापे हलकइनगेयतना? नाँय ईंग लगा नाय नपाये एचेकेरा।

मती ओजाःतेरा भगवानराः नपाय सरवन 26:9

नाःआ सुनुम मुरुक दामते अकिरिंगवाडखन गरीब होड़कू हटिंगवाकेकुःआ।”