मरकूस 10:22 - Korwa Bible

²² हाँयग होड़ मुरुक गिरहते दोहोना। हनालगा हाँय नाःआ बड़राय अयूमतेरा अरू हाँयराः जीव हुडिंगयानखन ओड़ाः अगी तोराय।

मरकूस 10:22 Referans Kwoze

लूका 12:15

अरू ईसू हँकुःआ होड़कू एचेरेय कताया, “सवासितीपे दोहोन। जमा इयाःआ ललची अते अपेराः जीवपे बनसाव। तोनोंगीग जमा जइतकूने किजा जुमावगोड हों हाँयराः जीव नपाय ओरो दोहोनेना।”

2 तिमुतियूस 4:10

करेसकेस गलातिया राइज अगी अरू तितूस दलमतिया राइज अगी तोराकिना। अरू देमास नाःआ चउंदीसराः जिनिसकून नपाय मंजूरवातेडखन ईंगे अड़ाःगोतेडिंग अरू तिसलूनिका सहर अगी तोराय।

इपीसी 5:5

सनहा-सनही, बेलूर बुता सहे ललची ओंगोल, मुरती सेवा हवे। अरू नाःआ इयाकू एचेयता, हँकुःआ होड़कू लगा ईसू मसी अरू भगवानराः राइजरे तोनोंगाः इताड कोवानेःआ।

2 कुरिंती 7:10

तोनोंगीग होड़राः जीव भगवान अगीते हुडिंग जुवाःतान दो हना हाँयराः जीव बदलावगोडता अरू हाँय सडाव जुवाःता। हनते अरू हाँयके पसताः मेर पराःता। मनदो चउंदीसरिकुःआ होड़कू अगीते तोनोंगीग होड़राः जीव हुडिंग जुवाःतान, मनदो अनँयगराः कसूरकून मेरेय कबुलाःतान दो हाँय गुनुजुःए पवाःता।

लूका 18:23

हाँयग होड़ मुरुक गिरहते दोहोना। हनालगा नाःआ बड़रा अयूमकेडखन हाँयराः जीव मुरुक हुडिंगयान।

मती ओजाःतेरा भगवानराः नपाय सरवन 19:22

हाँयग डिंघा होड़ मुरुक गिरहत होड़े दोहोना। हनालगा हाँय नाःआ कताय अयूमतेरा दो, अनँयग जीव हुडिंगनेनखन ओड़ाःए कुदायान।

मती ओजाःतेरा भगवानराः नपाय सरवन 13:22

अरू जनुम बुदारे लोजोरनेना हना बिहान, भगवानराः सरवनकू अयुमेता हँकुःआ होड़कू हवे, मनदो हना सरवन चउंदीसराः ओंगोल अरू आन-धानराः ओंगोलते तेन जुवाःता। हनालगा हान मेर जो अवेनता।

मरकूस 6:26

हना कता अयूमतेडखन राजाराः जीव मुरुक हुडिंगयान। मनदो हाँय आँयग सुदाकू दुड़ुःकुःआ हँकुःआ होड़कू अते हाँय अनँयग जबान चचलाः मेरेय चहाःआ।

मती ओजाःतेरा भगवानराः नपाय सरवन 27:3

दो मड़ंगरे ईसूय एचे साबतिरिया हाँयग जूदा सुदीगोतेड ईसू ञेड एंडा लगाकू रायनेना। दो हाँय एचेतेरा हना कता बदीरेय पसताःआ अरू चाँदीराः तीसगोटोंग रिचकी ढिबुवा गोःकेडखन मरंग पुजउरीकू अरू एहूदा मूक होड़कू एचेरे सेनेडखने कतातेरा,

मरकूस 6:20

हरदोस सुसुदीआय, एहुना बेगर गारबार अरू सुद होड़ हवे, माःआन। हनालगा हरदोस एहुनाय बोरोवाःआ अरू हाँय एहुना मेरेय ञेड ओवागडीग। तोनोंग बेला एहुनाराः कता अयूमवाडखन हरदोस ओंगोल बयाव जुवाःआ। मनदो हाँय एहुनाराः परसार बहालतेय अयुमेःआ।

मरकूस 10:21

ईसू हाँयग होड़ अगीय ञेला अरू हाँय दुलारवाडखने कताया, “आम मीटोंग कता अरूम एचेय। आमराः जमा जइतकून अकिरिंगवाडखन गरीब होड़कूम हटिंगगोडवा। दो आम सेरमो देसरे मुरुक नपाय नपाय इमानमे पवाःता। हना तयोमरे आम ईंगरीग चेलाम बड़ाँः।”

मरकूस 10:23

ईसू आँयग अउग-बउगे ञेलतेरा अरू आँयग चेलाकू एचेरेय कताया, “गिरहत होड़कू अँननकूराः ढिबुवाकूनरेकू भरसाता, हँकुःआ होड़कू भगवानराः राइजरे बोल लगा मुरुक मसकिल इदा।”