मरकूस 10:1 - Korwa Bible

¹ हनते ईसू कपरनहूम सहर अते एहूदिया छतरराः सियाँ सरहद होरते एरदन नई मार परोमरेय सेनेडा अरू मुरुक बगरा होड़कू हाँय एचेरेकू जुमावनेना। हनमेला ईसू हँकुःआ होड़कू, हाँय मड़ंगे चेडा हना इयाय चेडकुःआ।

मरकूस 10:1 Referans Kwoze

एहुना 10:40

हना तयोमरे ईसू एरदन नई मार परोम तोराय। हना ततेररे एहुना मड़ंग दिनरे होड़कू बतिसमाय एमेवाकुःआ। अरू ईसू हंडा सेनेडखने दोहोना।

मरकूस 4:2

ईसू हँकू मुरुक अउल-तउल कहड़ीकून कतावाकू घड़ीने चेडकुःआ। दो मीटोंग कहड़ी हँकूय कतावाड,

एहुना 11:7

हना तयोमरे हाँय चेलाकूतेने कतावाड, “दोबू, अबू अरू एहूदिया छतररेबू सेन।”

मरकूस 6:34

हँकू डोंगा अते उतरावनेनखन मुरुक बगरा होड़कू जुमावतोय ञेलतेडकुःआ। अरू हँकू बेगर सरवाहातेकू दोहोनता हँकुःआ भेड़ाकू इयाकू दोहोना। हनालगा ईसू हँकूय सोगावातेडकुःआ अरू हाँय हँकू मुरुके चेडकुःआ।

मती ओजाःतेरा भगवानराः नपाय सरवन 4:23

हनते ईसू जमा गलील छतररे सेनेडखन हँकूराः अरजी ओड़ाःकूनरेय चेडतेडकुःआ। हाँय होड़कू एचेरे भगवानराः राइजराः नपाय सरवने परसारतेरा अरू अबड़ाहा होड़कू अरू जमा बरानाः बेमरियातेकू दोहोना हँकुःआ होड़कूय नपायगोड ञवना।

एहुना 18:20

ईसू हाँय एचेरेय कतातेरा, “ईंग जमा होड़कू मड़ंगरेयिंग कता उदुःतेरा। एहूदाकू जुमाःता हना अरजी ओड़ाःकूनरे अरू भगवानराः ओड़ाःरेयिंग कता उदुःतेरा अरू ओकोकियानखन तोनोंग इया मेरिंग कतागरा।

मरकूस 6:6

हँकुःआ होड़कू ईसू एचेरे मेरकू बिसवासगाड, हनालगा हाँय बयावयाने। हनते हाँय एटाः एटाः गाँव सेनेवाडखन होड़कूय चेड उदुःआ।

मरकूस 2:13

हनते ईसू हुडिंग समुंदर धरीरे अरूय सेनेडा। हनमेला मुरुक होड़कू ईसू एचेरेकू वेजेडा अरू हाँय हँकूय चेडा।

मती ओजाःतेरा भगवानराः नपाय सरवन 26:55

हनमेला ईसू होड़कू एचेरेय कतातेड, “अपे ईंग लुलुड़ी होड़ ओंगोलवाडिंगखन ससाब लगा तलवइरकून अरू हापकून साबकेडखनपे वेगकिया जा? ईंग सगर दिन भगवान ओड़ाःरे अपे सुदायिंग दोहोना अरू होड़कूयिंग चेडा। दो अपे हंडा ईंग मेरपे साबगडिंग।

मरकूस 1:21

ईसू अरू आँयगरिकुःआ चेलाकू कपरनहूम सहररेकू सेनेडा। लोड़ोनराः दिनरे ईसू अरजी ओड़ाःरेय सेनेडा अरू होड़कूय चेडा।

मरकूस 6:2

लोड़ोनराः दिन हाँय अरजी ओड़ाःरे होड़कूय चेचेडा अरू मुरुक होड़कू हना कता अयूमवाडखनकू बयावयान। हँकू कताया, “नाँय करतेय चेडकिया अरू नाःआ इया कनहून इये चेडकिरिया? नाँय तोनोंग मेला होड़कू मेरकू ञेलगरा हना बयाव जुवाः इयाःआ बुता करा इयाय एचेयता?

मरकूस 10:2

दो फरीसी होड़कू ईसू एचेरे वेगकियानखन हाँय अंदजावगेय लगाकू होंबरेया, “ने गुरुजी, अबूराः नियमरे तोनोंगीग मरद आँयग अइमीय अड़ाः अवेयता जा?”

मरकूस 12:35

हनते ईसू भगवानराः ओड़ाःरे होड़कू चेडतेडकूखने कतातेरा, “नियम चेडदार होड़कू करा इयाकू कतायता, मसी, दाऊद राजारीग नइड़-बाँस बेटात हवे, माःआन?

मरकूस 14:49

ईंग सगर दिन भगवान ओड़ाःरे अपे सुदायिंग दोहोना अरू होड़कूयिंग चेड उदुःआ, दो अपे हंडा ईंग मेरपे साबगडिंग। मनदो भगवानराः कागदरे ओजाःतो इदा हना कता पुराः लगा इदा।”