मती ओजाःतेरा भगवानराः नपाय सरवन 3:7 - Korwa Bible

⁷ फरीसी होड़कू अरू सदूकी होड़कू बतिसमा गोः लगाकू वेजेडा दो, हाँय हँकू एचेरेय कतातेड, “ने महुरा बींग इया होड़कू, दरवाःआ हना डंडियाव पवाः अते बनसाः लगा इये सेतावकेडपेःआ?

मती ओजाःतेरा भगवानराः नपाय सरवन 3:7 Referans Kwoze

मती ओजाःतेरा भगवानराः नपाय सरवन 12:34

ने महुरा बींग उड़ी होड़कू, अपे बेलूर इदानपेःआ दो, करा उड़ी अपे नपाय नपाय बड़रापे कता अवेयता? अबूराः आहते उडुंगगुःता हना बड़राराः सोर अबूराः जीव हवे।

1 तिसलूनिका 1:10

अरू गोएगतो अते भगवान जियाव रेमकिडिया आँयगरीग बेटात भगवानराः दरवाःआ हना डंडियाव अतेय सडावबूता हनाँयग ईसू सेरमो देस अतेय कुदा वेगता, हाँयकू टकागोड ञवनतना, माःआन।

रूमी 1:18

भगवानराः ओंगोल इया मेरकू जियाःता हँकुःआ होड़कू सताय कता कसूरतेकू ओकोगोडता, अरू कसूर घड़ीन बेनेलूर जीवकू जियाःता। हनालगा सेरमो देस अते भगवान, हँकू सुदा मुरुक रीसतो इदानिया।

मती ओजाःतेरा भगवानराः नपाय सरवन 23:33

ने महुरा बींग इया होड़कू, भगवान अपे डंडियावकेडखन नरगरे सोलोंगपे अते करा उड़ीपे बनसावगुःता?

रूमी 5:9

ईसू मसी अबू लगा बलिदाननेनखन बलंगीय तूतेरा। हनाते अबू भगवानराः ओंगोलरे बेगर गारबार होड़कूबू बड़ाँवयना, दो अबू भगवानराः डंडियावते हों बननसाव जुवाःताबू।

मती ओजाःतेरा भगवानराः नपाय सरवन 22:23

हनते हनानाः दिन सदूकी होड़कू ईसू एचेरेकू वेजेडा। हँकुःआ सदूकी होड़कू बिसवासगेता, तोनोंगीग होड़ गोएग जुवाः दो, हाँय ओरोय जियाव रेमनेना, माःआन। दो हँकू ईसू एचेरेकू होंबोरतेरा,

मती ओजाःतेरा भगवानराः नपाय सरवन 16:6

दो ईसू हँकू एचेरेय कतातेड, “फरीसी होड़कू अरू सदूकी होड़कूराः सेबेल सोड़ा अते अपे सवासितीपे दोहोन।”

1 एहुना 3:10

नपाय मेरेय एचेयता अरू अनँयग बिसवास वपक बोपोहकू मेरेय अलार-दुलारकूता हाँयग होड़ भगवानरीग लँइग ना लवे। ननन अते अबू सुदीगोडता इये भगवानरीग लँइग हवे अरू इये कलउरीग लँइग हवे, माःआन।

एहुना 9:40

दो हाँय सुदाकू दोहोना हँकुःआ फरीसी होड़कू अते अदोम होड़कू नाःआ अयूमतेडखनकू कताया, “अले हों अंधा इदानलेःआ जा?”

इबरानी 11:7

बिनिसवासते नूह, कहियो तोनोंगीग मेरकू ञेलगातेरा हना कताकून बदीरे भगवान सेतावतिरिया दो हाँय हना कताकूने मनावबाःयान। अरू आँयग अरू आँयगरिकुःआ मइछुवाकू बनसाः लगा भगवानराः अकूस मनाः घड़ीन मरंग दाः जहाजे तुलातेरा। नाःआते हाँय होड़कूराः कसूरे फड़ियावगोतेड अरू नूह भगवान एचेरेय बिसवासतेड अते भगवान हाँय बेगर गारबार होड़ हवे माःआने मनेवातिरिया।

मूक चेलाकू 26:5

हँकू ईंग मुरुक बरिसतेकू सुदीगींगतना अरू हँकू ओंगोलकेःआ दो ईंग बदीरे कता उदुः अवेकेःआकू, अलेराः नियम इया जिनियाः लगाकू कुरनिसगेतना हँकुःआ कटकट फरीसी होड़कू अते मी होड़ ईंग दोहोना।

मूक चेलाकू 20:31

हनालगा सवासितीपे दोहोन। अंदांज पेय बरिस वरी ईंग इयाम घड़ीन दिन रइत अपेयिंग सेतावगोड ञवना।

मूक चेलाकू 15:5

दो मड़ंगरे फरीसी होड़कूरिकुःआ गउदारेकू दोहोना हँकुःआ बिसवासी होड़कू अते अदोम होड़कू कताया, बेगर एहूदाकू बिसवासरे वेग लगा इदान दो हँकू मड़ंगरे एचे खतनान लगा इदा अरू मोसेस एमेतेरा हना जमा नियमकून हँकू मनावगे लगा इदा, माःआन।

