मरकूस 12:14 - Korwa Bible

¹⁴ हँकू ईसू एचेरे वेगकियानखनकू कताया, “ने गुरुजी अले सुदीयतनाले, आम होड़कू जहंडाव होड़ ना लवे। हनालगा आम तोनोंगीग होड़ आम ननायगे लगा मेरेम एचेयतना। मनदो भगवानराः सताय दूरमे उदुःवाकूता। दो अले उदुःवालेमे आम चेले माःआनमे ओंगलेतना? कइसर राजा एचेरे मलगुजारी एमेवाय लगा नपाय इदा जा कोवान?

मरकूस 12:14 Referans Kwoze

1 तिसलूनिका 2:4

मनदो भगवान लुंबाड़ दोहोकेडकूखन नपाय सरवन कता उदुःगे लगाय जिमावाडकुःआ हँकुःआ होड़कू इयाले कतातेरा। हनालगा होड़कू एचे ननायकू लगा कोवान, मनदो अबूराः ओंगोले जासता हाँयग भगवान ननायगेय लगाले कतायतना।

गलातिया 2:6

होड़कू अदोम मूक होड़कू बदीरे मरंग होड़कू माःआनकू ओंगोलकूता। मनदो भगवान तोनोंगीग मेरेय पाचपटीगेयता। हनालगा नाःआ अते ईंगके कही आँच ओरो लगावनेना, अरू ईंग परसारतेरा हना सरवनरे तोनोंग इया मेरकू बदलाव अवेगाड।

गलातिया 1:10

दो ईंग, होड़कू कता ननाय लगा जा भगवान बुता ननायगे लगायिंग चहाःतना? अपे चेले माःआनपे ओंगोलगींगतना, नाँय होड़कू जहंडाव होड़ हवे? ईंग नुँहू वरी होड़कू कता ननाय होड़िंग दोहोकुः दो ईंग मसीरीग सेवकिया होड़ ओरोयिंग दोहोकुःआ।

2 कुरिंती 5:16

नुँहू वरीते होड़कूराः ओंगोल इया तोनोंगीग ओरोले फड़ियावतिरिया। मड़ंगरे मसी बदीरे चउंदीसरिकुःआ होड़कू फड़ियावगेःआ हनन इया अले होंले फड़ियावतिरिया। मनदो नुँहू वरीते अले हनन इया ओरोले फड़ियावतिरिया।

2 कुरिंती 5:11

अले परबूराः अकूसले मनाःता। हनालगा अले होड़कू हाँय अगी कुदाकू लगाले मंदरावकूता। अरू भगवान अले बदीरे जमाकून नपायतेय सुदीयतना अरू हान अपे हों सुदीगोडपे लगाले असरातना।

2 कुरिंती 2:17

एटाः होड़कू इया अँननकूराः नफा लगा, अले भगवानराः सरवनरे मेरले मेसायता, मनदो सताय ओंगोलते भगवान अगीते पवावतो सरवन मसीराः संघरातेले कता उदुःगेता।

2 कुरिंती 2:2

दो ईंग अपेयिंग डंटाव अदरुजीगोड दो, ईंग डंटाव अदरुजीतेडकुःआ हँकुःआ होड़कू अड़ाःकेडखन इयेकू ईंगकू बहालगिंग?

एहुना 7:18

अनँयग ओंगोलतेय कतायता हाँयग होड़ अनँयग मान मरजइतगुः लगाय चहाःता। मनदो तोनोंगीग हाँये वारकेरा हनाँय मान मरजइतगे लगाय चहाःता दो, हाँय सताय होड़ हवे अरू हाँय एचेरे तोनोंगाः गारबार मेर दोहोनता।

रूमी 13:6

जमा हातपात होड़कू भगवानरिकुःआ सेवादारकू इया अँननकूराः जिमेवारीकू एचे पुरावगेता। हनालगा अपे जमा बरानाः मलगुजारीकून एएमे लगा इदा, हनापे एमेगोड।

लूका 23:2

हँकू ईसू बदीरे पिलातूस एचेरेकू कताया, “नाँयग होड़ अलेरिकुःआ होड़कूय बहकावता। नाँय कतायता रूमी देसरीग राजा एचेरे मलगुजारी अलोपे एमेय अरू अनँयग बदीरेय कतायता, ईंग मसी अरू राजा हवे, माःआन।”

लूका 20:22

दो अले उदुःवालेमे आम चेले माःआनमे ओंगलेतना? कइसर राजा मलगुजारी एमेवाय लगा नपाय इदा जा कोवान?”

मरकूस 14:45

दो जूदा वेजेडा अरू ओहेन सेनेडखन ईसू एचेरेय कतातेड, “ने रबबी”, अरू हाँये अंजोडतेरा।

मती ओजाःतेरा भगवानराः नपाय सरवन 22:17

दो अले उदुःवालेमे आम चेले माःआनमे ओंगलेतना? कइसर राजा मलगुजारी एमेवाय लगा नपाय इदा जा कोवान?”

2 कुरिंती 4:1

भगवान आँयग सेवा लगा अलेय मयावारा। हनालगा अले मेरले अदरुजीनता।

मती ओजाःतेरा भगवानराः नपाय सरवन 22:16

हँकू अँनकूरिकुःआ चेलाकू हरदोस राजारिकुःआ होड़कू सुदा ईसू एचेरे नाःआ इया ककता लगाकू वारगोतेडकू, “ने गुरुजी, अले सुसुदीतना आम सताय इदानमेःआ अरू सताय इया भगवानराः दूर बदीरेम चेडकूता। आम होड़कू जहंडाव होड़ ना लवे। हनालगा आम तोनोंगीग होड़ आम ननायगे लगा मेरेम एचेयतना।

मरकूस 12:13

तयोमते एहूदा मूक होड़कू ईसू दाः लगा, फरीसी होड़कू अरू हरदोसरिकुःआ होड़कू हाँय एचेरेकू वारतेडकुःआ।

मरकूस 12:15

अबू एएमे इदा जा कोवान?” दो ईसू हँकूराः पचघुचिया सुदीवाडखन हँकू एचेरेय कताया, “अपे चिला लगापे अंदजावगींगतना? मीटोंग चाँदीराः रिचकी ढिबुवा ईंग एचेरेपे अगूय। ईंग हनायिंग ञेलता।”