मरकूस 10:2 - Korwa Bible

² दो फरीसी होड़कू ईसू एचेरे वेगकियानखन हाँय अंदजावगेय लगाकू होंबरेया, “ने गुरुजी, अबूराः नियमरे तोनोंगीग मरद आँयग अइमीय अड़ाः अवेयता जा?”

मरकूस 10:2 Referans Kwoze

एहुना 8:6

ईसू अंदजावकेडखन दाःगे लगा नाःआ सवालकू होंबोरतिडिया। मनदो ईसू हुटूकियानखन ओतरे अंगरीतेय ओजाःगेःआ।

मती ओजाःतेरा भगवानराः नपाय सरवन 23:13

ने पचघुचिया नियम चेडदार होड़कू अरू फरीसी होड़कू, अपे दोपे ठीकयान। अपे एटाः होड़कू भगवानराः राइजरे बोल अतेपे रोंकावकूता। अपे अँननपे सेरमो देसरे मेरपे बोलता अरू एटाः होड़कू हों सेरमो देसरे मेरपे बोलो ओवाकूता।

1 कुरिंती 10:9

अदोम इसराएल होड़कू परबूकू अंदजावतेरा अरू बींगकू हँकूकू हाब गोएगतेरा। हनालगा अपे भगवान अलोपे अंदजावगेय।

एहुना 11:57

मनदो मरंग पुजउरीकू अरू फरीसी होड़कू ईसूकू साब लगा नाःआ इयाकू हुकुम अटूतेरा, ईसू करे इदानिया हना तोनोंगीग होड़ सुदीय दो, हाँय अले एचेरेय उदुःगे, माःआन।

एहुना 11:47

हनते मरंग पुजउरीकू अरू फरीसी होड़कू अँकूराः मरंग पंचाइत राःतेडखनकू कताया, “अबू नाँय करा इयाबू करजेय? नाँयग होड़ दो मुरुक बयाव जुवाः इयाःआ बुताकूने एचेयतना।

एहुना 7:48

मूक होड़कू अरू फरीसी होड़कू अते तोनोंगीग होड़ हाँय एचेरेकू बिसवासतेरा, जा?

एहुना 7:32

ईसूराः बदीरे होड़कू जहड़ बेडेग घड़ीनकू कता होड़ेंगा हना कताकून फरीसी होड़कू अयूमतेरा दो, मरंग पुजउरीकू अरू फरीसी होड़कू मी रायनेनखन ईसू साब लगा भगवानराः ओड़ाःरिकुःआ अगुरादारकूकू वारतेरा।

लूका 16:14

ललचीकू दोहोना हँकुःआ फरीसी होड़कू, ईसूराः बड़रा अयूमवाडखन हाँयकू लंदावाःआ।

लूका 11:39

दो परबू ईसू हाँय एचेरेय कताया, “अपे फरीसी होड़कू डुभा अरू छिपी सेरमो सेरमो एकलापे मंजवेता। मनदो अपेराः इंदरीरे मुरुक ललची अरू बेलूर ओंगोल इदा।

लूका 7:30

मनदो फरीसी होड़कू अरू नियम चेडदार होड़कू एहुनाराः बतिसमा मेरकू गोःगाड अते, भगवानराः हिछाकू टड़ावगोतेड।

लूका 6:7

नियम चेडदार होड़कू अरू फरीसी होड़कू ईसू बदीगेय लगाकू ञामा। हँकू ईसू लोड़ोनराः दिनरे, माँयग होड़े नपायगेयता जा कोवान हनाकू टोहाःआ।

लूका 5:30

हना अयूमतेडखन फरीसी होड़कू अरू नियम चेडदार होड़कू ईसूरिकुःआ चेलाकू एचेरे कुरबुराः घड़ीनकू कताया, “अपे चिला लगा मलगुजारी गोः होड़कू अरू एटाः कसूर होड़कू सुदापे जोम ञूयता?”

मरकूस 8:15

दो ईसू हँकू सेतावतेडखने कताया, “ञेलपे, फरीसी होड़कूराः अरू हरदोस राजाराः सेबेल सोड़ा अते अपे सवासितीपे दोहोन।”

मरकूस 8:11

तोनोंग दिनरे फरीसी होड़कू ईसू सुदाकू अड़ा-चउकीयान अरू ईसू अंदजावगेय लगा हाँय एचेरे सेरमो देसराः चिनहाकू असेःआ।

मती ओजाःतेरा भगवानराः नपाय सरवन 22:35

हँकू अते मी होड़, नियम चेडदार होड़, ईसू अंदजाव लगाय होंबोरतिरिया,

मती ओजाःतेरा भगवानराः नपाय सरवन 19:3

हनते फरीसी होड़कू तोनोंग तोनोंग कतारे ईसू अंदजावकिडिगखन बझावगेय लगाकू होंबोरतिरिया, “ने गुरुजी, अबूराः नियम इया तोनोंगीग होड़, तोनोंगाः कता बदीरे आँयगरीग अइमीय अड़ाः अवेयता जा?”

मती ओजाःतेरा भगवानराः नपाय सरवन 16:1

मी दिन फरीसी होड़कू अरू सदूकी होड़कू ईसू अंदजाव लगा हाँय एचेरे सेनेडखनकू कतातेड, “ने गुरुजी, आम सेरमो देसराः मीटोंग चिनहाम उदुःवाले।”

मती ओजाःतेरा भगवानराः नपाय सरवन 15:12

हनते चेलाकूतेन ईसू एचेरे वेगनेनखनकू होंबोरतिरिया, “आम सुसुदीतना जा फरीसी होड़कू नाःआ कता अयूमकेडखनकू रीसयना?”

मती ओजाःतेरा भगवानराः नपाय सरवन 9:34

मनदो फरीसी होड़कू कतातेड, “हाँय भूतकूरीग राजाराः जंगरते, भूतकूय उडुंगकूता।”

मरकूस 10:1

हनते ईसू कपरनहूम सहर अते एहूदिया छतरराः सियाँ सरहद होरते एरदन नई मार परोमरेय सेनेडा अरू मुरुक बगरा होड़कू हाँय एचेरेकू जुमावनेना। हनमेला ईसू हँकुःआ होड़कू, हाँय मड़ंगे चेडा हना इयाय चेडकुःआ।

मरकूस 10:3

दो हाँय कतातेड, “भगवानराः कागदरे नाःआ कता बदीरे मोसेस चेले माःआने ओजाःकेरा?”