मूक चेलाकू 5:17

हनते मूक पुजउरी अरू आँयग सुदाकू दोहोना हँकुःआ सदूकी गउदारिकुःआ होड़कू, मूक चेलाकू मुरुककू इरावाकुःआ।

एहुना 8:44

कलउ अपेरीग अपांग हवे अरू हाँयराः ओंगोल इया एचेय लगापे चहाःता। हाँय मनाड़ंग वरीते होड़कूय ञेड गोएगता अरू तोनोंग इयाःआ सताय हाँय एचेरे कोवानेःआ। हनालगा हाँय भगवानराः सताय सरवने हिनइस-बिनइसवाता। हाँय लबरा इदानिया अरू जमा बरानाः लबरा हनाँय अगीते उडुंगगुःता। हनालगा हाँय अनँयगराः लूर-नेवन इया लबरा बड़राय कतागोड ञवनता।

एहुना 1:24

नँकुःआ होड़कू फरीसी होड़कू वारगोतेडकुःआ

लूका 18:11

दो फरीसी होड़ चड़ाँवाडखन नाःआ इयाय अरजीःआ, ने भगवान, ईंग एटाः होड़कू इया इनिग होड़, सहे कसूर होड़, सहे सनहा होड़ कोवायिंगा। ईंग नाँयग मलगुजारी गोः होड़ इया हों कोवायिंगा। हनालगा आम ईंग धनियाबादिंग ओवामता।

लूका 16:14

ललचीकू दोहोना हँकुःआ फरीसी होड़कू, ईसूराः बड़रा अयूमवाडखन हाँयकू लंदावाःआ।

लूका 7:30

मनदो फरीसी होड़कू अरू नियम चेडदार होड़कू एहुनाराः बतिसमा मेरकू गोःगाड अते, भगवानराः हिछाकू टड़ावगोतेड।

मरकूस 12:18

सदूकी होड़कू कतायता, गोएगतो होड़कू मेनेरकू जियाव रिमुःता, अरू हँकू ईसू एचेरे वेगवाडखनकू होंबोरतेरा,

मरकूस 12:13

तयोमते एहूदा मूक होड़कू ईसू दाः लगा, फरीसी होड़कू अरू हरदोसरिकुःआ होड़कू हाँय एचेरेकू वारतेडकुःआ।

मरकूस 8:15

दो ईसू हँकू सेतावतेडखने कताया, “ञेलपे, फरीसी होड़कूराः अरू हरदोस राजाराः सेबेल सोड़ा अते अपे सवासितीपे दोहोन।”

मती ओजाःतेरा भगवानराः नपाय सरवन 22:34

ईसू सदूकी होड़कूराः आहे कता रिपूडगोतेरा, माःआन फरीसी होड़कू अयूमतेरा दो हँकू मिनीरेकू जुमावयान।

मती ओजाःतेरा भगवानराः नपाय सरवन 22:15

हनते फरीसी होड़कू हंडा अतेकू उडुंगनेना अरूकू कता होड़ेंगा, “नाँयग ईसू करा इया बड़रारेबू बझावगेय।”

मती ओजाःतेरा भगवानराः नपाय सरवन 12:24

मनदो फरीसी होड़कू नाःआ कता अयूमतेडखनकू कतातेड, “भूतकूरीग राजा दरहाते नाँय भूतकूय एचे उडुंगतना।”

मती ओजाःतेरा भगवानराः नपाय सरवन 5:20

अपे ईंगपे अयूम, अपेराः लूर-नेवन फरीसी होड़कू अरू भगवानराः नियम चेडदार होड़कूराः लूर-नेवन अते नपाय मेर दोहोन दो अपे भगवानराः राइजरे कहियो ओरोपे बोलो अवेनेना।”

इबरानी 6:18

दो भगवान अबू सुदाय जबानकेरा, अरू मीटोंग किरिया होंय जोमकेरा। भगवान कहियो ओरोय लबरा अवेनेना। हनालगा नाःआ बनर कहियो ओरो टगावनेना। अरू अबू हाँय एचेरे दांगगुः लगाबू बतकावकिया दो, मुरुक डीड़कियानखन अबू मड़ंगरे इदा हना असराबू पवाव अवेन।

मती ओजाःतेरा भगवानराः नपाय सरवन 15:12

हनते चेलाकूतेन ईसू एचेरे वेगनेनखनकू होंबोरतिरिया, “आम सुसुदीतना जा फरीसी होड़कू नाःआ कता अयूमकेडखनकू रीसयना?”

मती ओजाःतेरा भगवानराः नपाय सरवन 16:1

मी दिन फरीसी होड़कू अरू सदूकी होड़कू ईसू अंदजाव लगा हाँय एचेरे सेनेडखनकू कतातेड, “ने गुरुजी, आम सेरमो देसराः मीटोंग चिनहाम उदुःवाले।”