मती ओजाःतेरा भगवानराः नपाय सरवन 3:11 - Korwa Bible

¹¹ अपे कसूर अते जीवपे कुदागे लगा, दाःते बतिसमायिंग एमेयतना। मनदो ईंग तयोमरेय वेगता, हाँयग होड़ ईंग अते मरंग इदानिया। हाँयराः चाटी रेम जुकूर हों कोवायिंगा। हाँय सुद बिरुवाते अरू सेंगेलते अपे बतिसमाय एमेवापेता।

मती ओजाःतेरा भगवानराः नपाय सरवन 3:11 Referans Kwoze

लूका 3:16

दो एहुना हँकू एचेरेय कताया, “ईंग दाःते बतिसमायिंग एमेतना। मनदो ईंग अते मरंग मी होड़ वेगता। हाँयराः चाटीराः डोरा लड़ाः जुकूर हों ईंग कोवायिंगा। हाँय अपे सुद बिरुवाते अरू सेंगेलते बतिसमाय एमेवापेता।

मूक चेलाकू 1:5

एहुना अपे दाःते बतिसमाय एमेवातेडपेःआ, मनदो तोनोंग दिन तयोमरे भगवान अपे सुद बिरुवाते बतिसमाय एमेवापेता।”

तितूस 3:5

अबूराः तोनोंगाः नपाय बुताते भगवान मेरेय सडावगडबू, मनदो अनँयग आँयग मयावाडबूखन आँयगराः सुद बिरुवा अबू जीवरे पेरेगकेडखन अबूराः कसूरे बुहालकेरा अरू नँवा जीवे एमेकेरा।

1 कुरिंती 12:13

अबू अते तोनोंग तोनोंग होड़कू एहूदाकू हवे अरू तोनोंग तोनोंग होड़कू बेगर एहूदाकू हवे। अबू अते तोनोंग तोनोंग होड़कू बेगारी होड़कू इदानकुःआ अरू तोनोंग तोनोंग होड़कू बेगारी होड़कू कोवाकुःआ। मनदो भगवान सुद बिरुवाते अबू जमाकू बतिसमाय एमेवाडबुःआ अरू मसीराः देहराः एटाः एटाः दगलीकूने बड़ाँवकेडबुःआ। नुँहू भगवान अबू जमाकू जीवरे हनानाः बिरुवाय एमेकेरा।

मती ओजाःतेरा भगवानराः नपाय सरवन 3:6

अँनकूराः कसूरकू कबुलावनेना, हँकुःआ होड़कू लगा एहुना बतिसमाय एमेतेरा।

मूक चेलाकू 19:4

पउलूस कतातेरा, “एहुनाराः बतिसमा कसूर अते जीव कुदागे लगा दोहोना। हाँय तयोमतेय वेगता हाँयग होड़ एचेरे बिसवासगे लगा होड़कू एचेरेय कताया अरू हनाँयग होड़ हवे, ईसू।”

लूका 1:17

हाँयराः जीव इलियाहराः जीव इया जंगरते दोहोनता अरू हाँय एंगात अपात अरू लइंकू एचे राजू नमा गोटकूताय अरू भगवानराः बड़रा मेरकू मनवेता हँकूराः जीव कसूर अते एचे कुदाकेडखने नपायगोडता। नाःआ इया हाँय परबू वेग अते मड़ंग होड़कूराः जीवे संजोड़ता।

एहुना 1:30

ननाँय बदीरे मड़ंगरेयिंग कतातेरा, मी होड़ ईंग तयोमतेय वेगता अरू हाँय ईंग अते मनाड़ंग जूग वरीतेय दोहोना। हनालगा हाँय ईंग अते मान मरजइतगेयीग इदानिया।

मरकूस 1:4

दो बतिसमा एमेयीग होड़ एहुना टयंगाब ततेररे सेनेडखने परसारतेरा, भगवान अपेराः कसूरे बराव एंडागे लगा कसूर अते जीव कुदाकेडखन बतिसमापे गोः, माःआन।

इपीसी 3:8

भगवानरिकुःआ जमा सुद होड़कू अते ईंग हुडिंगीग हवे। हनते हों बेगर एहूदाकू एचेरे मसीराः अगामाः आन-धान बदीरे कता उदुःगे लगा भगवान ईंगे मयावारा।

1 पतरस 5:5

ने डिंघाकू, हनन इया अपे हों कलसियारिकुःआ मूक होड़कूराः आड़रेपे दोहोन। भगवानराः कागदरे नाःआ इया ओजाःतो इदा, “भगवान बड़वार होड़कूय हिनइस-बिनइसवाकूता, मनदो हुडिंगकू उंगलुःता, हँकुःआ होड़कूय मयावाकूता।” हनालगा अपे अँननपे अपे हुडिंग ओंगोलकियानखन, सेवा होड़ेंग लगा सपड़ावतोपे दोहोन।

एहुना 1:15

बतिसमा एमे होड़ एहुना हाँय बदीरेय कतातेरा, ननाँयग होड़ बदीरे मड़ंगरेयिंग कता उदुःतेरा, ईंग तयोमतेय वेगता हाँय, ईंग अते मनाड़ंग वरीते इदानिया। हनालगा हाँय ईंग अते अगम मान मरजइतगेयीग इदानिया।

लूका 3:3

दो एहुना एरदन नई गतरराः छतररे सेनेवाडखने परसारतेरा, भगवान अपेराः कसूरे बराव एंडागे लगा कसूर अते जीव कुदाकेडखन बतिसमापे गोः, माःआन।

मूक चेलाकू 8:36

दो हँकिन सेनेन सेन दूररे हना संडक कुटीरे दाः दोहोना। दो हाँयग मरंग हातपात होड़ कतातेरा, “ञेलमे नंडा दाः इदा। ईंग बतिसमा एमे अते तोनोंग टटी-बेड़ा इदा जा?”

मूक चेलाकू 8:38

दो हाँयग मरंग हातपात होड़ रंत रोंकावगे लगाय हुकुमतेरा। हना तयोमरे बना होड़ उतरावनेनखन दाःरेकिन बोलोयान। अरू पिलिप हाँय बतिसमाय एमेवातेरिया।