मती ओजाःतेरा भगवानराः नपाय सरवन 4:13 - Korwa Bible

¹³ तोनोंग दिन तयोमरे ईसू नसरत सहर अते उडुंगनेनखन, जबुलून अरू नपताली गोतोररिकुःआ होड़कू दोहोना हना छतरराः, हुडिंग समुंदरते धरीराः कपरनहूम सहर सेनेडखन हंडाय दोहोना।

मती ओजाःतेरा भगवानराः नपाय सरवन 4:13 Referans Kwoze

एहुना 4:46

दाः अंगूरराः रसे तुलातेरा हनानाः गलील छतरराः काना सहररे ईसू अरूय सेनेडा। अरू कपरनहूम सहररे मी होड़ हातपात होड़रीग बेटात बेमारीरेय दोहोना।

मरकूस 1:21

ईसू अरू आँयगरिकुःआ चेलाकू कपरनहूम सहररेकू सेनेडा। लोड़ोनराः दिनरे ईसू अरजी ओड़ाःरेय सेनेडा अरू होड़कूय चेडा।

मती ओजाःतेरा भगवानराः नपाय सरवन 11:23

अरू ने कपरनहूम सहररिकुःआ होड़कू, अपे नाःआ इयापे ओंगलेतना जा, भगवान अले सेरमो देस अगीय गोःयालेता। बुरी! हाँय दो अपे पतालपूररेय वारगोडपेता। भगवानराः जंगर बुतापे ञेलतेरा, हना इया सोदोम सहररिकुःआ होड़कू एचेरे भगवान एचेगोडकेःआ दो, हना सहर तिसिंगाः दिन वरी दोनोहोकुःआ।

एहुना 6:59

नाःआ कताकून ईसू कपरनहूम सहरराः अरजी ओड़ाःरे होड़कूय चेड मेलाय कतातेरा।

एहुना 6:24

ईसू अरू आँयगरिकुःआ चेलाकू हंडा कोवाकुःआ माःआन होड़कू सुदीगोतेड दो, हँकू डोंगाकूनरे देगकियानखन ईसू ञाम ञाम कपरनहूम सहररेकू सोदोरयान।

एहुना 6:17

अरू डोंगारे देगनेनखन कपरनहूम सहर होरकू सेना। हनमेला अयूबयान अरू ईसू हँकू सुदा मेरेय दोहोगान।

एहुना 2:12

हना तयोमते ईसू आँयग एंगात, बोपोहकू अरू चेलाकू सुदा कपरनहूम सहर तोराकू। अरू हँकू हंडा तोनोंग दिन वरीकू दोहोना।

मती ओजाःतेरा भगवानराः नपाय सरवन 17:24

ईसू अरू आँयगरिकुःआ चेलाकू कपरनहूम सहररेकू सोदोरनेन दो, भगवानराः ओड़ाःरिकुःआ मलगुजारी गोः होड़कू पतरस एचेरे सेनेडखनकू होंबोरतेरा, “ने गोय, अपेरीग गुरुजी, भगवानराः ओड़ाःराः मलगुजारी मेरेय एमेयता जा?”

लूका 4:23

हाँय हँकू एचेरेय कतातेड, “जूग परियारेकू कताया हना कता अपे ईंग बदीरेपे कनातायता, ने जिड़ीदार, आम अनम नपायगुः। अरू अपे नाःआ इया होँपे कतायता, आम कपरनहूम सहररेम एचेतेरा हना इया नपाय बुता आम गाँवरे होंम एचेय।”

मती ओजाःतेरा भगवानराः नपाय सरवन 4:14

भगवानराः कागदरे, भगवानराः बड़रा कता होड़ एसयाह कतातेरा हना कता पुराः लगा नाःआ इया होयानेना,

मती ओजाःतेरा भगवानराः नपाय सरवन 4:15

“जबुलून अरू नपताली राइजरिकुःआ होड़कू, एरदन नईराः मार परोमरिकुःआ होड़कू, समुंदर धरीराः दूररेकू दोहोनता, अरू गलील छतररिकुःआ बेगर एहूदाकू,

मती ओजाःतेरा भगवानराः नपाय सरवन 9:1

हनते ईसू डोंगारेय देगनेन अरू हुडिंग समुंदर पारनेनखन आँयग दोहोना हना कपरनहूम सहररेय कुदा सेनेडा।

मरकूस 2:1

तोनोंग दिन तयोमरे ईसू कपरनहूम सहर अगीय कुदा वेगा। दो हंडाकुःआ होड़कू अयूमतेरा, ईसू अनँयग ओड़ाःरेय सोदोरयना, माःआन।

लूका 10:15

अरू कपरनहूम सहररिकुःआ होड़कू, अपे नाःआ इयापे ओंगलेतना, भगवान अले सेरमो देस अगीय गोःयलेता, माःआन। बुरी! हाँय दो अपे पतालपूररेय वारगोडपेता।”