मरकूस 13:34 - Korwa Bible

³⁴ ईंगराः कुदा वेग नाःआ इया होयाःता। तोनोंगीग होड़ आँयग ओड़ाः अटूवाडखने सेनता दो, हाँय सेन मेला आँयगरिकुःआ सेवकिया होड़कू हना ओड़ाः ञेल हड़ाःगे लगाय जिमा अटूता अरू मेमेडटोंग बुता मेनेमेड होड़कू लगाय एमेतेरा। ओड़ाःरीग अगुरादार होड़ एचेरे ओड़ाः अगुरा लगाय कता जिमाकेरा।

मरकूस 13:34 Referans Kwoze

एहुना 10:3

हाँय बोल लगा हना गुदड़ीरीग अगुरादार दुवारे गीगगोडता। हाँय आँयगरिकुःआ भेड़ाकू मेमेडटोंगराः ञाव गोः घड़ीने राःकूता। हँकुःआ भेड़ाकू हाँयराः अरोकू अयूमता अरू हाँय हँकू ससराव लगा बहरीय गोःयाकूता।

कुलूसी 3:24

दो अपे परबू ईसूपे सेवातना अरू हनाँय अपेराः सेवा बदलारे इमान इया इताडे एमेवापेता।

1 कुरिंती 15:58

दो ईंगरिकुःआ अजी बोपोहकूतिंग, अपे ईसू एचेरेपे बिसवासगोड ञवन, अरू अलोपे टास-मासगुः। अनंगेर अंगेरते परबू लगापे बुतागोड ञवन। अपे सुदीबाःका, परबू लगापे मिहनइतगेतना हान, सदाःआ ओनोरो होयानेना।

मती ओजाःतेरा भगवानराः नपाय सरवन 16:19

ईंग आम लगा भगवानराः राइजराः चाभीकूनिंग एमेवामता अरू जे हों सकालाः नाःआ चउंदीसरेम तोल, हान सेरमो देसरे हों तोलतो दोहोनता। अरू जे हों सकालाः आम चउंदीसरेम गीगगे, हान सेरमो देसरे हों गीगतो दोहोनता।”

उदुःतो कताकून 3:7

पिलादिलपिया सहरराः कलसियारीग बराहील लगा नाःआ चिठीम ओजाः, सुद अरू सताय इदानीग, अरू दाऊद राजाराः चाभी अनँयग तिःईरेय साबकातायीग कतायतना। हाँय हना चाभीतेय गीगगेता हना दुवार तोनोंगीग ओरोकू सींग अवेतेरा। अरू हाँय सींगगे हन दुवार तोनोंगीग ओरोकू गीग अवेतेरा। दो हाँय नाःआ इयाय कतायता,

कुलूसी 4:1

ने मालिककू, अपेरीग मालिक सेरमो देसरे इदानिया। हनालगा अपे अपेरिकुःआ सेवकियाकू सुदा अहापे एरंगाहान अरू नपाय लूर-नेवनतेपे लकूतवाकू।

रूमी 13:6

जमा हातपात होड़कू भगवानरिकुःआ सेवादारकू इया अँननकूराः जिमेवारीकू एचे पुरावगेता। हनालगा अपे जमा बरानाः मलगुजारीकून एएमे लगा इदा, हनापे एमेगोड।