मती ओजाःतेरा भगवानराः नपाय सरवन 5:4 - Korwa Bible

⁴ इयाम घड़ीनकू फिकिराःता, हँकुःआ होड़कूराः जीव-जहन भगवान भलावाडखने नपायगेयता, अरू हाँय हँकुःआ होड़कूराः जीवे कता बहालगोडता।

मती ओजाःतेरा भगवानराः नपाय सरवन 5:4 Referans Kwoze

उदुःतो कताकून 21:4

हाँय हँकूराः जमा मेड दाःए जोड अमिंगकूता। अरू हना तयोमरे गुजुः अरू फिकीर, अरू इयाम, अरू हसू कहियो ओरो दोहोनेना। नाःआ जमाकून सगर सइट लगा टनाड़ाव एंडा जुवाःता।”

लूका 6:21

ने रंगेगतो होड़कू, अपेराः जीव-जहन भगवान भलावाडखने नपायगेता, हनालगा अपे संतोक जुवाःता। ने इयामतिकुःआ होड़कू, अपेराः जीव-जहन भगवान भलावाडखने नपायगेता, हनालगा अपे लांदता।

एकूब 1:12

अपेराः बिसवास बदीरे अंदजाव होयाः मेला, सहाव घड़ीन बिसवासरे बड़ियाड़े दोहोनता हाँयग होड़राः जीव, भगवान ननपायगेता। तयोमरे हाँय लगा ओरो टुटीगनेना हना जीवराः इमान भगवान एमेयता। भगवानकू दुलारता हँकुःआ होड़कू हना इमान एमे लगाय जबानकेरा।

लूका 16:25

दो इबराहीम कतातेरा, ने बेटा, आम चउंदीसरे मुरुक नपाय नपाय जिनिसमे पवावनेना। अरू लाजर आम इया मेरेय पवावगान। मनदो नुँहू हाँय सलसतरे इदानिया अरू आम पीरारेम तड़पाःतना।

लूका 6:25

नुँहू अपे लगा उडु-बुडू इदा, मनदो अपे ठीक जुवाःतापे अरू रंगेगतेपे दोहोनता। नुँहू अपे बहालरे इदानपेःआ। मनदो अपे ठीक जुवाःतापे अरू अपेराः जीव हुडिंगगुः घड़ीनपे इयामता।

लूका 7:50

हनते ईसू हाँयग अइमी एचेरेय कताया, “आमराः बिसवासते भगवान आमे सडावकेडमेःआ। सलसततेम सलाव जुवाः।”

लूका 7:38

हाँय ईसूराः काट तयोम अगी चड़ाँनेनखने इयामा अरू हाँयराः कटतरे मेड दाः लुजुरुःआ अरू अनँयग ऊबतेय जोडतिरिया। हाँय ईसूराः काटे अंजोडा अरू हना सुनुम हाँय काटरेय तिलाःतेरा।