मरकूस 12:1 - Korwa Bible

¹ हनते ईसू, होड़कू एचेरे मीटोंग अउल-तउल कहड़ीय कताया, “मी होड़ अंगूरराः बगइचाय लगावतेरा अरू हनाराः चइरो गतर भीटे रेमतेरा अरू अंगूरराः रस लेन लगा मीटोंग चटइन कोटेग कोटेगे लाः बोलोतेरा अरू मीटोंग उनुसूल अगुरा मसाय तुलातेरा। हनते हाँय अधियादारकू एचेरे अधिया एमे अटूवाडखन एटाः देस तोराय।

मरकूस 12:1 Referans Kwoze

मरकूस 13:34

ईंगराः कुदा वेग नाःआ इया होयाःता। तोनोंगीग होड़ आँयग ओड़ाः अटूवाडखने सेनता दो, हाँय सेन मेला आँयगरिकुःआ सेवकिया होड़कू हना ओड़ाः ञेल हड़ाःगे लगाय जिमा अटूता अरू मेमेडटोंग बुता मेनेमेड होड़कू लगाय एमेतेरा। ओड़ाःरीग अगुरादार होड़ एचेरे ओड़ाः अगुरा लगाय कता जिमाकेरा।

मरकूस 4:2

ईसू हँकू मुरुक अउल-तउल कहड़ीकून कतावाकू घड़ीने चेडकुःआ। दो मीटोंग कहड़ी हँकूय कतावाड,

मती ओजाःतेरा भगवानराः नपाय सरवन 25:14

“अरू भगवानराः राइज लंका देस सेन मेला अनँयगरिकुःआ सेवकियाकू राःतेडखन अनँयगराः आन-धान हँकूय जिमावातेरा हाँयग गिरहत होड़ इया इदा।

मूक चेलाकू 7:38

सेरमो देसरीग बराहील सीनाई पहाड़रे मोसेस एचेरेय बड़रानेन मेला मोसेस टयंगाब ततेररे भगवानरिकुःआ होड़कू दोहोना अबूरिकुःआ खुटिपरिया होड़कू सुदाय दोहोना। अरू हाँयग मोसेस भगवान अगीते अबूय एमेवा लगा जीयत सरवने पवावकिया।

लूका 19:12

“मी होड़ गिरहत होड़ मीटोंग लंका देसरे राजा बड़ाँवकियानखन कुदन लगा हना देसरेय सेनेडा।

लूका 15:13

तोनोंग दिनरे हुडिंगीग जमा आँयग बंटा ढिबुवाय सकलावतेड अरू जबर लंका सेनेवाडखन आँयगराः जमा आन-धाने चबा एंडागोतेड।

लूका 8:10

दो ईसू कतातेड, “भगवानराः राइजराः ओकोत कताकून सुदी लगा अपेके भगवान कनहूने एमेकेरा। मनदो एटाः होड़कू सुदा ईंग अउल-तउल कहड़ी उदुःगेतिंग, जेमहा हँकुःआ होड़कू ञेनेल मेडतेकू ञेलता, मनदो ओरोकू सुदीतेरा, अरू लुनुतूर लुतूरतेकू अयूमता मनदो ओरोकू बुझावनेना।”

मती ओजाःतेरा भगवानराः नपाय सरवन 21:28

“अपे चेले माःआनपे ओंगलेता? मी होड़रिकिनाः बार होड़ बेटाकिन दोहोना। अपात मरंगीग बेटात एचेरेय कतातेरा, ने बाबू, तिसिंग आम अंगूर बगइचारे सेनेकियानखनमे बुता।

लूका 22:9

दो हँकिन होंबरेया, “गुरुजी, नाःआ अलिंग करा ततेररेलिंग सरबहागे?”

मती ओजाःतेरा भगवानराः नपाय सरवन 13:3

अरू हनमेला ईसू हँकुःआ होड़कू मुरुक अउल-तउल कहड़ीकूने कता उदुःवाकुःआ। अरू ईसू कतातेड, “मी होड़ बिहान वेर लगाय उडुंगनेना।

मती ओजाःतेरा भगवानराः नपाय सरवन 21:33

“अपे अरू एटाः मीटोंग अउल-तउल कहड़ीपे अयूम। मी होड़ अंगूरराः बगइचाय लगावतेरा अरू हनाराः चइरो गतर दिरिराः घोरनाय तुलातेरा अरू अंगूरराः रस लेन लगा मीटोंग चटइन कोटेग कोटेगे लाः बोलोतेरा अरू मीटोंग उनुसूल अगुरा मसाय तुलातेरा। हनते हाँय अधियादारकू एचेरे अधिया एमे अटूवाडखन एटाः देस तोराय।

मती ओजाःतेरा भगवानराः नपाय सरवन 21:34

हनते जोःराः बेला सोदोरनेन दो हाँयग मालिक अधियादारकू एचेरे आँयग बंटा अगू लगा हड़वाहाकूतेने वारगोतेडकू।

मरकूस 3:23

दो ईसू हंडाकू दोहोना हँकुःआ होड़कू एचेरे अउल-तउल कहड़ीय कतातेड, “कलउ करा उड़ी कलउए उडुंग अवेता?

मरकूस 11:33

हनते हँकुःआ होड़कू ईसू एचेरेकू कताया, “अले मेरले सुदीयतना।” दो ईसू कताया, “नाःआ बुता चिला हातपाततेयिंग एचेयतना, हना हों ओरोयिंग उदुःवातेडपेःआ।”