मती ओजाःतेरा भगवानराः नपाय सरवन 21:10 - Korwa Bible

¹⁰ ईसू एरुसलेम मरंग सहररेय बोलोनेन दो सहररे हलो-गदोड़ीयान अरूकू होंबोरतेड, “नाँय इये हवे?”

मती ओजाःतेरा भगवानराः नपाय सरवन 21:10 Referans Kwoze

मूक चेलाकू 9:5

दो साहूल होंबोरतेरा, “परबू, आम इये हवे?”

लूका 9:9

हनते हरदोस कताया, “एहुनाराः बोः ईंग एचे पुजातेरा। दो नुँहू इये बदीरे ईंग अयुमेतना?” अरू हरदोस ईसू ञेल लगा मुरुके कुरनिसतेरा।

लूका 7:49

ईसू सुदा जोम लगाकू दुड़ुःनेना हँकू ओंगलेःआ, कसूर होंय बराव एंडागोडता नाँयग होड़ इये हवे, माःआन।

लूका 5:21

फरीसी होड़कू अरू नियम चेडदार होड़कू अँननकू जीवरेकू ओंगोलतेरा, भगवान बदीकेडखने कतायतना नाँयग होड़ इये हवे? भगवान अड़ाःकेडखन इये कसूरे बराव एंडा अवेयता, माःआन।

एहुना 2:18

हनते एहूदाकूरिकुःआ मूक होड़कू ईसू एचेरेकू कतातेरा, “नाःआ इया एचेय लगा आम इये हातपाते ओवाडमेःआ अरू हना अले सुदीबाःका लगा चिला चिनहाम उदुःवालेता?”

लूका 20:2

ईसू एचेरेकू कताया, “उदुःवालेमे, नाःआ नाःआ इयाःआ बुताकून करा इयाम एचेयतना? नाःआ एचेय लगा इये हातपाते ओवाडमेःआ?”

मती ओजाःतेरा भगवानराः नपाय सरवन 2:3

नाःआ कता हरदोस राजा अरू एरुसलेमरिकुःआ होड़कू अयूमतेड दो हँकूराः जीव मुरुक बोरोयान।

मती ओजाःतेरा भगवानराः नपाय सरवन 21:9

मुरुक बगरा होड़कू हाँय मड़ंग मड़ंग अरू देह दूरकू सेनेडा अरू हँकुःआ होड़कू मुरुक खिररी घड़ीनकू कताया, “दाऊद राजारीग नइड़-बाँस होड़के होसनना!” “परबूराः ञावतेय वेगता हाँयग होड़राः जीव भगवान भलावाता!” “सेरमो देसरीग भगवानके होसनना!”

मती ओजाःतेरा भगवानराः नपाय सरवन 21:11

दो हाँय सुदाकू सेनेडा हँकुःआ होड़कू कतातेड, “नाँय गलील छतरराः नसरत सहर अतेय वेगकिया हाँयग भगवानराः बड़रा कतायीग होड़ ईसू हवे।”