मती ओजाःतेरा भगवानराः नपाय सरवन 2:12 - Korwa Bible

¹² दो सेरमो देसरीग बराहील हँकू एचेरे सपनारे सेतावतेडकूखने कताया, अपे हरदोस राजा एचेरे अलोपे कुदा सेन, माःआन। हनालगा हँकू एटाः दूरते अँकूराः देसकू कुदा सेनेडा।

मती ओजाःतेरा भगवानराः नपाय सरवन 2:12 Referans Kwoze

मती ओजाःतेरा भगवानराः नपाय सरवन 2:22

अरकिलाउस आँयगरीग अपात हरदोस राजाराः बदलारे एहूदिया छतररे राइजगेतना, माःआन उसूप अयूमतेरा। दो हाँय एहूदिया छतर सेन लगाय बोरा। एटाः सपनारे भगवान हाँये सेतावतेरा दो, हाँय गलील छतर अगीय सेनेडा।

मती ओजाःतेरा भगवानराः नपाय सरवन 2:19

तोनोंग बरिस तयोमरे हरदोस राजा गोएगनेना। हनते परबू भगवानरीग बराहील मिसिरी देसरे उसूप एचेरे मीटोंग सपनारेय कतातेरा,

मती ओजाःतेरा भगवानराः नपाय सरवन 2:13

हँकुःआ कनहूनदारकू कुदायान, हना तयोमरे परबू भगवानरीग बराहील सपनारे उसूप एचेरे सेनेडखने कताया, “रिमुःमे, लँइग अरू एंगात गोःकेडखन मिसिरी देस अगीम ञीर। हरदोस राजा लँइग ञेड गोजेय लगाय ओंगलेतना। हनालगा ईंग आम एचेरेयिंग कतायता हना बेला वरी हंडाम दोहोन।”

मती ओजाःतेरा भगवानराः नपाय सरवन 27:19

पिलातूस गदीरे फड़ियावगे लगाय दुड़ुःआ हनमेला आँयगरीग अइमी हाँय एचेरे मीटोंग सरवने वारतेरा, “हाँयग सुधिया होड़राः जीवरे तोनोंगाः अलोम एचे। हाँय बदीरे ईंग मीटोंग सपनायिंग ञेलकेरा अरू हनाते नुँहू वरी ईंगराः जीव ओंगोल कुंभलाःतना।”

मती ओजाःतेरा भगवानराः नपाय सरवन 1:20

दो उसूप नाःआ इयाय ओंगोल दोहोतेरा दो, परबू भगवानरीग बराहील सपनारे हाँय एचेरे एचे ञेलनेनखने कताया, “ने दाऊदरीग नइड़-बाँस होड़ उसूप, सुनुद बिरुवाते मरियम भरी-पावकिया। हनालगा हाँय आम अइमी बड़ाँः अते अहम बोर।

इबरानी 11:7

बिनिसवासते नूह, कहियो तोनोंगीग मेरकू ञेलगातेरा हना कताकून बदीरे भगवान सेतावतिरिया दो हाँय हना कताकूने मनावबाःयान। अरू आँयग अरू आँयगरिकुःआ मइछुवाकू बनसाः लगा भगवानराः अकूस मनाः घड़ीन मरंग दाः जहाजे तुलातेरा। नाःआते हाँय होड़कूराः कसूरे फड़ियावगोतेड अरू नूह भगवान एचेरेय बिसवासतेड अते भगवान हाँय बेगर गारबार होड़ हवे माःआने मनेवातिरिया।

मूक चेलाकू 5:29

दो पतरस अरू एटाः मूक चेलाकू कतातेरा, “अले होड़कूराः कता मनाः अते बगरा भगवानराः कता मनाः लगा इदा।

मूक चेलाकू 4:19

मनदो पतरस अरू एहुना कता कुदातेरा, “अपे अँननपे अपे फड़ियावगे। भगवानराः कता अते अपेराः कता बगरालिंग मनाः दो हना भगवान मड़ंगरे नपाय इदा जा?

1 कुरिंती 3:19

नाःआ चउंदीसरिकुःआ होड़कूराः कनहून भगवान मड़ंगरे बुयांगतो इया इदा। अरू हनानाः बदीरे भगवानराः कागदरे ओजाःतो इदा, “अँननकू कनहूनदारकू ओंगलुःता, हँकुःआ होड़कू अँननकूराः बुइदकूनते भगवान दाःकूता।”

लूका 2:26

भगवानराः सुद बिरुवा मड़ंगरे सिमोन एचेरे कतातेरा, भगवान वारेयता हाँयग मसी अरीनमे ञेलेय हना वरी आम ओरोम गोएगनेना, माःआन।

मूक चेलाकू 10:22

दो हँकू कताया, “कुरनेलियूस ञावीग रूमी देसराः सइना होड़कूरीग हातपात होड़ अले आम एचेरेय वारकेडलेःआ। हाँय भगवाने बोरोवाता अरू हाँयराः कताय मनाःता। एहूदाकू हाँय नपायतेकू मान मरजइतगेयता। आँयग ओड़ाःरे आम राःमे लगा अरू आम कतायता हना जमा कताकून मनावगे लगा हाँय एचेरे भगवानरीग सुद बराहील कतातेरा।”

इबरानी 8:5

चउंदीसरिकुःआ पुजउरीकू सेसेवातना हना टपइर ओड़ाः सेरमो देसराः सताय टपइर ओड़ाःराः उंबूल अरू अउल-तउल इया इदा। हनालगा मोसेस टपइर ओड़ाः भाये तुलागे मेला भगवान हाँये सेतावतेरा, “अयुमेमे! पहाड़रे नकलिंग उदुःवातेडमेःआ, हनन इया जमालेःआ तुतुला लगा इदा।”