मती ओजाःतेरा भगवानराः नपाय सरवन 9:4 - Korwa Bible

⁴ मनदो ईसू हँकूराः ओंगोल सुदीकेडखन हँकू एचेरेय कताया, “अपे चिला लगा अपेराः जीवरे बेलूर ओंगोलपे ओंगलुःतना?

मती ओजाःतेरा भगवानराः नपाय सरवन 9:4 Referans Kwoze

लूका 6:8

मनदो ईसू हँकूराः ओंगोले सुसुदीःआ अरू तिःई कोकोड़ावतो होड़ एचेरेय कताया, “रिमुः अरू जमा होड़कू तलारेम चड़ाँन।” दो हाँय रेम चड़ाँयाने।

मती ओजाःतेरा भगवानराः नपाय सरवन 12:25

ईसू हँकुःआ होड़कूराः ओंगोल सुदीतेडखने कताया, “मिनी देसरिकुःआ होड़कू अँननकू अँकू रेडेग होड़ेंग दो हना देस लाय जुवाःता। हनन उड़ी मिनी ओड़ाःरिकुःआ होड़कू सहे सहररिकुःआ होड़कू रेडेग होड़ेंग दो हँकू होंकू बेगराव जुवाःता।

उदुःतो कताकून 2:23

ईंग हाँयरिकुःआ लइंकूयिंग ञेड एंडाकूता। हना अते जमा कलसियारिकुःआ होड़कू ईंग बदीरेकू सुदीयता, जमा होड़कूराः इंदरी अरू ओंगोल जासीग हनाँय हवे अरू अबू जमा होड़कू अँननबूराः बुता इयाय एमे कुदावाबूता, माःआन।

एहुना 16:30

तोनोंगीग आम एचेरे तोनोंगाः होहोंबोर लगा कोवानेःआ। नुँहू अले सुदीगोतेडाले, आम जमा बरानाःम सुदीयतना। ननानाः अते अले बिसवासगेतना आम भगवान अगीतेम वेगकिया, माःआन।”

लूका 11:17

दो ईसू हँकुःआ होड़कूराः ओंगोल सुदीतेडखन हँकू एचेरेय कताया, “मिनी देसरिकुःआ होड़कू अँननकू अँकू रेडेग होड़ेंग दो हना देस लाय जुवाःता। हनन उड़ी मिनी ओड़ाःरिकुःआ होड़कू अँननकू रेडेग होड़ेंग दो हँकू हों बेगराव जुवाःता।

मूक चेलाकू 5:9

दो पतरस कतातेरा, “करा उड़ी अबा बना होड़किन मिनीयानखन परबूराः बिरुवाबा अंदजावतना? ञेलमे! आम हेरेलकू तीलकेरा, हँकुःआ होड़कू दुवार कुटीरे चड़ाँत इदानकुःआ अरू हँकू आम हों बाहरीकू गोःमेता।”

एहुना 16:19

हँकू ईंग एचेरे होंबरे लगाकू चहाःतना माःआन ईसू सुदीतेडखन हँकू एचेरेय कतातेरा, “ईंग कता उदुःकेरा, अरू गुनहोन बेला तयोमरे अपे ईंग ओरोपे ञेल अवेतिरिंगा, अरू हना देहोरते अपे ईंगपे ञेल अवेता, हना कता बदीरे अँननपे अपे चिला लगापे होंबोर होड़ेंगतना?

एहुना 6:64

ईसू मनाड़ंगतेय सुदीकेरा, ईंग एचेरे इये इये मेरकू बिसवासगेता अरू इये ईंगे एचे साबिंगता, माःआन। हनालगा हाँय कतातेरा, अपे अते अदोम होड़कू ईंग एचेरे मेरपे बिसवासगेतना, माःआन।

एहुना 6:61

ईसूरिकुःआ चेलाकू अँननकू अँकू कुरबुराःआ, हना सुदीतेडखन ईसू हँकू एचेरेय होंबोरतेरा, “नाःआ कता अते अपेराः जीव हुडिंगयना जा?

एहुना 21:17

दो ईसू पेय तुरहा हाँय एचेरेय कतातेड, “ने एहुनारीग बेटात सिमोन, आम ईंगमे दुलारगींगता जा?” ईसू हाँय एचेरे पेय तुरहाय होंबोरतेरा, आम ईंगमे दुलारगींगता जा, माःआन। हनालगा पतरसराः जीव मुरुक हुडिंगयान। अरू हाँय कतातेड, “परबू आम दो जमा बरानाःम सुदीयता अरू आम सुसुदीतना ईंग आमिंग दुलारतना।” दो ईसू कतातेड, “ईंगरिकुःआ भेड़ाकू सराव हड़ाःकूमे।

लूका 5:22

ईसू सुदीगोतेड नँकू नाःआ इयाकू ओंगलेतना अरू हँकू एचेरेय कताया, “अपे चिला लगा नाःआ उड़ीपे ओंगलेतना?

मरकूस 12:15

अबू एएमे इदा जा कोवान?” दो ईसू हँकूराः पचघुचिया सुदीवाडखन हँकू एचेरेय कताया, “अपे चिला लगापे अंदजावगींगतना? मीटोंग चाँदीराः रिचकी ढिबुवा ईंग एचेरेपे अगूय। ईंग हनायिंग ञेलता।”

मरकूस 2:8

दो ओहेन ईसू सुदीगोतेड, नँकू नाःआ इयाकू ओंगलेतना अरू हँकू एचेरेय कताया, “अपे चिला लगा नाःआ उड़ीपे ओंगलेतना?

लूका 7:40

दो ईसू हाँय एचेरेय कताया, “ने सिमोन, आम सुदा मीटोंग बड़रा ककता इदा।” दो सिमोन कताया, “अयुमेतनायिंग, कता उदुःगेयमे।”