मरकूस 11:14 - Korwa Bible

¹⁴ हनते ईसू लुवा दूबे कतावाड, “तिसिंग वरीते आमराः जोःओ तोनोंगीग ओरोकू जोमतेरा।” अरू नाःआ बड़रा आँयगरिकुःआ मूक चेलाकू अयूमतेरा।

मरकूस 11:14 Referans Kwoze

मती ओजाःतेरा भगवानराः नपाय सरवन 21:19

हनमेला दूर कुटीरे मीटोंग लुवा दूब ञेलतेडखन ईसू जोःओत इदा माःआनते हना लुवा सींग अगीय सेनेडा। मनदो हना सींगरे सकमतो एकला दोहोना। अरू हाँय हना लुवा सींग एचेरेय कतातेरा, “नुँहू वरीते आम कहियो ओरोम जोनेना।” दो हना लुवा दूब ओहेन झुरायान।

एहुना 15:6

तोनोंगीग ईंग सुदा मिनी मेरेय दोहोनतान दो हन अंगूरराः नइड़ इया गेडकेडखन तेके एंडागोडता अरू हना नइड़ झुरा जुवाःता। हनते होड़कू हना नइड़ मीरे हलंग जवारकेडखनकू बाल लो एंडागोडता।

मती ओजाःतेरा भगवानराः नपाय सरवन 7:19

नपाय जोःओ मेर जोःता, हना जमा सींग दूबकून रूबकेडखनकू बाल एंडागोडता।

मती ओजाःतेरा भगवानराः नपाय सरवन 3:10

नुँहू सींग दूब घींग लगा वके सपड़ावतो इदा। नपाय जोःओ मेर जोःता हना जमा सींग दूबकून, घींगकेडखन सेंगेलरेकू बाल लोगोडता।

उदुःतो कताकून 22:11

बेलूरकू एचेयता हँकुःआ होड़कू, बेनेलूरकू एचे ञवन, अरू मइलाल जीव होड़कू मनइलावकू दोहो ञवन, मनदो नपाय होड़कू ननपायकू एचे ञवन, अरू सुद होड़कू सुनुदकू दोहो ञवन।”

मती ओजाःतेरा भगवानराः नपाय सरवन 21:44

[नाःआ दिरिरेय लुजरुःता हाँयग होड़ लंजाः हटिंग जुवाःताय। मनदो तोनोंगीग होड़ चोटरे नाःआ दिरि लुजरुः दो हाँय गिलाव जुवाःता।”]

2 पतरस 2:20

होड़कू अबूरीग परबू अरू सडावदार ईसू मसीकू सुदीकेडखन, चउंदीसराः जमा बरानाः बेलूर बुताकून अतेकू बनसावनेन तयोमरे, हँकू अरू हनानाः कसूरकूनरेकू बझाव जुवाःतान दो, हँकूराः हलाइत मड़ंग अते अरू बगरा बेनेलूर जुवाःता।

मती ओजाःतेरा भगवानराः नपाय सरवन 21:33

“अपे अरू एटाः मीटोंग अउल-तउल कहड़ीपे अयूम। मी होड़ अंगूरराः बगइचाय लगावतेरा अरू हनाराः चइरो गतर दिरिराः घोरनाय तुलातेरा अरू अंगूरराः रस लेन लगा मीटोंग चटइन कोटेग कोटेगे लाः बोलोतेरा अरू मीटोंग उनुसूल अगुरा मसाय तुलातेरा। हनते हाँय अधियादारकू एचेरे अधिया एमे अटूवाडखन एटाः देस तोराय।

मरकूस 11:13

हनमेला ईसू मीटोंग हड़ियड़ दोहोना हना लुवा दूबे ञेलतेड अरू हना दूबरे जोःओत इदा माःआनते हंडा तोराय। दो हन जोःराः बेला मेर होयागान, हनालगा सनाकम एकला दोहोना।

मरकूस 11:15

हनते ईसू एरुसलेम मरंग सहररेय सेनेडा अरू हाँय भगवान ओड़ाः तोराय। हंडा राचरे चिनचिलाकू किजा अकिरिंगा हँकुःआ होड़कू हाँय बहरीय एचे उडुंगकुःआ अरू हाँय ढिबुवाकू बदलाःआ हँकुःआ होड़कूराः टिबुलकून अरू पेरवाँ तितीगकूकू अकिरिंगा हँकुःआ होड़कूराः मसिलाकूने उलटाव एंडागोतेडा।