मरकूस 10:30 - Korwa Bible

³⁰ दो नाःआ जूगरे ओड़ाःकून, वपक बोपोहकूतेन, अजी-मेमेसकूतेन, एपेंगकूतेन, लइंकूतेन अरू दोहोड़कूनतेन सव गुना बगराय पवाःता अरू कटसिया सहाव पारकेडखन सेरमो देसरे ओरो टुटीगनेना हना जीव होंय पवाःता।

मरकूस 10:30 Referans Kwoze

पिलिपी 3:8

हाव, परबू ईसू मसी नपायते सुदीगेय लगायिंग चहाःतना अरू हाँयिंग सुदी, ईंग लगा जमालेःआते मनइद कता हवे। ननानाः लगा मड़ंगरे ईंग लगा नफा दोहोना, हनानाः कताकून सदाःआ इदा माःआन ओंगोलतेडखनिंग अड़ाःगोतेडा। अरू ईसू ईंग पवाः लगा अरू हाँय सुदा मिनी जुवाः लगा हना जमाकून खरसी हवे माःआनिंग ओंगलेतना।

लूका 18:30

हाँय चउंदीसरे नाःआ जमालेःआ मुरुक बगरा गुनाय पवाःता अरू सेरमो देसरे ओरो टुटीगनेना हना जीव होंय पनावाःता।”

2 कुरिंती 6:10

अले फिकिराः होड़कू इया इदानलेःआ, मनदो जमा बेला बनाहालतेले दोहोनता, गरीब होड़ इया इदानलेःआ मनदो मुरुक होड़कूले गिरहतगोडता। अले एचेरे कहिसाः कोवानेःआ, मनदो अले एचेरे जमालेःआ इदा।

एकूब 1:12

अपेराः बिसवास बदीरे अंदजाव होयाः मेला, सहाव घड़ीन बिसवासरे बड़ियाड़े दोहोनता हाँयग होड़राः जीव, भगवान ननपायगेता। तयोमरे हाँय लगा ओरो टुटीगनेना हना जीवराः इमान भगवान एमेयता। भगवानकू दुलारता हँकुःआ होड़कू हना इमान एमे लगाय जबानकेरा।

एकूब 5:11

सहाव घड़ीनकू दोहोनता हँकुःआ होड़कू सनातायरे ननपायबू कतावाकूता। अयूब करा इया कटसियाय सहावगेःआ अरू करा इया परबू हाँय लगा जमाकूने नपायगोतेड, हना कता अपे अनायूमकेरा। नाःआ अते अबू सुनुदीयतना, अबूरीग परबू अबूय सोगावाबूता अरूय मयावाबूता।

उदुःतो कताकून 3:18

हनालगा ईंग अपेयिंग सलाहता, सेंगेलते गरावतो सोना ईंग अतेपे किजाय, जेमहा अपे गिरहत जुवाः अरू उजड़ सोनहेपे किजा अरूपे तुसिंगे दो अपे एकेते ओरोपे दोहोनेना अरू ओरोपे गियूनेना। अरू अपेराः मेडरे लगवे लगा दवापे किजा, जेमहा अपे ञेल अवेय।

1 तिमुतियूस 6:6

मनदो अबू संतोक घड़ीन भगवानराः ओंगोल इयाबू जियाः दो, हनारे अबू लगा मुरुक नफा इदा।

मूक चेलाकू 5:41

अरू हँकू हना ततेर अते सेन मेला बहालनेनखनकू कता होड़ेंगा, ईसू लगा कटसिया ससहाव लगा भगवान अबूय सुनावकेरा, माःआन।

1 एहुना 3:1

अबूरीग अपांग भगवान मुरुक बगरा दुलारकेडबूखन ईंगरिकुःआ लइंकू माःआने कतावाबूता, अरू सनातायते अबू हाँयरिकुःआ लनाइंकू हवे। चउंदीसरिकुःआ होड़कू भगवान मेरकू सुदीगेयता। हनालगा हँकू अबू भगवानरिकुःआ लइंकू हवे माःआन मेरकू सुदीबूतना।

