मती ओजाःतेरा भगवानराः नपाय सरवन 9:2 - Korwa Bible

² दो हंडा, होड़कू ईसू एचेरे मी होड़ लकवा ञेडतिरिया हाँयग होड़ पटियातेकू तूल अगूतिरिया। ईसू हँकूराः बिसवास ञेलतेडखन लकवा ञेडतिरिया हाँयग होड़ एचेरेय कताया, “ने बेटा, बहालतेम दोहोन। आमराः कसूर बराव एंडायना।”

मती ओजाःतेरा भगवानराः नपाय सरवन 9:2 Referans Kwoze

मती ओजाःतेरा भगवानराः नपाय सरवन 9:22

मनदो ईसू उलटावनेनखन हाँयग अइमी एचेरेय कताया, “ने दिदी, अलोम बोर! आम ईंग एचेरेम बिसवासतेरा। हनालगा आम नपाययनाम।” अरू हाँयग अइमी हनन मेलाय नपाययान।

एकूब 2:18

तोनोंगीग होड़ ईंग एचेरेय कतायता, आम ईसू एचेरेम बिसवासगेता अरू ईंग नपाय नपाय बुतायिंग एचेता, माःआन। दो ईंग हाँय एचेरेयिंग कता कुदायतना, आमराः बिसवास आम बेगर नपाय बुतातेम उदुःगे अरू ईंग नपाय बुता सुदा ईंगराः बिसवास आमिंग उदुःवाता।

मूक चेलाकू 19:12

तोनोंगाः साफी सहे सोनहेकून पउलूसराः देहरे टोँवावनेना अरू हना साफी सहे सोनहे तोनोंगीग बेमरिया होड़ एचेरेकू गोःगेःआ दो हँकू हसूतेकू नपाय जुवाःआ अरू भूतकू हों हँकू अतेकू उडुंग जुवाःआ।

एहुना 21:5

दो ईसू हँकूय होंबोरतेड, “ने बोपोहकूतिंग, अपे एचेरे तुमिन हकूकू इदा?” दो हँकू कतातेड, “मीटोंगीग हों कोवान।”

मती ओजाःतेरा भगवानराः नपाय सरवन 8:10

हना अयूमतेडखन ईसू बयावयाने अरू अनँयग देह दूरकू वेजेडा हँकुःआ होड़कू एचेरेय कताया, “अपे ईंगपे अयूम। इसराएल होड़कू एचेरे हों नाःआमिन बिसवास ईंग नुँहू वरी मेरिंग ञेलगडा।

मती ओजाःतेरा भगवानराः नपाय सरवन 4:24

हाँयराः ञाव जमा सिरिया राइजरे जगावयान, अरू हाँय बदीरेकू अयूमतेरा, हँकुःआ होड़कू अँकूरिकुःआ हसूत होड़कू, अरू भूतकू समसावनेना हँकुःआ होड़कू, भपरी होड़कू अरू लकवा ञेडतेडकुःआ हँकुःआ होड़कू, हँकू जमाकू हाँय एचेरेकू अगूतेडकुःआ। अरू हाँय हँकुःआ जमा होड़कूय नपायतेरा।

रूमी 5:11

ननानाः एकला कोवान, ईसू मसी अबू भगवान सुदाय एचे हेल-मेलगोतेडबुःआ। हनालगा अबू भगवान एचेरेबू भल-भलायगुःता।

मूक चेलाकू 14:9

हाँय पउलूस परसारगे मेला दुडुःकियानखन नपायतेय अयुमेःआ। पउलूस हाँय अगी तिंगीड घड़ीने ञेला अरूय सुदीगोतेड, नपाय जुवाः लगा नाँयग होड़ एचेरे बिसवास इदा, माःआन।

एहुना 16:33

ईंग अते अपेराः जीव सलसतरे दोहोन लगा नाःआ कता अपे एचेरेयिंग कता उदुःकेरा। चउंदीसरे अपे लगा गराह गिराह अरू कटसिया होयाःता, मनदो ईंग नाःआ जमाकूनते जितावतो इदानिंगा। हनालगा अपे डीड़तेपे दोहोन।”

मती ओजाःतेरा भगवानराः नपाय सरवन 9:6

मनदो अपे नाःआ कता सुदीयपे, मनुवारीग बेटातके चउंदीसरे मनुवाकूराः कसूर बराव एंडा लगा हातपात इदा।” हनते ईसू लकवा ञेडतिरिया हाँयग होड़ एचेरेय कताया, “रिमुःमे अरू आमराः पटिया रेमकेडखन ओड़ाःमे सलाव जुवाः।”

मती ओजाःतेरा भगवानराः नपाय सरवन 8:16

सिंगाड़ मेला होड़कू, भूतकू समसावनेना हँकुःआ मुरुक बगरा होड़कू ईसू एचेरेकू अगूतेडकुःआ। अरू हँकुःआ भूतकू ईसू कनाता कतारेय उडुंगगोतेडकू। हाँय हसूत होड़कू होंय नपायगोतेड।

एहुना 2:25

मनुवाकूराः जीवरे चिनचिला ओंगोल इदा हना जमाय सुसुदीःआ। हनालगा तोनोंगीग होड़ एटाः होड़ बदीरे हाँय एचेरे ककता लगा कोवानेःआ।

मरकूस 5:34

दो ईसू हाँय एचेरेय कताया, “ने दिदी, आम ईंग एचेरेम बिसवासतेरा। हनालगा आम नपाययना। सलसततेम सलाव जुवाः।”

मरकूस 1:32

सिंगाड़ लिप-लिपाः मेला, एटाः एटाः होड़कू हसूकू दोहोना हँकुःआ होड़कू अरू भूतकू समसावनेना हँकुःआ होड़कू ईसू एचेरेकू अगूतेडकुःआ।

मती ओजाःतेरा भगवानराः नपाय सरवन 6:12

अले एटाः होड़कूराः गारबारले बराव एंडाकेरा, हनन इया अलेराः गारबार होंम बराव एंडागोड।

मती ओजाःतेरा भगवानराः नपाय सरवन 9:5

ईंग आमराः कसूर बराव एंडातेरा, माःआन कता लगा सहे, आम रेमकेडखनमे सेन, माःआन कता लगा रिता इदा?

मती ओजाःतेरा भगवानराः नपाय सरवन 14:27

मनदो ईसू ओहेन हँकू सुदाय बड़रानेन अरूय कतातेड, “डीड़गुःपे! ईंग हवे। अहापे बोर।”

मरकूस 6:50

हाँय ञेलतेडखनकू बोरोयान अरूकू खिररीःआ। हनते हँकू एचेरे ईसू कतातेड, “डीड़गुःपे! ईंग हवे। अहापे बोर।”

मरकूस 10:49

दो ईसू चड़ाँनेनखने कतातेरा, “माँय ईंग एचेरेपे राः अगूय।” अरू होड़कू हाँयग अंधा होड़ राःतिरिगखनकू कतावातेरिया, “अहम बोर! रिमुःमे। ईसू आमे राःतना।”

मूक चेलाकू 23:11

एटाः रइत परबू ईसू पउलूस एचेरे चड़ाँनेनखने कताया, “ने पउलूस, ड़ीड़तेम दोहोन! आम एरुसलेमरे ईंगरीग हिदइतदारमे बड़ाँवनेना हनन इया आम रूमी सहररे हों ईंगरीग हिदइतदारमे दोहोनता।”