मती ओजाःतेरा भगवानराः नपाय सरवन 5:6 - Korwa Bible

⁶ बेगर गारबार जीव जियाः लगा रंगेगतो अरू ततंगतो इदानकुःआ, हँकुःआ होड़कूराः जीव-जहन भगवान भलावाडखने नपायगेयता, अरू हँकुःआ होड़कू संतोक जुवाःता।

मती ओजाःतेरा भगवानराः नपाय सरवन 5:6 Referans Kwoze

एहुना 4:14

मनदो ईंग एमेयता, हना दाः तोनोंगीग ञूय दो हाँय सगर सइट जूग वरी ततंगतो ओरोय दोहोनेना। सनातायरे, ईंग हाँयिंग एमेवाता, हना दाः हाँयराः इंदरीरे दाः सूती इया तू ञवनता अरू हना दाः हाँय ओरो टुटीगनेना हना जीव अगी गोःयायता।”

एहुना 6:27

लुलिग जुवाःता हना जोम जिनिसकून लगा एकला अहापे मिहनइतगे, मनदो ओरो लुलिगनेना अरू ओरो टुटीगनेना जीव एमेयता हना जोम जिनिसकून लगा होँपे मिहनइतगे। हना दो मनुवारीग बेटात अपे लगाय एमेवापेता। हना एमे लगा अपांग भगवान हनाँय एकला हातपाते ओवाडिया।”

एहुना 7:37

मइद दिन दोहोना हना परोबराः चबान दिन, ईसू भगवानराः ओड़ाःरे चड़ाँनेनखन मुरुक सटीय कताया, “तोनोंगीग होड़ ततंगतो इदानिया दो हाँय ईंग एचेरेय वेग अरूय ञूय।

उदुःतो कताकून 7:16

अरू हँकू कहियो ओरो रंगेगतेडकुःआ, अरू कहियो ओरो ततंगतेडकुःआ। बेर सहे कड़-कड़ सितोंगते ओरोकू लर-लूरावनेना

लूका 6:21

ने रंगेगतो होड़कू, अपेराः जीव-जहन भगवान भलावाडखने नपायगेता, हनालगा अपे संतोक जुवाःता। ने इयामतिकुःआ होड़कू, अपेराः जीव-जहन भगवान भलावाडखने नपायगेता, हनालगा अपे लांदता।

लूका 1:53

हाँय रंगेगतो होड़कू लगा नपाय नपाय जिनिसे एमेकेरा, अरू गिरहत होड़कू लगा कहिसाः मेरेय एमेगाड।

लूका 6:25

नुँहू अपे लगा उडु-बुडू इदा, मनदो अपे ठीक जुवाःतापे अरू रंगेगतेपे दोहोनता। नुँहू अपे बहालरे इदानपेःआ। मनदो अपे ठीक जुवाःतापे अरू अपेराः जीव हुडिंगगुः घड़ीनपे इयामता।