मरकूस 12:10 - Korwa Bible

¹⁰ अपे भगवानराः कागदरे नाःआ कता मेरपे बछावगना जा, ओड़ाः तुला मिसतिरीकू ओरो बड़ाँवनेना, माःआनतेकू चलाः एंडातेरा, हनानाः दिरि जमा दिरिकून अते ननपाय दिरि होयानेना?

मरकूस 12:10 Referans Kwoze

मती ओजाःतेरा भगवानराः नपाय सरवन 21:42

ईसू हँकू एचेरेय कतातेड, “अपे भगवानराः कागदरे मेरपे बछावगना जा, ओड़ाः तुला मिसतिरीकू ओरो बड़ाँवनेना माःआनकू चलाः एंडातेरा, हनानाः दिरि जमा दिरिकून अते ननपाय दिरि होयानेना। नाःआ दो परबू अगीते होयाकिया अरू अबू बयावयनाबू।

रूमी 9:33

ईसू बदीरे भगवानराः कागदरे ओजाःतो इदा, “ईंगपे अयूम, होड़कू एचे तोहोडकूता हना खुंटा ईंग सियोनरेयिंग बीडगोडता, अरू हान होड़कू एचे तामगोडकूता। अरू हाँय एचेरेकू बिसवासगेता, हँकुःआ होड़कू कहियो ओरोकू गियूनेना।”

मरकूस 2:25

दो ईसू हँकू एचेरेय कताया, “अपे भगवानराः कागदरे मेरपे बछावगना जा, दाऊद राजा अरू आँयगरिकुःआ सउंगताकू रंगेगतेड मेला चिलाकू एचेतेरा?

मती ओजाःतेरा भगवानराः नपाय सरवन 21:16

दो हँकू ईसू एचेरेकू होंबोरतेरा, “नँकुःआ लइंकू चेले माःआनकू कतायतना, आम मेरेम अयूमगरा जा?” दो ईसू कता कुदातेड, “हाव, अपे भगवानराः कागदरे मेरपे बछावगना जा, लइंकू अरू दूदकू ञूता हँकुःआ डेंबाकू, आमकू जाग लगा आम अनमतेम सपड़ावतेडकुःआ, माःआन?”

मती ओजाःतेरा भगवानराः नपाय सरवन 19:4

दो ईसू कता कुदातेरा, “अपे भगवानराः कागदरे मेरपे बछावगना जा? हंडा ओजाःतो इदा, बुँहड़ीरे भगवान अइमी अरू मरदे तुलाकेरा।

लूका 6:3

दो ईसू फरीसी होड़कू एचेरेय कताया, “अपे भगवानराः कागदरे मेरपे बछावगना जा, दाऊद राजा अरू आँयगरिकुःआ सउंगताकू रंगेगतेड मेला चिलाकू एचेतेरा?

मरकूस 13:14

मुरुक बेलूर जिनिस, दोहोन लगा कोवानेःआ हंडापे ञेलता दो नाःआ बछाःता हाँय बुझाः लगा इदा। हनमेला एहूदिया छतररे इदानकुःआ हँकुःआ होड़कू पहाड़ अगीकू ञिञीर लगा इदा।

मती ओजाःतेरा भगवानराः नपाय सरवन 22:31

मनदो गोएगतो होड़कूराः जियाव रिमुः बदीरे अपे भगवानराः कागदरे मेरपे बछावगना जा,

मती ओजाःतेरा भगवानराः नपाय सरवन 12:3

दो ईसू फरीसी होड़कू एचेरेय कतातेरा, “अपे भगवानराः कागदरे मेरपे बछावगना जा, दाऊद राजा अरू आँयगरिकुःआ सउंगताकू रंगेगतेड मेला चिलाकू एचेतेरा?

मरकूस 12:26

गोएगतो होड़कूराः बदीरेयिंग कतायता, मोसेस ओजाःतेरा हना कागदरे भगवान हाँय सुदा सलगावतो बुदारेय बड़रानेना हना मेरपे बछावगना जा? हनमेला भगवान मोसेस एचेरेय कतातेड, ईंग इबराहीमरीग, इसहाकरीग अरू एकूबरीग भगवान इदानिंगा।

मरकूस 12:9

हनते ईसू होंबोरतेड, “अपे चेले माःआनपे ओंगलेता, अंगूर बगइचारीग मालिक हँकू करा इयाय करेगकूता? हाँय वेगकियानखन अधियादारकूय ञेड एंडाकूता अरू हना अंगूर बगइचा एटाः होड़कूय ओवागोडकूता।