मरकूस 12:26 - Korwa Bible

²⁶ गोएगतो होड़कूराः बदीरेयिंग कतायता, मोसेस ओजाःतेरा हना कागदरे भगवान हाँय सुदा सलगावतो बुदारेय बड़रानेना हना मेरपे बछावगना जा? हनमेला भगवान मोसेस एचेरेय कतातेड, ईंग इबराहीमरीग, इसहाकरीग अरू एकूबरीग भगवान इदानिंगा।

मरकूस 12:26 Referans Kwoze

लूका 20:37

अपे ईंगपे अयूम, भगवान मोसेस सुदा सलगावतो बुदारेय बड़रानेना। हनमेला भगवान मोसेस एचेरेय कतातेरा, ईंग इबराहीमरीग, इसहाकरीग अरू एकूबरीग भगवान हवे। हना अते मोसेस हों उदुःगेता भगवान गोएगतो होड़कूय जियाव रेमकूता, माःआन।

मरकूस 12:10

अपे भगवानराः कागदरे नाःआ कता मेरपे बछावगना जा, ओड़ाः तुला मिसतिरीकू ओरो बड़ाँवनेना, माःआनतेकू चलाः एंडातेरा, हनानाः दिरि जमा दिरिकून अते ननपाय दिरि होयानेना?

मरकूस 12:25

गोएग जुवाः हना तयोमरेकू जियाव रिमुःता हँकुःआ होड़कूराः बियाह ओरो होयानेना अरू बियाहगुः लगा हँकू ओरोकू एमेतेडकुःआ। हँकू सेरमो देसरिकुःआ बराहीलकू इयाकू दोहोनता।

एहुना 20:17

हनते ईसू कतातेड, “ईंग अपांग भगवान एचेरे अरीनिंग सेना। हनालगा आम ईंग अहम साब रहावकायिंग। मनदो आम ईंगरिकुःआ वपक बोपोहकूतिंग एचेरे सेनेकियानखन हँकू एचेरेम कता उदुःगोड, ईंगरीग अरू अपेरीग अपांग अरू ईंगरीग अरू अपेरीग भगवान एचेरे सेरमोयिंग सलाःतना, माःआन।”

रूमी 11:2

भगवान मनाड़ंगतेय ओंगोल दोहोकेडकुःआ हँकुःआ होड़कू मेरेय अड़ाःगाडकुःआ। भगवानराः कागदरे इलियाह बदीरे चेले माःआन कतायता? हाँय इसराएल होड़कू बदीरे भगवान एचेरेय लालिसगेतना,