मरकूस 12:17 - Korwa Bible

¹⁷ दो ईसू कतातेड, “मरंग राजा कइसरराः हवे हना हनाँयपे ओवा अरू भगवानराः हवे हना भनगवानपे एमेवा।” दो हँकू हाँयराः कतारेकू बयावयान।

मरकूस 12:17 Referans Kwoze

रूमी 13:7

अरू अपे होड़कू एमेवा लगा इदा, हना जमाकून एनेमेगोड। अपे सरकारके एमे लगा इदा हना ढिबुवाकूनपे एमेगोड। अकूस मनाः लगा इदा हँकूराः अकूसपे मनाः अरू मान मरजइतकू लगा इदा हँकूपे मान मरजइत।

1 पतरस 2:17

जमा होड़कूपे मान मरजइत, अरू बिसवासी होड़कू सुदा अलार-दुलारतेपे दोहोन, भगवानराः अकूस मनाः घड़ीनपे दोहोन अरू मरंग राजा होँपे मान मरजइतगेय।

रूमी 6:13

अपेराः देह दगलीकून बेलूर ओंगोल इया कसूरगे लगा अहापे एमेय। अपे कसूरते गोएगतो इयापे दोहोना, मनदो नुँहू अपे नँवा जीवपे पवावकिया। हनालागा अपेराः देह दगलीकून नपाय बुता बुता लगा भगवान एचेरेपे जिमागोड।

रूमी 12:1

हनालगा ईंगरिकुःआ अजी बोपोहकूतिंग, भगवान अबूय मयावारा हना कता उहियारकेडपेखन अपे एचेरे गोड़न पइयन घड़ीनिंग असेयतना। अपे अँननपेराः देह भगवान ननायगुःता हना सुद अरू जीयत बलिदान इया जमालेःआपे जिमागोड। नाःआ भगवान सेवाराः सताय लूर हवे।

मती ओजाःतेरा भगवानराः नपाय सरवन 22:46

ईसू नाःआ इयाय कतातेड हना तयोमते तोनोंगीग मेरकू कता कुदा अवेगाड। अरू हना दिन वरीते तोनोंगीग हाँय एचेरे अरू सवालकून होंबोरगे लगा मेरकू डीड़गेःआ।

मती ओजाःतेरा भगवानराः नपाय सरवन 22:22

नाःआ अयूमतेडखन हँकू मुरुककू बयावयान अरू ईसू अड़ाःतेडखन एटाः अगी तोराकू।

मरकूस 12:30

अरू अपे अपेरीग परबू भगवान, जमा ओंगोलते, जमा जीवते, जमा इंदरीते अरू जमा जंगरतेपे दुलारगेय,

मती ओजाःतेरा भगवानराः नपाय सरवन 22:33

नाःआ बड़रा अयूमकेडखन ईसूराः चेडरे होड़कू मुरुककू बयावयान।

मती ओजाःतेरा भगवानराः नपाय सरवन 8:10

हना अयूमतेडखन ईसू बयावयाने अरू अनँयग देह दूरकू वेजेडा हँकुःआ होड़कू एचेरेय कताया, “अपे ईंगपे अयूम। इसराएल होड़कू एचेरे हों नाःआमिन बिसवास ईंग नुँहू वरी मेरिंग ञेलगडा।

मती ओजाःतेरा भगवानराः नपाय सरवन 22:21

दो हँकू कतातेड, “मरंग राजा कइसरराः इदा।” दो ईसू हँकू एचेरेय कतातेड, “मरंग राजा कइसरराः हवे हान, हाँयपे एमेवा अरू भगवानराः हवे हान भगवानपे एमेवा।”

मरकूस 12:16

दो हँकू हना चाँदीराः रिचकी ढिबुवाकू अगूतेरा अरू ईसू हँकू एचेरेय कतातेरा, “नाःआ रिचकी ढिबुवारे इयेराः मुरइत इदा अरू इयेराः ञाव ओजाःतो इदा?” हनते हँकू कतातेरा, “मरंग राजा कइसरराः मुरइत अरू हाँयराः ञाव इदा।”

लूका 20:25

दो ईसू कताया, “मरंग राजा कइसरराः हवे हान हनाँयपे ओवा अरू भगवानराः हवे हान भनगवानपे एमेवा।”