मरकूस 13:13 - Korwa Bible

¹³ ईंगराः ञाव अते जमा होड़कू अपेकू हिनइस-बिनइसवाता। मनदो अरीन टुटीगगुः वरी सनाहाव ञवनता हनाँयग होड़ भगवान सडावगेयता।

मरकूस 13:13 Referans Kwoze

मती ओजाःतेरा भगवानराः नपाय सरवन 10:22

अरू ईंगराः ञाव अते जमा होड़कू अपेकू हिनइस-बिनइसवापेता। मनदो अरीन टुटीगगुः वरीय सनाहाव ञवन हनाँयग होड़ भगवान सडावगेयता।

मती ओजाःतेरा भगवानराः नपाय सरवन 24:13

मनदो टुटीग वरी सहाव घड़ीने दोहोनता हाँयग होड़ बनसाव जुवाःता।

लूका 6:22

मनुवारीग बेटात बदीरे होड़कू अपेकू हिनइस-बिनइसवापेता, अरूकू उडुंग एंडागोडपेता, लंदा एरंगवापेताकू अरू बेलूरकू कतावापेता दो, अपेराः जीव-जहन भगवान भलावाडखने नपायगेता।

गलातिया 6:9

अबू नपाय बुताबू बुतागोड ञवन लगा अबूराः जीव अहाबू हदराव ओवागे। दो भगवान तोल दोहोकेरा हना बेलारे हाँय अबू लगा इमाने एमेवाबूता।

रूमी 2:7

तोनोंग तोनोंग होड़कू सहाव घड़ीन नपाय बुताकू बुतागोड ञवनता। हँकुःआ होड़कू भगवान अगीते मान मरजइत अरू मेर गुजुःता हना देह पवाः लगाकू चहाःतना। हँकुःआ होड़कू लगा भगवान ओरो टुटीगनेना हना जीवे एमेवाकूता।

एहुना 15:21

हँकुःआ होड़कू ईंगे वारकेरा हाँय मेरकू सुदीगेयता। अपे ईंगरिकुःआ हवे। हनालगा हँकू अपे सुदा नाःआ जमाकूनकू एचेयता।

उदुःतो कताकून 2:10

कटसिया अपेके ससहाव इदा, अरू हना बदीरे अलोपे बोर। अपे सवासितीपे दोहोन। कलउ अपे अते तोनोंग तोनोंग होड़कू जेहेलरेय एचे सींगकेडपेखन अंदजावपे लगाय ओंगलेतना, अरू अपे दस दिन वरी कटसिया ससहाव पराःता। जीव उडुंग जुवाः वरी बिसवासगोड ञवनपे, दो ईंग अपे, जीवराः पगरींग एमेवापेता।

इबरानी 10:39

दो अबू कुदाकियानखन लाय एंडन होड़कू कोवाबुःआ, मनदो अबू दो बिसवासकेडखनकू बनसाव जुवाःता हँकुःआ होड़कू हवे।

इबरानी 3:14

अबू बिसवासकेरा हना बेलाःआ भरसा, टुटीग वरीबू बड़ियाड़ इदीन दो, अबू मसीरिकुःआ बुता देंगवा होड़कूबू बड़ाँव जुवाःता।

एहुना 17:14

ईंग आमराः सरवन हँकू एचेरेयिंग उदुःगोतेरा। ईंग चउंदीसरीग होड़ ना लवे, हनन इया हँकू हों चउंदीसरिकुःआ होड़कू ना लवे। हनालगा चउंदीसरिकुःआ होड़कू हँकूकू हिनइस-बिनइसवातना।

लूका 21:17

अपे ईंगरिकुःआ चेलाकू हवे। हनालगा हँकू अपेकू हिनइस-बिनइसवाता।

मती ओजाःतेरा भगवानराः नपाय सरवन 24:9

हनते होड़कू अपे संतावपे लगा अरू ञेड एंडापे लगाकू जिमापेता। जमा जइतरिकुःआ होड़कू ईंगराः ञाव अते अपेकू हिनइस-बिनइसवापेता।

उदुःतो कताकून 3:10

ईंग कतातेरा, अपे सहाव घड़ीन ईंग एचेरेपे बिसवासगोड ञवन अरू ईंगराः हना कता अपे मनावनेना। हनालगा जमा चउंदीसरिकुःआ होड़कू अंदजावकू लगा कटसिया होयाःतान मेला अपे हना अंदजावरेयिंग बनसाव दोहोपेता।

एकूब 1:12

अपेराः बिसवास बदीरे अंदजाव होयाः मेला, सहाव घड़ीन बिसवासरे बड़ियाड़े दोहोनता हाँयग होड़राः जीव, भगवान ननपायगेता। तयोमरे हाँय लगा ओरो टुटीगनेना हना जीवराः इमान भगवान एमेयता। भगवानकू दुलारता हँकुःआ होड़कू हना इमान एमे लगाय जबानकेरा।

1 एहुना 3:13

ईंगरिकुःआ अजी बोपोहकूतिंग, चउंदीसरिकुःआ होड़कू अपे मेरकू अलार-दुलारपे दो अपे अलोपे बयाःआ।

मरकूस 13:12

वगात अनँयग बोहोत अरू अपात अनँयग बेटा ञेड एंडा लगाकू इदीता। लइंकू अँननकूरिकुःआ एंगात अपातकू हिनइस-बिनइसवाता अरू हँकूकू एचे ञेड गोएगगोडकूता।