मती ओजाःतेरा भगवानराः नपाय सरवन 8:12 - Korwa Bible

¹² मनदो राइजरिकुःआ होड़कू हंडा ओरोकू बोलो अवेतेरा। भगवान हँकू बहरी अंदरारेय एचे ढोकलावगोडकूता अरूकू इयामता अरू तिरिंग रेटेग-रेटेगकू कड़रावता।”

मती ओजाःतेरा भगवानराः नपाय सरवन 8:12 Referans Kwoze

मती ओजाःतेरा भगवानराः नपाय सरवन 25:30

दो नाँयग बेगर लूर सेवकिया होड़ बहरी अंदरारेपे रेमगे एंडागोडेय। हंडा होड़कू इयाम घड़ीन तिरिंगकू कड़रावगोड ञवनता।”

लूका 13:28

अपे, अपेरिकुःआ खुटिपरिया होड़कू इबराहीम अरू इसहाक अरू एकूब अरू जमा भगवानराः बड़रा कता होड़कू भगवानराः राइजरे दुड़ुःतोपे ञेलकूता अरू भगवान अँननपे बहरीय एचे उडुंग एंडागोडपेता,

मती ओजाःतेरा भगवानराः नपाय सरवन 21:43

हनालगा ईंग अपे एचेरेयिंग कतायतना, भगवानराः राइज अपे अते चलाः एंडा जुवाःता अरू नपाय जोःओकू जोःता हँकुःआ एटाः जइत होड़कू हनाकू पवाःता।

मती ओजाःतेरा भगवानराः नपाय सरवन 13:50

अरू हँकुःआ कसूर होड़कू हितकाःतो सेंगेलरेकू तेके बोलोगोडकूता। हँकूके हंडा तिरिंग रेटेग-रेटेग कड़राव घड़ीन इयाम पराःता।”

मती ओजाःतेरा भगवानराः नपाय सरवन 13:42

अरू हँकू नरगराः सेंगेलरेकू तेके बोलोकूता। हना ततेररे होड़कू मुरुक इयाम घड़ीन रेटेग-रेटेग तिरिंगकू कड़रावता।

मती ओजाःतेरा भगवानराः नपाय सरवन 24:51

अरू मालिक हाँयग सेवकिया होड़ मुरुक डंडियावकिडिगखन पचघुचिया होड़कू सुदाय वार एंडागोडेयता। अरू हना ततेररे होड़कू इयाम घड़ीन तिरिंगकू कड़रावता।”

जूदा 1:13

हँकू समुंदरराः दाः उछलाःता हना हलका इयाकू दोहोनता, अरू हना पोतो हँकूराः गियुः बुता इया ञिलुःता। हँकू बेगर लूरतेकू सेनता हँकुःआ इपीलकू इया इदानकुःआ। अरू हँकुःआ होड़कू भगवान अनंदरा अंदरा पेंदारे सगर सइट वरीय एचे दोहोकूता।

2 पतरस 2:17

हँकुःआ होड़कू दाः सूती अंजेडतो इया अरू गड़रा घटा बदरी इया इदानकुःआ। अरू हँकुःआ होड़कू भगवान अनंदरा अंदरा पेंदारेय एचे दोहोकूता।

2 पतरस 2:4

उहियारगेपे, मनाड़ंग जूगरे सेरमो देसरिकुःआ अदोम बराहीलकू कसूरतेरा दो, हँकुःआ बराहीलकू हों डंडियाव अते भगवान मेरेय अड़ाःगाडकू। मनदो हाँय हँकू पतालपूररेय सोलोंगगोतेडकुःआ, अरू फड़ियावराः दिन वरी मुरुक अंदरात डोडहारे सिकिड़ीते तोलकेडकूखने सोलोंगगोतेडकुःआ।

रूमी 9:4

हँकुःआ इसराएल होड़कू भगवानरिकुःआ समुटावतो होड़कू हवे। हँकू एचेरे भगवान तुमिन मरंग इदानिया हना अनँयग एचे उदुःवातेडकुःआ। हाँय हँकू सुदा कता-जमकावतेडखन नियमकूने एमेवातेडकुःआ। हाँय हँकू करा इयाकू जागगेय हना बदीरेय चेडतेडकुःआ अरू हँकू मुरुक बगराय जबानवातेडकुःआ।

मूक चेलाकू 3:25

अपे भगवानराः बड़रा कता होड़कूरिकुःआ नइड़-बाँस होड़कू इदानपेःआ अरू भगवान अबूरिकुःआ खुटिपरिया होड़कू सुदाय जबानतेरा हना जबानराः इताडदारकू इदानबुःआ। अरू भगवान अबूरीग खुटिपरिया होड़ इबराहीम एचेरे नाःआ इयाय जबानतेरा, आमरिकुःआ नइड़-बाँस होड़कूते, चउंदीसरिकुःआ जमा जइत होड़कू ननपायकू दोहोनता।

मती ओजाःतेरा भगवानराः नपाय सरवन 13:38

दोहोड़ नाःआ चउंदीस हवे अरू नपाय बिहान भगवानराः राइजरिकुःआ होड़कू हवे। पहाड़ बीर बिहान कलउरिकुःआ होड़कू हवे।

उदुःतो कताकून 22:15

कुतू इया होड़कू, अरू पपंगाड़ होड़कू, अरू सनहा-सनही होड़कू, अरू ञेड एएंडा होड़कू, अरू मुरती सेवा होड़कू, जमा बरानाः लबरा चहाः होड़कू अरू अडिग होड़कू, हँकू जमाकू हना सहरराः बहरीकू दोहोनता।