मती ओजाःतेरा भगवानराः नपाय सरवन 3:9 - Korwa Bible

⁹ अपे अहापे ओंगोलगे, इबराहीम अलेरीग खुटिपहार होड़ हवे, अरू हनाते अले बनसाव जुवाःता, माःआन। अपे ईंगपे अयूम, नाःआ दिरिकूनते हों इबराहीम लगा लइंकू भगवान जनमाव अवेकूताय।

मती ओजाःतेरा भगवानराः नपाय सरवन 3:9 Referans Kwoze

लूका 3:8

सींग दूब नपाय जोःओ जोःता, हना इया कसूर अते जीव कुदाकेडखन अपे नपाय जीवपे जियाः। अपे अहापे कताय, इबराहीम अलेरीग खुटिपहार होड़ हवे अरू हनाते अले बनसाव जुवाःता, माःआन। अपे ईंगपे अयूम, नाःआ दिरिकूनते हों इबराहीम लगा लइंकू भगवान जनमाव अवेकूताय।

एहुना 8:33

हनते हँकू कतातेड, “अले इबराहीमरिकुःआ नइड़-बाँसकू इदानलेःआ अरू अले तोनोंगीगरीग बेगारी होड़ मेरले बड़ाँवगान। दो आम करा इयाम कतायतना, अपे अजइत जुवाःतापे, माःआन?”

रूमी 4:1

ननन इया हवे दो अबूरीग खुटिपरिया होड़ इबराहीमराः बिसवास बदीरे अबू चेले माःआनबू कताय?

मूक चेलाकू 13:26

ने ईंगरिकुःआ वपक बोपोहकूतिंग, इबराहीमरिकुःआ नइड़-बाँस होड़कू अरू भगवानपे मान मरजइतता हँकुःआ जमा बेगर एहूदाकू, सडावबू लगा अबू एचेरे नाःआ सरवन भगवान वारकेरा।

लूका 16:24

दो हाँय कताया, ने अपांग इबराहीम, ईंग नरगराः सेंगेलरेयिंग तड़पाःतना। हनालगा ईंग सोगावाडिंगखन लाजर ईंग एचेरेम वारगेय, जेमहा हाँय आयँगराः अंगरी दाःरे तोपोवाडखन ईंग अलंगरे दाःए जोरो लड़ेगींग।

एहुना 8:53

दो आम अबूरीग खुटिपहार होड़ इबराहीम अते हों मरंग इदानमेःआ जा? हाँय गोएगयना अरू भगवानराः बड़रा कता होड़कू होंकू गोएगयना। दो आम इये माःआनमे ओंगलुःता?”

लूका 5:22

ईसू सुदीगोतेड नँकू नाःआ इयाकू ओंगलेतना अरू हँकू एचेरेय कताया, “अपे चिला लगा नाःआ उड़ीपे ओंगलेतना?

मरकूस 7:21

होड़कूराः इंदरी अते बेलूर ओंगोल, जपाल होड़ेंग, इनिग, ञेड गोजेय, सनहा-सनही,

मूक चेलाकू 15:14

सिमोन पतरस अबू एचेरे नपायतेय कता उदुःकेरा, भगवान करा उड़ी मड़ंगरे बेगर एहूदाकू अते अनँयग लगा निकता होड़कू तुलाकू लगा अदोम होड़कू सुनावतेडखन अनँयग दुलारे उदुःवातेडकुःआ।

लूका 19:40

दो हाँय हँकू एचेरेय कतातेरा, “नँकू कलेकालकू दोहोन दो नाःआ दिरिकून खिररी रेम जुवाःता।”

लूका 7:39

ईसूय राःतेरा हाँयग फरीसी होड़ हना ञेलतेडखन अनँयग जीवरेय ओंगोलतेरा, नाँय दो कसूर अइमी हवे। ईसू सतायरे भगवानराः बड़रा कतायीग होड़ दोहोकुः दो सुदीगोडकेःआय करा इयायीग अइमी ईंग काटे टोँवावतना, माःआन।

लूका 12:17

हाँय अनँयग जीवरेय ओंगोलतेरा, नाःआमिन हुड़ू दोहोय लगा ततेर कोवानेःआ। दो ईंग करेयिंग दोहोय?

एहुना 8:37

ईंग सुदीयतना अपे इबराहीमरिकुःआ नइड़-बाँस होड़कू इदानपेःआ। मनदो ईंगराः कता अपे मेरपे मनेवातना। हनालगा अपे ईंग ञेड एंडागींग लगापे ओंगलेतना।