2 तिसलूनिका 2:16

दो अबूय दुलारकेरा, अरू मयावाडबूखन सगर सइट लगा अबू जीवे हड़ियड़गोतेडा, अरू नपाय असराय एमेकेरा अबूरीग अपांग भगवान अरू परबू इनीसू मसी,

रूमी 6:23

कसूरराः बनी दो गुनुजुः हवे। मनदो अबूरीग परबू ईसू मसीते अबू लगा भगवानराः दहिन ओरो टुटीगनेना हना जीव हवे।

रूमी 5:3

ननानाः एकला लगा अबू मेरबू भल-भलायगुःता। अबू सुदीयतना, कटसियारे पारगुः मेला सहाव घड़ीनबू दोहोनता,

मूक चेलाकू 16:25

दो हटिंग बरा रइतरे हँकिन बना होड़ पउलूस अरू सिलास भगवान एचेरेकिन अरजीतेरा अरू भगवान लगाकिन सेरेंगा। हनमेला हना जेहेलरे सींगतोकू दोहोना हँकुःआ एटाः होड़कू हों हँकिनराः सेरेंगकू अयूमाः।

एहुना 10:23

दो ईसू भगवानराः ओड़ाःराः राचरे सुलइमान ञावराः परछी पेंदारेय दँड़ाःआ।

मती ओजाःतेरा भगवानराः नपाय सरवन 12:32

अरू तोनोंगीग मनुवारीग बेटात बदीरे तोनोंगाः ओपता बड़राय कता हना कसूर हों भगवान बराव एंडागोडता। मनदो भगवानराः सुद बिरुवा बदीरेकू कतायता हना ओपता बड़रा, भगवान नाःआ जूगरे सहे दरवाःआ हना जूगरे हों कहियो ओरोय बराव एंडातेरा।”

मती ओजाःतेरा भगवानराः नपाय सरवन 6:33

मनदो मड़ंगरे अपे भगवानराः राइजराः कताकून अरू बेगर गारबार जीव जियाः लगापे ञाम। दो नाःआ जमाकून हों अँननपेराः होया जुवाःता।

उदुःतो कताकून 2:9

“अपे कटसियारे इदानपेःआ अरू जोम ञूय लगा अपे एचेरे कहिसाः कोवानेःआ, माःआनिंग सुदीतना। मनदो अपे गिरहत इदानपेःआ। ईंग सुसुदीतना, अले भगवानरिकुःआ होड़कू हवे, माःआनकू कतनता हँकुःआ होड़कू, अपे मुरुककू ओपतावापेता। मनदो सतायरे हँकू भगवानरिकुःआ होड़कू ना लवे अरू हँकू कलउराः गउदारिकुःआ होड़कू हवे।

1 एहुना 2:25

अरू ननानाः ओरो टुटीगनेना जीव एमे लगा भगवान अबूय जबानवारा।

मती ओजाःतेरा भगवानराः नपाय सरवन 13:8

अदोम बिहान नपाय ओतरे लोजोरनेना अरू नपाय ओमोननेना। हना बिहान तोनोंगाः तीस मन, तोनोंगाः साठ मन अरू तोनोंगाः मी सव मन होयानेना।

मूक चेलाकू 14:22

अरू बिसवासी होड़कू बिसवासरेकिन एचे बड़ियाड़तेडकुःआ अरू ईसू मसीरे भरसागोड ञवन लगाकिन कता बहालगोतेडकू। हँकिन कताया, अबू मुरुक कटसिया सहाव घड़ीन भगवानराः राइजरेबू बोल लगा इदा, माःआन।

1 तिमुतियूस 4:8

देह बड़ियाड़ बड़ाँवगे दो नपाय इदा, मनदो भगवानराः ओंगोल इया जीव बड़ियाड़ बड़ाँः दो हना जमालेःआते ननपाय इदा। नाःआ, चउंदीसराः गुजर मसर लगा अरू गुजुः तयोमराः जीव लगा हों नफा एमेयता।