मरकूस 13:3 - Korwa Bible

³ ईसू भगवान ओड़ाःराः मड़ंग तोरेरे जइतून पहाड़रेय दुड़ुःकुःआ। हनमेला पतरस, एकूब, एहुना अरू अंदरियास हाँय एचेरे सेनेवाडखनकू होंबोरतिरिया,

मरकूस 13:3 Referans Kwoze

मरकूस 4:34

अरू हाँय बे कहड़ीरे हँकू एचेरे तोनोंग मेरेय कतागाड, मनदो आँयगरिकुःआ चेलाकू एचेरे नाःआ जमा कहड़ीकूनराः मतलोबे एचे सुदीतेडकुःआ।

मती ओजाःतेरा भगवानराः नपाय सरवन 21:1

ईसू अरू आँयगरिकुःआ चेलाकूतेन एरुसलेम मरंग सहरराः लेनेसान जइतून पहाड़रे बतफेगा गाँवरेकू सोदोरनेना। दो ईसू बार होड़ चेलाकिनतेन नाःआ इया कतावातेडखने वारगोतेडकिन,

मरकूस 14:33

हनते ईसू पतरस, एकूब अरू एहुना आँयग सुदा अरू तोरेरेय गोःयाडकू अरू हाँयराः जीव मुरुक हुडिंगयान अरू कटसियायान।

मरकूस 10:35

जबदीरिकिनाः बेटाकिन एकूब अरू एहुना ईसू एचेरे वेगवाडखनकिन कताया, “ने गुरुजी, अलिंग चहाःतना, आम एचेरे अलिंग असेयतना हना अलिंग लगाम एचेय।”

मरकूस 9:2

छो दिन तयोमरे ईसू पतरस, एहुना अरू एकूब आँयग सुदा मीटोंग उसूल पहाड़ सेरमो एकलाय गोःयाडकू। दो हाँय हंडा हँकू मड़ंगरेय बदलावयान।

मरकूस 5:37

दो ईसू आँयग सुदा सेन लगा पतरस, एकूब अरू एकूबरीग बोहोत एहुना अड़ाःवाडखन तोनोंगीग मेरेय एमेगाड।

मती ओजाःतेरा भगवानराः नपाय सरवन 24:3

हनते ईसू जइतून पहाड़रेय दुड़ुःकुःआ। हनमेला हाँयरिकुःआ चेलाकू हाँय एचेरे एकला सेनेवाडखनकू होंबोरतिरिया, “ने गुरुजी आम उदुःवालेमे, नाःआ कता तुमिस होयाःता? आमराः कुदा वेग अरू चउंदीस टुटीगगुःराः चिनहा करा इया दोहोनता?”

मती ओजाःतेरा भगवानराः नपाय सरवन 17:1

छो दिन तयोमरे ईसू, पतरस, एकूब अरू एकूबरीग बोहोत एहुना सुदा मीटोंग उसूल पहाड़ सेरमो एकलाय गोःयाडकू।

मती ओजाःतेरा भगवानराः नपाय सरवन 13:36

हनते ईसू होड़कू अटूतेडखन ओड़ाःए कुदा वेजेडा। दो हनमेला ईसूरिकुःआ चेलाकू हाँय एचेरे सेनेडखनकू कतातेड, “ने गुरुजी, पहाड़ बीर बिहान बदीरे अउल-तउल कहड़ीराः मतलोबमे उदुःवाले।”

मती ओजाःतेरा भगवानराः नपाय सरवन 13:10

हना तयोमरे ईसूरिकुःआ चेलाकू ईसू एचेरे वेगवाडखनकू होंबोरतिडिग, “आम चिला लगा होड़कू एचेरे अउल-तउल कहड़ीम कतायता?”

मरकूस 13:4

“ने गुरुजी आम उदुःवालेमे, नाःआ कता तुमिस होयाःता? अरू नाःआ होयाःता हनाराः चिनहा करा इया दोहोनता?”