मरकूस 1:45 - Korwa Bible

⁴⁵ मनदो हाँय हान अगीते सेनेडखन जमा होड़कू एचेरेय कताया, ईसू ईंगे नपायकेरा, माःआन। हनालगा ईसू तोनोंगाः सहररे ओरोय सेने अवेगान अरू हाँय टयंगाब ततेररेय दोहोना। हनारे हों होड़कू एटाः एटाः देस अगीते ईसू एचेरेकू वेजेडा।

मरकूस 1:45 Referans Kwoze

मरकूस 2:13

हनते ईसू हुडिंग समुंदर धरीरे अरूय सेनेडा। हनमेला मुरुक होड़कू ईसू एचेरेकू वेजेडा अरू हाँय हँकूय चेडा।

मती ओजाःतेरा भगवानराः नपाय सरवन 9:31

मनदो हँकिन सेनेवाडखन हना देसरे जमा होड़कू एचेरे हाँय बदीरेकिन कतागोतेड।

एहुना 6:2

ईसू बेमरियाकूय नपायतेरा हना बयाव जुवाः इयाःआ बुताकून होड़कू ञेलतेरा। हनालगा हाँय देह दूर मुरुक बगरा होड़कू ओतोंग सेना।

मरकूस 3:7

हनते ईसू अरू आँयगरिकुःआ चेलाकू हना सहर अते गलीलराः हुडिंग समुंदर अगीकू सेनेडा अरू गलील छतर अरू एहूदिया छतर अते मुरुक होड़कू हंडा हाँय तयोम तयोमकू सेनेडा।

मती ओजाःतेरा भगवानराः नपाय सरवन 28:15

दो अगुरादारकू ढिबुवाकू पवावनेना अरू मूक होड़कू कता उदुःवातेडकुःआ हनन इया होड़कू एचेरेकू कता उदुःतेरा। नाःआ लबरा कता एहूदाकू तिसिंगाः दिन वरीकू बिसवासगेतना।

तितूस 1:10

अगड़-बगड़ होड़कू अरू बेगर लूर बड़राकू बड़राता हँकुःआ होड़कू अरू अडिग होड़कू, बिसेक खतनागे लगाकू चेडकूता हँकुःआ एहूदाकू मुरुक इदानकुःआ।

मती ओजाःतेरा भगवानराः नपाय सरवन 9:26

नाःआ सरवन हना देसरिकुःआ मुरुक बगरा होड़कू एचेरे सितरावयान।

मरकूस 3:20

हनते ईसू मीटोंग ओड़ाःरेय बोलोनेना। हंडा हों मुरुक होड़कू जुमावनेना अरू ईसू अरू आँयगरिकुःआ चेलाकू जोम लगा हों मेरकू अवेया।

मरकूस 7:36

दो ईसू होड़कू एचेरेय कतातेड, “नंडा होयाकिया हना अपे तोनोंगीग एचेरे अलोपे उदुःगे।” मनदो ईसू अलोपे कताय माःआने कतातेरा, हिनिनमिन अरूकू कता उदुः होड़ेंगा।