मती ओजाःतेरा भगवानराः नपाय सरवन 14:2 - Korwa Bible

² अरू हाँय अनँयगरिकुःआ सेवकियाकू एचेरेय कतातेरा, “हाँय गोएगतो होड़कू अतेय जियाव रेमकिया हाँयग बतिसमा एमेयीग होड़ एहुना हवे। हनालगा हाँय बयाव जुवाः इयाःआ बुताकूने एचे उदुः अवेता।”

मती ओजाःतेरा भगवानराः नपाय सरवन 14:2 Referans Kwoze

मती ओजाःतेरा भगवानराः नपाय सरवन 16:14

दो हँकू कतातेड, “अदोम होड़कू कतायता, आम बतिसमा एमेयीग होड़ एहुना हवे, माःआन। अरू अदोमकू कतायता, आम भगवानराः बड़रा कतायीग होड़ इलियाह हवे, माःआन। अरू अदोमकू कतायता, आम इरमिया सहे भगवानराः बड़रा कता होड़कू अते तोनोंगीग मी होड़ होड़ हवे, माःआन।”

एहुना 10:41

मुरुक होड़कू हाँय एचेरेकू सेनेडा अरू हँकू कताया, “एहुना तोनोंगाः बयाव जुवाः इयाःआ बुता मेरेय उदुःगाड। मनदो एहुना नाँयग होड़ बदीरेय कतातेरा, हना जमा कताकून सनाताय दोहोना।”

मरकूस 8:28

दो हँकू कतातेड, “तोनोंग तोनोंग होड़कू कतायतना, आम, बतिसमा एमेयीग होड़ एहुना हवे, अरू एटाःकू कतायतना, आम इलियाह हवे अरू तोनोंग तोनोंग होड़कू कतायतना, आम भगवानराः बड़रा कता होड़कू अते मी होड़ हवे, माःआन।”

मती ओजाःतेरा भगवानराः नपाय सरवन 11:11

“अपे ईंगपे अयूम, नुँहू वरी चउंदीसरेकू जनमावकिया, हँकुःआ जमा होड़कू अते एहुना मरंगीग हवे। मनदो भगवानराः राइजरीग हुनुडिंगीग होड़ हों एहुना अते मरंग इदानिया।

मती ओजाःतेरा भगवानराः नपाय सरवन 3:1

हनानाः दिनरे बतिसमा एमेयीग होड़ एहुना एहूदिया छतरराः टयंगाब ततररेय परसारतेरा,

मरकूस 6:14

ईसूराः ञाव जमा देसरे जगावतो दोहोना अरू हरदोस राजा ईसूराः जमा कताकूने अयूमतेरा। तोनोंग तोनोंग होड़कू ईसू बदीरेकू कतातेड, “बतिसमा एमेयीग होड़ एहुना गोएगतो अतेय जियाव रेमकिया। नननलगा बयाव जुवाः इयाःआ बुता नाँय एचे उदुःगेता।”

लूका 9:7

ईसूराः बदीरे अयूमवाडखन गलील छतररीग हातपात होड़ हरदोस बयावयान। तोनोंग तोनोंग होड़कू कताया, बतिसमा एमेयीग होड़ एहुना गोएगतो अतेय जियाव रेमकिया।